patpatrabbit的部落格

好耐無見囉大哥～我估唔係話要比返啲電器單佢，都唔知幾時先約到……

大哥又屋企又多咗好多嘢～今日連伊娃囡囡都有嚟～可惜阿蘭病咗同鹿要返工無嚟～

Yeah～Yeah～我地又見面啦～雖然見完無耐～但話晒係新年，所以都要見面架嘛～ 因為蘭搬咗新屋，所以今次順便上佢度 House Warming～ 佢而家養咗兩隻貓貓，好 cute 哦～

新的一年又開始囉～我的生日飯都仲繼續食緊哦～

今日晏晝其實已出咗街，因為約咗同事 - 00 去佢師傅屋企睇流年運程，出年雖然係犯太歲，但其實唔算太差，希望出年可以平安渡過～

之後仲有時間去睇個中醫，調理吓身體。 咁樣時間就啱啱好，去到 the mira 都未夠六點～ 第一次嚟呢間 Assaggio Trattoria Italiana ，嘢食係真係唔錯，但份量真係細，我地六個人食咗下面咁多嘢都唔太飽～

同埋呢度的唔好處係唔坐得耐…下次應該都唔會揀呢度… 因為唔飽又傾唔夠，所以諗住去食甜品，最初係打算出返 K11 嗰頭食嘅，但係美麗華商場見到呢間京都抹茶屋，因為唔駛行，又無人等位，大家就係度食呢～這家的甜品唔錯哦～

返到屋企阿媽話我聽我盒 Gmarket 到咗了～ Yeah ～

下星期返凍我就有厚的Dr. Miz 著啦！ Dr. Miz 原來今年轉咗出 210 針同 350 針的，我都係睇 FB 啲代購先知，今次買咗 2 對 210 針的，1 對 350 針的，竟然店家送了三對日本製的紫色絲襪，賺了～

今次都訂咗 Mamonde 的唇膏。點解想試? 因為韓劇《匹諾曹》（ Pinocchio） 的朴信惠都用緊呀～佢係劇中用的 16 號色勁快賣晒，好彩我都搶到一枝～如果我肯早一兩星期比錢價錢可以平多少少添呀～ 試用兩日，呢隻唇膏好上色，只係略嫌唔夠潤～

眨下眼又到碧奇生日會囉～鹿人在杭州今次 join唔到我地玩了～ 今日去食大和豚総本店，本來都諗緊要唔要轉地方，因為佔中越演越烈…但晏畫身在旺角的囡囡話貌似太平，所以我地就照出～

可能真係佔中的關係，成間餐廳都無乜人，計埋我地只有三四枱人… 我地食咗呢度出名的骨膠原美人鍋～

果然真係唔錯喎，個湯底夠清，啲肉同菜味都好夾，推介呢～ 我地都叫咗一碟燒肉，突然好有韓國 feel 呢～

除咗呢兩個主菜，我地都有叫其他嘢食，因為有男仔係度，驚唔夠飽… 基本嘢～炸豬扒，呢個基本唔會衰得去邊～

返而呢個豬手就有驚喜了，好味呢～

其實仲有個十勝豚肉飯都好好味，豬肉夠大塊，撈飯的汁都夠多又夠味，不過就唔記得影相囉… 最差係呢個芝士焗薯，個芝士好騷…同埋成個嘢好乾…真係唔好食…

因為曹曹要遲嚟，我地食飽就行咗白布街嗰邊食糖水～ 本來係 He She Eat 同 Next Station Dessert 之間爭扎緊，但 Next Station 唔駛等位，所以最後去咗呢間! 呢間的甜品好好味～BB 豬點嗰 熱朱古力甜品同我嗰個三個味焦糖燉蛋都好值得推介～ 

 
今晚除咗食生日食飯，仲係手信交換日呢～

最開心係收到囡囡送的 My Melody 指甲油，超可愛呢～

這可是我今年第一份收到的生日禮物呢～真係大愛呀～!! (≧3≦)

今年 YSL 都有送生日禮物比我，今年的好實用，係 USB 手指來哦～ 我自己就買返枝明彩筆，我初初用嗰陣得五個色，原來而家有十幾色～希望今次呢隻色會啱我…

趁食飯前，我仲去咗 fresh 八吓，因為個唇甩皮甩得好緊要，

我要好好護理吓佢～所以豪買咗一個磨沙同精華。而家用咗兩晚，個咀啲死皮好似真係好咗少少…

本來約咗我旅行前食呢餐，因為我之前唔太舒服，跟住 Cathy 又結婚，結果等到今日先食～

跟住本來訂好晒枱係旺角食，又因為怕咗佔中問題，又搞到最後一刻先改地方去尖沙咀食…完全係一波三折…

平時我嚟呢間都只食意粉同飲熱朱古力，今次因為人多，所以試多咗好多嘢呢～個蜆同個心太軟真係好好食～下次一定要食～

(>_<) 本來今日約咗葉小姐出嚟食飯兼收手信架，但點知我今朝啲鼻涕係咁不停流，返公途中又想嘔，結果我都係一返到去就走……

但因為佢幫 Diana 買咗 Sofina，我聽日又約咗佢交收喎，所以今日一定要收咗先！

※提外話: Sofina Primavista Ange 呢條副線係台灣買真係抵，呢度咁多枝全數埋單先係 HKD490※

由晚飯變咗地鐵站交收，雖然係企係度，但我地都傾咗一個鐘～哈哈～ 多謝你哦～葉小姐～

約咗幾耐吓的森美生日會終於搞得成啦～今次我地係去 High Tea呢～～

好在呢間唔算多人，都易訂枱，入坐就會有一人一杯 Welcome Drink，這杯有淡淡的蜜桃味，很合我口味呢～

這另一特別之處係 - 佢係食中式點心架～每人可以配壺茶，Mika 大力推介 "甜蜜回憶"，這款茶是桂花加香片，入口幾清新幾香的。不過個人嚟講就鐘意啲正氣少少的茶，所以我最後揀咗人蔘烏龍，佢嗰陣回甘味好勁，飲完喉嚨好舒服，我極力推介!！

點好晒飲品，啲嘢食就會嚟啦，因為佢已經係定好晒食乜嘢，唔駛自己揀！ 先來中式的～我自己最愛係個帶子，真係爽身唔 un～

仲有蒸的點心，雖然其中一款有糯米，但其實兩款都好好味～

食完熱食就到甜品，不過呢個就一般啦，唔算太出色，我覺得最好係個焦糖燉蛋～

成個 set 最後食的係呢個肥豬肉多士，唔知係咪我地太遲食，凍咗，但個肥豬肉佢處理得好好，一啲都唔肥膩。

跟住同佢地分開咗後，我就去買堂島 Roll，去咗大阪咁多次都無一次成功食到，估唔到係香港先可以食到，不過可能我晏嚟，原味的半份已經賣晒了，唯有買住芝士味先～

真係好滑，好好味呢～！

上個月先話嚟香港開演唱會，今個月就真的舉行了，都真係開得幾急～

今次我都係陪我細佬去睇，雖然我都有聽開板野友美的歌，但真係不至於很熱愛～

今次演唱會我完全見識到宅男們的威力，入場前係電梯口有人派螢光棒同應緩指引，入場後派橫額。佢地一見到友美出嚟就彈起身，連中間過場的時間都唔願坐底……播緊啲舊片段時都會揮住螢光棒……

雖然有啲歌我唔識，歌手的唱功都唔算好出色，但勝在歌迷夠熱情，氣氛很好呢～

原本係約上個月出嚟食飯慶祝峰峰生日的，但約吓約吓就變咗八月聚會了……

大概半年無見，峰峰真係大個仔咗好多囉～雖然佢都好玩，但就慢熱啲，差唔多到走嚟熟，下次再約早啲，同你玩耐啲～

而家丼丼屋有午餐定食供應了，都幾豐富喎～

除咗主菜，仲有飲品同甜品，很滿足呢～

食飽之後葉小姐同阿牛兩對夫婦去睇 BB 嘢，我就費事做電燈膽啦，我自已去咗 Uniqlo 同 Lowry Farms 八，竟然都比我買到心頭好同平貨，大大大大滿足呢～

七、八月真係唔知點解，好多人生日，有見及始我地決定搞聯合 home party，通常每年七八月，我地都係係 BB 豬屋企開生日會的，所以今年都唔例外啦～

不過可惜呀，今年東海堂無出呢個蜜瓜味蛋糕一磅裝，淨得迷你版，今年食唔到了～阿蘭最後幫我地訂咗個芒果芝士蛋糕～!!

今年我地無玩 wii，改咗睇杜汶澤嗰套豪情，睇到一半大家已一致認同佢係一套欄片……好彩天空帶咗副好好玩的咭 game 嚟，唔記得咗係咪叫“鬥牛”，它真的是一副要用腦去玩的遊戲，正～!!

夜晚我地去咗家傳滬曉食飯，不過因為佢分兩輪食，我地食六點，啱先嗰件蛋糕都未落格，又嚟晚餐確係堅飽，今年玩得好開心呢～

**同場加映**

今日鹿嚟除咗係參加生日會，其實仲有交收任務呢～ 雖然好耐無淘寶但嗰日見 Catworld 特價，都忍唔住手叫鹿幫手淘咗三件。

鹿又要嚟收嗰兩部 Panasonic LF1 相機，生日會嗰陣即場試埋機，相的效果都錯呢，而且多特效又易用，係平價入手之選!!

我自己就順手搭電器妹買咗個美體修護器 ES-WR40/V，因為平時出去做 treatment 見啲技師用電剃毛刀都幫我剃得好舒服，問過佢地，佢地話其實係手勢問題，唔係刀的牌子問題，而且用呢啲比用脫毛膏嗰啲好，因為唔會有咁多化學成份痴上身，所以平平地買把返嚟玩吓～

之前一直只有係日本才有機會可以找到 My Melody 的 Pop-up Café，而家終於輪到香港都有啦~~~~!!  

香港呢間開咗係朗豪坊，而且係期間限定兩個月，只會做到九月中，所以一定要快啲去~~~!!  

雖然我同阿媽十點四到已到朗豪坊，但原來有人比我們更早，由於太早的關係，電梯係上唔到十樓，所有電梯一定要到十點半先開，所以我地嚟到的時候已有人係四樓排緊隊等............  

但其實朗豪坊真係安排得麻麻地，佢地無明確示比人聽要點排同係邊度排，搞到係地下的又用到電梯上，四樓的又得，好混亂......   真係好彩我地早去到，我地只係企咗一陣，條隊已經轉到上另一層樓.........  

上到嚟，終於見到餐廳正門啦~~~~~好可愛哦~~~~~~

餐廳真係準時十一點先會放人入去，入滿晒就會開始派籌，每一張枱的用膳時間係九十分鐘，各位真的要把握時間..........

十一點開始就有午餐 Set， 有一個主菜加一杯嘢飲。之前我上網睇咗優先試食的食評，話熱食比日食的更口味，所以今次我地揀咗意粉同豬扒飯~~~~

可能因為太多人一齊落單，啲嘢食都要等幾耐吓~~~~

本來對於呢啲 gimmick 嘢就唔太抱有期望，但估唔到佢味道都唔錯，雖然唔係超級好味，但都叫物有所值，最愛佢杯石榴蜜桃特飲，勁香的~~~~

今日真係有好多活動……

朝早先要去做物理治療，然後就要同阿媽去中環的有機產品舖頭買藜麥。

呢期呢隻產品無端端被熱捧，話有可以減肥，又可以降血壓咁喎，搞到全市斷貨咁滯，我去呢間白色的藜麥都話賣晒，好彩佢仲有紅色同黑色的賣。山長水遠行到嚟，身水身汗，無理由唔買返包就走，最後我買咗包紅色的。店員哥哥話佢地同白色藜麥的分別係紅色同黑色纖維多啲同硬啲，營養成份就差唔多。

(p.s. 星期日阿媽煮咗，我試咗少少，其實同食糙米差唔多，但佢比糙米細粒好多，圓碌碌咁，都易接受嘅。)

買完嘢準備返屋企嗰陣路過 Coach 同 Gap，係 Coach 買咗個特價的證件套。Coach 的小物真係好啱我心水～

返到屋企訓一陣又出門口了～～ 今晚去咗火間土同阿蘭慶祝生日，雖然食物質素好似下降咗，但甜品質素仍然唔錯!

今晚還收到了囡囡的澳洲手信同碧奇的沖繩手信，好開心哦～