patpatrabbit的部落格

哈哈，繼續生日飯 ing，今日嚟咗尖沙咀八月居，因為我好掛住佢個玻璃蝦哦～～ 同電器妹呢班朋友出嚟比較好，就係人夠多，可以點多幾款菜，但我最愛的還是這個! 嘻嘻～

Yeah～Yeah～Yeah～雖然已經係一月，但都仲係食緊我的生日飯!! 今日約咗晶晶 & Joey 去新世紀的 Greyhound，估唔到呢間係要排隊咁誇張……好彩一早訂咗枱! 今日試咗好多嘢，最緊要係食到上次試唔到的甜品! 呢個軟殼蟹沙律好正，隻蟹係新鮮炸出嚟，熱辣辣的呀! 蜆意粉，我最愛! 這個芝士長通粉都好味哦，夠芝哦! 甜品～甜品～甜品～這家的甜品真係好好味哦! 臨散會先知晶晶遲啲要做個小手術，希望佢順順利利!

生日快樂～～一年一度的大日子又嚟啦～～哈哈～～本來今年諗住去海洋公園過，因為正日生日入場係免費架，但同行就無優惠，阿媽謝貴，唔肯去。無所謂，咁係屋企過啦～～ 多謝數碼通呢幾年都送我 Cova的生日蛋糕，我就每年都會揀返呢個 Blueberry Cheese Cake，因為我阿媽鐘意嘛～～ Happy Birthday to ME ＼(^o^)／

本來今個聖誕假期我同 Joey 應承咗牛牛去幫佢做個冬日購物節的，但噚日最後確認返工時間同人工嗰陣，佢竟然話我地斤斤計較，跟住仲要夜晚十二點幾先 send msg 過嚟話唔駛我地去，真係好嬲!! 識咗你廿年，你話我同你斤斤計較!? 好，你點對我，我都會點對你…… 既然多返幾日假，又咁啱隻鹿係香港，我地一於約出嚟聚聚～～ 今晚齊齊去觀自在素食食齋，順手呻吓，實在好忟!! 要食清淡啲清吓啲火……

12 月出雙糧，所以今次訂得豪啲，一次過訂咗好多嘢。 今次終於訂到好多人讚的“呂”洗頭水，香港賣到好貴，但原來係網訂好平，₩9900就有兩枝大 + 一枝細的了。 跟住朋友推介訂雪花秀試用裝，計一計原來真係平過係專門店好多。但原來無得單訂試用裝，一定要嗰間網店其中一件產品，先可以訂試用裝，我就揀咗呢款骨膠原面膜。 然後就配咗下列的試用裝…… 呢隻Ginseng Renewing Cream，我之用過試用裝，真係好香人蔘味，但夏天用就真係太潤，而家冬天應該啱啱好。 呢隻係同系列的眼霜，希望都好用! 這個 Firming Cream 之前晶晶勁讚的，但如果同人蔘面霜相比，人蔘嗰隻感覺係好用啲，但呢隻勝在平，同阿媽一齊用都唔肉赤! 這個 Herblinic Restorative Ampoules 能迅速修復受損的肌膚，是高濃度的韓方草藥精華……如果係專門店就一定叮唔會買，因為太貴，而家就可以趁平買嚟試! First Care Serum 就一直有用開，真係好補濕，妝前打底一流! 最後呢款係 Timetreasure Perfecting Water，個名雖然好似好勁，但其實我都會當係普通爽膚水咁用! 這個 Primera 神仙水係豬市場購物團其他團員推介的，說是勁補濕，所以我都諗住買枝嚟當爽膚水用，估唔到今次買仲送埋化妝棉，抵!

哈哈，我今次出糧好豪～～～一次過係兩間公司買咗嘢！嘻嘻～～ 先係 g.u. 訂多兩條連身裙先，今次兩條都係紅色系列，本來係諗住訂條淺粉紅色的，但一出就已經賣晒，咁唯有揀返紅色。另外見件灰色珠珠冷衫有特價，買埋佢要嚟半截裙一流～～～！！ 跟住無意中係 fashionwalker 度揀咗幾件特價首飾，超靚的～～ 先來有 INGNI 韓國製的花花長頸鍊～～～最特別係佢錬身都是心心圖型的。 第二條係 passage mignon/flaneur 韓國製的心心頸鍊，呢啲款我一向鐘意，而且呢個心心比我之前 Labyrith 的更大、更閃、更顯眼，大愛～～～！ 最後一條係 Opaque 意大利製的手錬，雖然係布質，但質地很閃，也是很漂亮的～～～

昨天旺角的 Uniqlo 開張，今天一於約阿媽一起去逛逛～～～ 不過去之前係朗豪坊食個午餐，順便去各大化妝專櫃攞我的生日禮物～～～ Wow～～～估唔到一攞就咁多了，很開心哦～～～

生日月正式開始囉～～～～Yeah～～～～ 呢個係今年第一個生日會，平時就唔會咁快慶祝的，但因為阿蘭 28 號結婚，嚟緊都會忙住出去派帖，所以今年是提早了很多。 今晚除咗收到阿蘭張帖外，仲收到天空之前去旅行的手信，謝謝哦～～～ 今次揀咗係 K11 的 Kitchen M 度食，雖然呢間有少少偏貴，但嘢食都有水準，與價錢成正比的！ 沙律們～～～ 餐湯 - 甘筍湯～～！！好好味！！ 其中兩款主菜～～～！ 今晚甜品有雲石芝士餅，呢個夠芝味得嚟又夠凍，正！ 仲有窩夫～～～！但可能我地食呢個 cream落得太多，略甜…………