patpatrabbit的部落格

00上星期又去咗泰國玩，口水姐本來話想要買 BKK 袋，但佢只會路過 Posh，於是乎變咗 Posh 手袋連總代購。 匆匆忙忙的我揀咗一個細手袋同一個萬用袋，兩個都係深紫色，超靚的~~~!! 00 仲帶咗泰國版的樂天熊仔餅返嚟，芒果味的，估佢唔到又幾香架喎~~~ 仲有呢個泰國版的 Lay's 薯片，這個青檸味都幾清新，我立刻叫身在泰國的 Joey 幫我追加，唔知佢買唔買到....... 放工返到屋企，見我到我係 Black Friday 訂的 Marc by Marc Jacobs New Too Hot To Handle 終於到咗......即係安心晒......因為之前一路 Check 佢的時候話航班有事要 Delay，i-parcel 搵緊解決方法，跟住嚟到香港又話清關 Delay，好驚唔知幾時先送到嚟，而家終於安心晒，又有新袋用了~~~~!! ​

忽然抽起條筯想訂啲爪夾，於是去咗樂天的 お世話や。今次仲幫同事買咗兩對耳環～ 我自己就偏好啲浮誇啲大粒啲的耳環～所以㨂咗呢對～     跟住全部都係頭夾～隻隻都好靚呢～          ​

終於比我搵到一家是按實重嚟收費的轉運公司，而家我都可以買到美國貨啦～當然有部分貨都要搵代購或朋友幫手買啦～ 始終係第一次幫襯，唔敢買太貴嘢，先來一個 Kate Spate 小銀包試試先，一來佢做緊特價，而且係我好鐘意的墨綠色～         買完之後先醒起要買生日禮物比 Joey 同 Mika, 於是第二日再買咗對耳環同手鍊比佢地～ 等咗兩個星期到就到香港～好開心哦～​

好耐無買過英國嘢，但自從開始睇石原さとみ 主演的 《5→9〜私に恋したお坊さん〜》之後真係好鐘意佢帶的 Daniel Wellington 手錶 同 Michael Kors 的雙面袋～ 好在一向有睇開微博，知 Daniel Wellington 錶在 Amazon UK 間唔時會有特價，而且我今次仲捉到佢可直郵香港～而家比起係香港買平咗成一半呢～   ​

又嚟日本貨啦~~~~本來都諗住唔買嘢住，但上月樂天大減價，忍唔到手，再加上次訂的袋今個月終於出貨了，點都有嘢要運嚟，所以就豪多一次啦~~~ 就係呢個 Perenne 的袋足足等左我成個月........... 個袋顏色同造工都係靚的，只係細咗少少同要等太耐............ 我本身係睇中咗呢對 Kobe Lettuce 的紅色鞋的，但諗諗我已入手很多紅色衫，如果連鞋都要埋紅色就會好誇張.....所以最尾都係揀呢個格仔......... 佢唔可以話係好好著，但最起碼佢唔刮腳，同埋真係好襯衫~~~~!! 都話我真係入手咗好多紅色衫~~~拿呢件 Soulberry 又係啦~~~~其實我都有少少抗拒係呢間度買衫，因為佢啲 QC 麻麻地，尺寸又唔太準，試過買件衫係側邊爆咗線的，又試過一條褲係完全著唔到的，不過因為我好鐘意呢啲外套，所以都博埋今次，好彩今次成功~~~!!! 今次都有幫襯呢間 オシャレウォーカー　 ，皆因佢啲衫夠濶大，而且佢平啲啲嘢都貴，而家特價就著得過，上次幫襯嗰件紅色外套勁好襯，著起又舒服~~~~ 每次入貨都唔會少得我最愛的 My Melody 啦，今次買咗加濕器同濕紙巾~~~~ ​

我一向都幾鐘意常悅素食，以前佢係雅蘭中心嗰陣，我都周不時去幫襯架，不過自從佢執咗之後就唔知佢搬咗去邊.........今次終於比我搵返佢啦~~~  這個卷卷好味～    呢個椰子湯好香，因為我屋企無煲椰子湯好耐，所以我好鐘意飲呢個～    芥蘭粟子煲 - 侍應姐姐推介的時候我確實係覺得怪怪地的，但原來味道又唔錯架喎～    這是個很有士多啤梨味的士多啤梨咕嚕肉，雖然只係大豆纖維做的肉，但質感實在好似，正～    松露炒飯～勁香呢～熱辣辣嗰陣最好味～    這綠豆布甸我就沒有試了，因為佢係凍的同用綠豆做，我怕我個胃會受唔住.......    我們很久沒聚啦～    今次落嚟鹿仲帶咗我啲淘寶比我～今次都係買嗰啲日廠原單貨，件件都超美的～ 今年韓國都有出呢啲款的手袋呢～     我最愛這條～蕾絲超美～   貪得意買的，只因佢可愛～     初初怕佢會太短，好彩而家啱啱好～   今年流騷太熱～我都來湊湊熱鬧～     因為實在平，所以多買了一條黑色蕾絲裙，但 00 話鐘意，我就先讓給她好了～我下一轉再淘～  裙腳蕾絲～   ​

每月一次日本嘢時間又嚟啦~~~~ 好耐無幫襯過的 g.u. 今次都有買，佢啲嘢真係又平又抵買~~ 呢度咁多樣嘢先至係六千円多啲咋~~~ 其實今轉訂貨最主要係因為呢對 Mysty Woman 的紅鞋兒，因為佢係要預訂的，我早一個月刖就已經訂左，而家終於放貨啦~~~咁又無理田淨係運一對鞋返嚟咁唔抵架嘛，咁梗係訂多啲嘢一齊運返嚟先抵啦~~~~ 呢對紅鞋兒真係令我一見傾心~~~!! 大愛~~~!! 跟住睇睇下 Email 見到 Magaseek 減價，手痕碌碌下見到 Charles and Keith 的貨減到幾千円有一個，於是大手入了兩個~~~!! 最初我真係唔知呢個係乜牌子，只見佢由萬幾円減到幾千円，真係好抵而且款都靚，所以先買。估唔到我攞佢地返工，我同事一睇就講得出佢個 Brand，我先知原來佢都係出名嘢~~~ ​

雖然今日七月十四係唔應該出夜街，但為咗交收無辦法啦～ 今次買了 Llang 的洗頭水，上次表姐係 Colormix 買要百幾蚊一枝，而家特價二萬幾won 有一套了～    想買了很久的 Laneige 修眉套裝，終於決定入手～    Primera 的 Miracle Seed Essence 已用到第三枝了～不過而家佢多人識咗，價錢賣貴咗好多～    貪得意，買了盒 Seatree 的九格眼影，真係唔知好唔好用，完全貪佢幾靚～     ​

Yeah~Yeah~上月尾樂天大減價買的東東終於送到嚟啦～ 今次係 Osharewalker 大手入貨，平時佢啲嘢太貴，唔捨得買，而家特價掃埋啲秋冬天貨，抵呀～

哈哈，齋睇相唔知係乜！？ 其實就係下面呢幾件～   

     跟住

係 イーザッカマニアストアーズ 都入咗兩件～

  呢兩件都係夏天款，以香港的天氣應該可以著到九月尾～原裝個樣是這樣的～

一係唔減一減就度度都減.......估唔到連 magaseek 都減～忍唔住入了兩對特價鞋，每對才二千幾円呢，真係好難忍到手呢～

上星期蘭生日會鹿無嚟，所以佢今日先嚟同我交收。 估唔到我地未夠七點去到都要等位.......我地得兩個人，而且又食唔到辣嘢，其實可以選擇的都唔多.....

這個校園花卷好好味～

炸雞沙律也不錯，但我還是想找機會到尖沙咀的韓食舖再試～

這蝦卷就不過不失啦，但唔係必食商品囉....

早知就唔駛加錢要呢個餃子，因為我地淨食上面嗰三樣嘢已夠飽了，而且呢個真係超一般，唔值得叫.......

今次請鹿幫我淘咗三件日牌的衫，這家已幫襯過兩三次，質量確實唔錯，值得推薦比大家～ 淘宝店铺:可米日系良品 I.T旗下日单通贩 新品天天上~~~  http://b.mashort.cn/S.F1VZ8?sm=9d6a09

另外幫同事買咗個電話套～

係 Instagram 睇咗呢個買家好耐，終於忍唔住同佢買咗啲美國零食嚟試試.......但其實最初我只係想買 eos 潤唇膏........

以前出的芝士麵都是要煮的，現在出了杯麵版，只要加水再等三分半鐘就食得～

呢個係 Lindt 新出的 朱古力新地味的朱古力，呢個朱古力好好食，超滑，最正係佢真係好似新地咁有花生粒粒係入面，好得意～

呢個都係 Lindt 出品，一包有齊四個口味，我最愛係藍色 Crunchy Nougat，很好味的哦～

呢個芝士餅我一口氣入咗兩包，雖然之前無食過，但見佢配得芝士醬應該唔差得去邊，果然超好味，我而家每日都食兩小包當茶點，感覺好幸福哦～這個絕對值得再回購～

預訂咗好耐的 relaxing green label 手袋終於到啦～  呢個袋好多購物網都係銷售 no.1, 我五月尾預訂都要排到七月中先有貨呢～ 果然真係好靚~

幫襯咗 magaseek 咁多次，第一次有贈品收，有條起泡泡用的毛巾同一包 NIVEA 沖涼液試用裝～

我呢期大愛的 お世話や 今次都有買～

              終於比我買到一隻頭髮多都夾到的香蕉夾，同埋到一對日本製耳環～勁靚的～大愛～

本來諗住今轉淘寶寶叫鹿幫我寄速遞落嚟，咁就唔駛佢特登落嚟，但佢話要搞証，所以都係要嚟走一轉，於是我地約咗係沙田交收順手食個下午茶～ 原來沙田的食肆都變咗好多，食開的店好多都執咗了，唯有去食較少人等位的山頭火～ 可能真係太耐無食呢間，覺得啲嘢好食喎～ 這是蟹肉忌廉薯餅～

鹿的拉麵～

還有我近期的至愛炸雞～  

偶然在淘寶發現了一家有很多夾耳環賣的舖。最睛的是這個和風紙鶴，真係好可愛，本來佢係一隻耳咁賣的，我就兩款買晒同一色，變一對咁戴～

這個很有夏天的 feel ～  

這頭箍是在天貓買的，有點小貴，但見大部分評都好正面，即管買來試試～

這家 17節點的頭飾一直有幫襯，她家的韓國頭飾雖然可能比其他舖貴點，但質是大多數都好，懶得再找再試其他舖，所以一向幫襯她。  

又來~~~又來~~~日本嘢又嚟囉~~~~日元低，真係入貨的好時機，適逢樂天之前又做 Special Promotion，又咁啱比我搵到間專賣大碼衫的，仲要係好日系的款，好開心哦~~~!! La Poche http://www.rakuten.ne.jp/gold/la-poche/ 我今次一口氣入咗三件，三件都好啱身呀~~~~~!! 這家我一定會再幫襯~~~~!! 淨買一家連費又唔抵，所以都撩 Joey 一起買，佢就揀咗對鞋~~~~!! 這家的 Glifeed （グリフィード）鞋之前我已買過，雖然只係 Made in China，但真係唔差，著得舒服的。 Luz Llena http://www.rakuten.ne.jp/gold/luzllena/ 臨結帳前又見到一家鞋賣二千多円還包郵，雖然我少著涼鞋，但因為有我最愛的 PINK 色，所以我都忍唔住入咗一對。 アウトレットシューズ （OUTLET SHOES） http://www.rakuten.ne.jp/gold/outletshoes/ 這對也是超好著，而且返到工，又唔會露晒啲腳趾出嚟，大愛~~~~!! ​

本來話訂唔到，但最尾搞手都肯開埋呢團，所以我想要的嗰兩件衫最尾都訂到。嘻～ 但到手後覺得質地一般.......這家不會再回購了......

00今次仲黑仔.......送來的涼鞋竟然是車錯的........

佢令我係 Gmarket 買嘢失咗少少信心....... 我估最穩陣都是買袋~~~~因為真係每一次都同相一樣的~~~這個 00 之前買咗深藍色，我見佢容量好好，所以都忍唔住買一個，可惜紅色賣晒，雖有退而求其次，買綠色~~~!!! 原來效果都好!!!!

繼續每月一 Melody ~  

這個是濕紙巾套和濕紙巾套裝～估不到 melody 也有出這個～

這個真的考慮了很久才買～雖然用的機會唔多，但佢真係好可愛呢~

現在在香港買東西是沒有膠袋的，所以一定要自備購物袋，見呢個新出，當然要買返個啦～  

呢個咁可愛的樣係 my melody 40 週年限定，之前無諗住買呢個系統的，但係台灣機場見過實物後勁鐘意，所以最尾都係買了個小袋～

其實好多時我的豬市場都是跟戴安娜妹一起訂的，因為她公司有同事肯負責做搞手～但這同事現準備放產假了，所以諗住趁佢放假前來一轉～ 點知㨂完晒嘢，佢同事突然間早咗放假，訂唔到，但我好想訂到對鞋比我媽媽～咁我唯有自己訂～  點知我自己訂完後，妹說佢同事未生得住，又可搞返，就係咁唯獨呢兩對鞋先來了，其他就等阿妹～ 咁大個女第一次同媽媽有母女裝～

好耐好耐無買過靴下屋的襪，因為之前日元貴，而且我有好多存貨，唔需要買。但因為今年興短襪襯涼鞋，所以我忍唔住入手了，而且而家日元低，抵買呢～

今次入手的係 Hitachi 的 Lip Crie NR-500，呢係專用係唇部的棒棒~~~

買佢係因為我個唇基本上全年都會甩皮的，所以我成日都會買唔同的唇膏同潤唇膏嚟搽，但呢類型的按摩器未試過，見佢本身只賣二千幾円，扣埋我之前買嘢的積分，千幾円便買到了，一試無防啦~~~~!! 睇返佢呢張介紹，原來可以用返自己平時搽開的潤唇膏就可以，唔駛再特登買其他精華嗰啲，正呀~~

介紹仲話要嚟落妝都可以喎~~~~

而家真係淘少咗好多嘢～因為買韓貨同日貨的質量更好～不過最近我發現咗兩間賣日廠原單的淘店，評語好像不錯，所以訂了一兩件來試試～ 對鞋堅有吊牌～絕對是堅嘢～

其餘呢三件雖然沒有吊牌和領位的招牌，但質地和款式都不錯的呀～

   它們原樣是這樣的～

見到質素都 唔錯，很開心呢～另外我仲淘了兩隻玉兔仔，鹿幫我加了石榴石和紫水晶穿成這樣，超勁的～