其實我上年係韓國買的面膜都未用晒，不過見牛牛去開，順手搭佢買啲新嘢返嚟試！
這個是黑碳面膜，據稱可以令暗啞的肌膚變得清徹透明！其實這款香港專門店也有，但賣 HKD40，感覺有點貴，所以還是叫牛幫手帶回來便宜點！
這兩款的名稱很特別，叫“第二層肌膚”，根據翻譯網的翻譯，這面膜可以令肌膚 -5 度，讓肌膚重拾彈性和活力！雖然唔知係咪真係咁勁，但睇返官網，佢應該是很薄很貼面的。
以上的也是香港還未有的款，這款新奇在每包都有乳液附送，要先搽咗佢送的乳液再敷 mask。
係韓國買護膚品仲有樣好，就係多贈品送！呢度送咗成 set 橄欖套裝 sample!
突然間大多新嘢用，唔知試邊隻先好…………哈哈！！
另外，其實除咗面膜，我都叫咗牛幫我買朱古力魚魚，因為呢個仲未係香港搵到。係香港不停只見到 market o！
終於等到啦，等到我最愛的 g.u. 來貨了！收埋呢次貨，暫時換季工作應該完成！要唔要再訂，真係要清清衣櫃先知！
今次訂咗件 uniqlo 的抓毛褸，因為佢係大型商鋪限定，點知原來香港都有………………
其實而家最主要訂貨目標係連身裙，因為返工方便！好似呢件咁簡簡單單的中間只有一朵玫瑰，加對絲襪同靴就可以出門口，勁方便！
另外一樣我鐘意買的就係冷衫，貪佢易襯又夠暖！
呢條連身裙我掙扎咗好耐買咩色，最後決定先買一條穩陣色來看，如果好先再買一條粉紫色！
收貨後我決定下個月真係會再訂多一條，因質地夠厚實，而且夠型！
唔經唔覺嚟到三十回了～～～～最近要換季，所以買多咗嘢，嚟埋下一轉應該轉季工係便完成了！
早嗰輪 Stylife 做特價，有啲貨品低至三折！揀完一輪，最終決定買呢係半價的 Majestic Legon 的冷衫，雖然唔知係咪最新款，但折後連運費到港都只係二百多，感覺很抵！ 嘻嘻………
等咗差唔多一個月，前兩日終於齊晒貨，最後一間舖 – Queenshop 的貨終嚟到～～～～！
既然上次係阿鹿攞貨落嚟，咁今次就我返去啦！為咗唔想一個人攞咁多嘢返嚟，於是我今次約埋 Joey 一齊上！因為訂 Queenshop 訂得最多係佢，哈哈～～～
今次特登約早少少，可以慢慢食個飯然後再行！鹿今日帶咗我地去國貿站的一菜一味度午餐，呢間餐廳的環境都幾精緻，連碗碟都靚～～～
這是雞絲粉皮，明明叫咗小辣，但都係好辣，我怕胃痛，只敢試小小…………
呢個勁，超大碟的！因為係冰鎮咕嚕肉，冰仲多過肉！
這桂花蓮藕也是非一般的，因為佢中間釀滿糯米，雖然我好鐘意桂花糖的味道，但太多糯米會令人覺得漏……
這炒茄子勁有鑊氣，好味！！
我地睇 menu 時以為佢會係薄身豆腐，點知佢嚟的時候這麼大個！而且還是玉子豆腐來！有小小失望，但勝在個汁好味～～～
出街食飯怎能無菜，這個蒜蓉粉絲娃娃菜，夠晒味，正！
三個人吃了這麼多，每位埋單都不用 RMB90。在大陸吃午餐真的很超值！
食飽飽就係逛街時間，目的地當然係我每次去深圳都必到的 Honeys 啦！
行咗幾圈，終於揀到件四折貨～～～
結果大豐收的都係豬鹿，中等身材果然係易買衫啲！
買完衫就梗係去嘆下午茶啦，今次都係去 Starbucks，今次一去到就有位，坐得舒服很多！我同鹿都試咗杯海鹽焦糖咖啡！
初初都驚個味會好怪，但原來個三者的味道係出奇地夾！好正！
不過飲完就出事，可能真係太削胃，成晚勁多胃氣，又脹住！
平安返到屋企就係時候拆貨！今次我係 Queenshop 訂咗三樣嘢！
紫黃色圍巾一條！
牛仔外套一件，著起長度同濶度都啱啱好！
呢期迷上連身裙的我，買了這款運動 look 的來試
穿起來也合身的，但如果質料可以再厚小小便更好！
之前係面書見有代購店代購毛毛 Boot，睇返評語都幾唔錯！
身為毛毛 Boot 粉絲的我當然會自己上網搵嚟買啦！好彩一去樂天就搜尋到，原來 gilfeed 呢個牌子仲有出其他鞋款，可以順手揀埋，一次過送貨！
收貨了～～～收貨了～～～毛毛 Boot 2質量果然唔錯！因為本身已有比較高身的款，所以今次特登訂對矮身的！
另外呢對高踭鞋其實仲有啲靚啲鮮色啲的顏色，但考慮到下年可能要去見工，都係買返對黑色的旁吓身穩陣啲！
剛剛試咗都舒服的，而且尺碼都啱，呢間可以再安歌！嘻嘻～～～
上個月搭 Diana 幫我地訂的豬市場終於有貨攞了，Yeah～～～～
今日約埋 Joey 一齊係樂富交收，齊齊食車仔米線，正～～～！
今次我其實唔係訂咗好多嘢，都係“芒貼”同頭飾！
上次訂的那一間突然間唔再提供國外購物服務，本來都諗住今次訂唔到。點知 Diana 的妹妹很厲害，居然找到一間運費比之前平的，而且又能送外國的，實在厲害，而且今次訂還多送了一張 I Love You 咭！
至於頭飾呢……係因為上次訂過覺得質量好好，所以再安歌的！
唔知係咪今次訂得比較多，除了橡筋，今次還送了耳環。
可惜它不是夾款，我用不到，唯有轉送 Joey 了！
嚟緊我計劃訂冷衫～～～～
其實我淘咗咁耐寶，今次先第一次自己試淘嘢。
呢個款的手袋其實我睇中咗好耐，但一直未搵到啱心水的。
就係咁啱電器妹話想淘手袋，我先開返自己收藏的舖頭嚟睇，恰巧就見到“佢”。
睇返評語，見好多人都讚佢啲皮夠軟熟，只係肩帶長了小許，要自己再打孔。咁呢間 Kizzme 我地之前都有訂過袋，而且都滿意，所以我今次就膽粗粗試吓自己訂，叫佢直接送來香港！
過程其實都唔算簡單，因為開支付寶戶口手續實在是有點煩。好彩最終都成功訂到。
唔知係咪轉季關係，好多網店都做緊減價，所以又忍唔住手係 g.u. 訂咗件特價衫再加多條裙！
其實我係睇中咗條裙的花紋先訂，但估唔到佢質地是這樣“厚”，這真的應該很夠暖！
