patpatrabbit的部落格

上月訂的貨，今個月終於有得攞。今次我主要係訂返啲抹芒貼，呢啲貼貼每個都可以用到兩三個月，佢本身污糟咗係可以洗嘅，但通常我都唔會洗，所以每隔一排就要訂返一批。

之後又見戴安娜訂開雪花秀，咁我咪又訂埋一份囉，不過我今次就試另一隻好多人讚的“后”。

我主要試佢的精華同 Cream，希望佢都好用～ 呢啲係今次送的面膜同試用裝!

戴安娜之前去咗北歐遊，仲帶咗手信返嚟，超正的～!!

我仲見今日出糧去 Swarovski 買咗隻介指比自己，閃令令呢～

Yeah~~Yeah~~Yeah~~~!! 呢個月在日本訂的東東，收埋呢轉應該就收齊了，巧開心哦~~~~

都係嗰句啦，其實啲嘢都係唔買都得的，但又係咁啱佢做特價，Stylife 6 月頭做限時優惠，樂天又係喎.........都唔知點解全部都堆係六月頭先嚟減價.......

最後我係 Stylife 買咗件 POU DOU DOU 的裇衫，八折呢~~~~~!!

跟住又係樂天 Soulberry 買了一條包郵的連身裙，估唔到佢啲包裝係咁靚，咁有心呢~~~~!!

又到出糧的時候，梗係又係 Shopping Time 啦，而家基本上都會 target 啲低價的衫，諗住着一兩季就轉款，而家要以慳為主~~~!!

要平，主力梗係睇 g.u. 先啦，款又好，質地又 OK，而且最緊要係價錢絶對合理!!! 今次本來只係揀左件 T-SHIRT 同件藍色返工衫，件黑色窿窿衫就係因為佢特價先買，担揀完三件都係唔夠五千円，未夠錢包郵，所以去 Uniqlo 嗰邊揀埋，yes~~~揀到條半截裙~~~!! 呢個係特別尺寸，香港即使有同款都唔會有呢個碼，下個月要訂多條灰色先~~~!!

本來都買夠諗住收手架啦，但諗諗吓又想買多對落雨用的鞋，之前係 fleur fleur 買嗰對 Jelly Fish 唔係唔好，但太大雨就會成隻腳濕晒...........所以想買唔濕腳趾的。 （詳見舊 Blog﹕繼續購物去～）

當我係樂天求其碌緊嘢睇嗰陣就醒起係面書成日有人做代購的 Kila Kila，我有問過做代購嗰個女仔價，但幫襯佢同我自己訂價錢根本無分別，而且佢唔包郵，我自己訂就可送到上門，最後我決定都係唔好靠人，靠自己最好~~~!! 今次都係揀對普通款的嚟試吓先，呢間有部份鞋係日本造架，所以都試得過~~~!!

到貨之後即刻開嚟試著，勁好著，完全無刮腳，下次會再買的~~~~!! 下固月一定會訂對蝴蝶結款著~~~!! 而且佢有張感謝訂購的名信片嚟，好有心呢~~~~!!

咁返正都係樂天訂開嘢，去埋嗰個代購的女仔成日都做的另一牌子 - osharewalker 望埋先~~~!! 又好好彩地比我見到條幾靚的連身裙，價錢都抵買，到貨之後先知原來係 Made in Korea 的，感動仲超值呢~~~!!

本來今日約咗電器妹佢地食生日飯的，但臨時有兩個都唔得閒，唯有再改期。

可是我今日又約咗戴安娜交收，咁唯有照出，今次我搭佢係豬市場買咗三條手鍊同雪花秀! 呢期我鐘意啲好低調的手鍊，見佢唔係貴，所以訂咗幾條玩吓。

雖然價錢唔貴，但實物都真係有質素，夠閃!

雪花秀呢個就真係補倉，用開的 First Care Serum 就嚟用晒，計過數都係咁買試用裝抵啲!

今次再買咗兩款美白產品嚟試! 下次再試后的! 嘻嘻～

交收完路過莎莎，買咗枝 Lancome 的 Mascara，比起係專門店買平幾十蚊呢! 其實我本身好小搽，但嗰日係微博見到化妝師 Janice Lam 介紹覺得唔錯，所以又心思思想試!

臨埋單時又見到我新同事玲玲介紹的韓國髮膜，佢話整咗啲頭髮會滑啲，所以我買咗一包，諗住今個星期試!

本來唔諗住去一田的，因為 Lu 表姐嚟咗，但鹿話有嘢交收，咁就送咗 Lu 之後就趕入沙田滙合鹿同 Joey 佢地。 剛剛 Joey 同 Diana 去完拔罐嚟，佢地幫買咗條索頭巾，據聞索水力好強的!

鹿就之前去完廈門嚟，佢帶咗樽茶返嚟做手信，但佢無到土樓囉……

佢仲幫我帶咗啲淘寶寶返嚟～ Yeah ～又有新頭飾用!

交收好晒之後我地就迫入去一田超市，其實有啲貨都已經賣斷咗，所以我都係係求其執咗少少餅乾同日式煎餅就算。今次我好忍手，連絲襪都無買了! 因為我去到的時候佢地已經食緊下午茶，相信佢地應該食唔落飯，所以我地就此分道揚鑣。我後尾出旺角同部電話痴返塊防偷窺的保護膜，費事我老細成日出嚟周圍行時到我做乜! 不過唔好處係連帶我睇嘢都暗咗好多… 再跟住路過 Etude House，貪得意入去買咗枝甲油，希望好用啦! 我上次買的 innisfree 就真唔太得囉……

呵呵呵~~~其實好耐都無幫襯過呢間，因為係 Gmarket / 淘寶的頭飾仲平........

但如果要搵啲型啲同可愛啲的款，始終呢間 e-zakkamania 都係我心水之選~~~!!

今次訂嘢都有送 A5 size 的 File 同佢地職員親筆寫的感謝咭，但今次還多了一把扇，哈哈~~~啱晒夏天用~~~!!

其實今次訂咗唔多嘢，只係三個頭飾，本來諗住可以直接用 EMS 寄嚟香港，但點知就要3000 円，我用轉運公司幫我寄返嚟都唔駛 1200 円，下次都要寄得唔好就咁用 EMS。

半年一度的 Sogo Thankful Week 又嚟啦，不過今年真係無乜嘢要買，而且近呢幾年真係太多人，已經唔想同人再迫……

所以今年我同 Joey 已經直接放棄咗鞋部，超市同化妝品部，我地一到就已經上一樓的 Longchamp。 點知今年佢只做短帶的細 size 同 中 size 特價，我想要的長帶款就無……

算! 返正唔係一定要買，可以等十一月嗰次再睇!

跟住路過香水部，買返套 Lanvin 香水先，呢枝香水我已經用咗三、四枝了，呢隻真係好香，又夠 long lasting，大愛!

本來諗住去 RMK 買佢嗰套 HKD290 的胭脂甲油套裝的，但可惜睇中的甲油賣光了，又買唔成…… 咁唯有轉戰女裝部，嘻嘻，係 Lowrys Farm 買到係原價 HKD409 現特價 HKD149 的夏天衫，完全係超值呀!

然後我地都有上去 Sanrio 睇 Melody 水壺有無特價，點知完全見唔到，咁唯有去食飯! 我地去咗希慎的南小館度食，我地等咗個幾鐘，終於有得食! 好好味!!

走嗰陣再入咗 Lowrys Farm 睇有無阿媽想要嗰件衫，點知無，但就比我地發現希慎呢間原來做緊飾物半價，我揀咗個韓國製的頭飾，靚!

原來而家只要係希慎呢度有任何消費都可以免費換 Line 的貼圖，仲可以有抽獎～我抽中咗本記事簿哦～～Lucky～～!!

好耐無係日本訂過嘢，而家日元滙價滑落，又啱啱出咗花紅，係時候出手啦～～

因為之前係日本睇唔啱銀包，所以返嚟香港再睇過，本來想係 zozotown 訂的，但呢間原來唔接受外國信用咭，訂唔到……好彩比我係 Fashion Walker 搵得返同款同牌子的!! Lucky～～

我買咗的就係呢個 Rebecca Taylor 的金屬蝴蝶差扣銀包!! 呢個牌子香港比較難搵到，佢的質量其實同 Samantha Thavasa 差唔多，但價錢就比 Samantha Thavasa 更合理。

順手都訂咗兩對 Glifeed 鞋貼!! （順帶一提，之前係樂天訂嗰對 glifeed 黑皮鞋真係好好著!! 詳見舊 blog: 日本郵購 Roubd 29 ）

今次我都訂咗對 Jelly Beans，其實都無特價，但呢對真係比平時買開的平，只售五千幾円，所以都忍唔住手買咗!! 呢對的蝴蝶結實物真係好閃架~~~~!!

哈哈，訂好晒啲嘢之後又再上網去吓，又見到 Kitson Japan 的 Hello Kitty 手挽袋做半價，最緊要呢個袋仲要有拉鍊，買返個嚟裝飯盒都好~~~~!!

Fashion Walker 仲跟單送咗兩包洗頭水試用裝嚟~~~~讚~~~~!!!

兩年前係 i.t. 買的水靴終於爛咗（其實我都想佢爛好耐，因為太重，麻麻好著），而家終於有籍口買返對新的! 早幾日有去 mel 睇過，都係麻麻地啱心水，今日終於抽到時間上 fleur fleur，今年佢地新入咗 Free Fish 呢個牌子，而家仲有黃金週特價，所以一定要去八一八!

呵，最後都係買咗對黑色大蝴蝶的，呢對鞋雖然好軟熟，又唔刮腳，但唯一唔好就係佢係 open toe 的，啲污糟水會濺到腳……我遲吓應該會再買一對密頭的! 上得 fleur fleur，我通常都係去買 Mosaique 的耳環，今次都唔例外，除咗耳環，我仲買咗條頸錬，兩對的係超好襯的! 大愛呀!

返到屋企，又收到 Neko Neko 送的珍珠戒指，今天完全是首飾日呢!

舊年我呢間 cheap cheap 公司無出過一豪子花紅比我，連帶我的韓國賞紅葉之旅也泡湯了……

眨吓眼又捱多咗一年，今年終於輪到我加人工出雙糧～～哈哈～我終於等到啦～

有錢係身～當然就身痕啦，首先要去買返部導入導出機先! 其實去日本之前我都已經睇緊 YA-MAN 同 Hitachi，Hitachi 係香港同大陸就受歡迎啲，但 YA-MAN 就係日本本土多人買啲……

哈哈~~~一出糧我就去百老滙比較 Hitachi CM-N10000BF 同 YA-MAN HSI-13，雖然大家都係 Made in Japan，價錢又差唔多，但功能上原來都幾大分別。

最後我都決定買 YA-MAN，因為呢部只要差完電就可以用，唔駛每次用都插住條線~~~~!! 另外就係呢部可以做埋眼肚位，可以幫忙收眼袋哦~~~~!!

買咗返去即刻試咗導出的效果，雖然我只係求其轆咗幾嘢，但個棉花都真係變咗黃黃黑黑咁.........

但要提的就係做導出的時候真係唔可以普通 Size 的化妝棉，一定要用大一點的，因為如果唔係個棉花做做吓的時候就會移位.........

可是我還有一個問題，到底係咪真係要用 Gel / 水狀的產品才可以做導入的呢??? 皆因我屋企一向只有 Cream 狀的產品........

咁啱我今日經過朗豪坊，見到原來 YA-MAN 有自己的專櫃..........我就好唔客氣咁問個售貨員............Oh...........真係好彩問一問佢，原來好多嘢我都誤解咗.......

第一，真係要用 Gel 同水狀的產品先可以做導入的.........

第二，原來呢部機唔係用嚟推 / 拉的皮膚的，而係要由一個點 hold 一 hold 再移去另一個點做，咁啲離子先可以發揮功效..........

但點解我有呢個誤解呢?? 其實係因為本說明書幅圖是這樣的............

就係咁，所以我一直以為是拉的..........早知唔係百老滙買啦，幫襯佢我就唔會用錯第一次..........

最後我買咗呢枝水嚟做試吓~~~~因為佢呢隻可以用埋係眼位，等我呢幾日試埋個導入功能先~~~

其實而家 Facebook 的小店越開越多，我之前都幫襯過囡囡朋友的小店訂過對 New Balance 日本版波鞋，又試過訂過日本雜誌。

今次訂呢間 Neko Neko 係賣韓國的飾物同衫，我分別同佢訂咗一隻介指同一件衫~~~!!

噚日終於收齊晒貨，啲質量真係 OK 喎，而且店主好好人，仲要件件貨都包郵，真係值得再幫襯~~~!!!

這隻介指實物更閃的呀~~~大愛~~~~!!

呢件衫係純綿，仲有要少少彈性，啱身又舒服~~~!! 讚~~~~!!

搭咗 Diana 買咁多次 Gmarket，係時候我都要自己試下訂先~~~~

其實因為今次諗住訂個袋返嚟，個袋比較大，費事 Diana 幫我攞咁重......

而且聽講佢阿妹個老細而家唔比佢地係公司訂 Gmarket，所以都係時候自己試下啦~~~~

呢間賣袋的都算出貨快，前後唔駛一星期個袋已經嚟到香港~~~~!!

今次訂咗個雙面袋，一邊黑色一邊啡色，質地都唔錯，不過要反轉時就比較吃力.......

今日係五一假期呀，當然要出去烕吓啦~~~

噚日我無出到嚟，所以今日要出嚟朝聖吓~~~~

我自己就入返啲平時用開的棉質面膜，我最鐘意就係綠茶味，今次見佢多咗青檸，所以買咗兩塊嚟用。

另一隻我自己覺得好用的就係 Second Skin 嗰條 Line 的面膜，雖然係貴啲，但真係貼面好多，感覺真係精華多啲..........

今次買夠 HKD 100 送咗塊我未試過的面膜，搵日要試試先~~~

Innisfree 係旺角又開一間分店啦~~~~~今次呢間位置仲方便，係正旺角地鐵站 E2 出口對面，即係以前許留山嗰個位，以後唔駛行到家樂坊嗰邊咁遠啦~~~~

今日有新開張優惠，我本來打算等自己放工先出去買，但諗諗吓都係叫我阿媽出去買咗先穩陣啲，因為係限量發售，我知一定好多人去排隊~~~~

果然如此，我阿媽話佢九點半出到去已經有三四十人排緊隊，大部份係自由行，真係恐怖.........

好彩我醒，一早寫定紙比阿媽，叫佢一入到去就比啲店員幫佢執，成功入貨!!!!

今次幫阿鹿同 Joey 買埋，所以都買得多，今次送咗張李敏鎬海報、兩枝甲油同一個要自己接的紙盒.........

其實我自己只係買咗呢套「超級火山岩泥清潔面膜限定套裝」。有超級火山岩泥毛孔清潔面膜100ml、爽膚水70ml 同洗面膏30ml，都只不過係 HKD 120，真係超值~~~~!!

本來真係無諗住咁快再訂嘢，不過見電器妹話有嘢要訂，又撞啱有團開，咁就訂定啦～ 今次都有訂呂的洗頭水，之前買的已洗完一枝，覺得效果唔錯，真係好似甩小咗頭髮咁，今次追加兩大枝～

另外，今次都有訂雪花秀的 sample 嚟用。上次訂回來的，用過覺得質量還不錯，最緊要用咗無爛面，即係安全啦～～

今次主要都係訂返人蔘面霜，因為呢個真係好夠潤，但正貨又太貴唔捨得買，唯有繼續用住呢啲試用裝先! 另一隻主打要訂的係 Luminature Essential Finisher, 這個主要是幫助其他產品吸收同提升功效。之前試咗專門店比試用，感覺很良好哦，所以要大量入貨!

12 月出雙糧，所以今次訂得豪啲，一次過訂咗好多嘢。 今次終於訂到好多人讚的“呂”洗頭水，香港賣到好貴，但原來係網訂好平，₩9900就有兩枝大 + 一枝細的了。 跟住朋友推介訂雪花秀試用裝，計一計原來真係平過係專門店好多。但原來無得單訂試用裝，一定要嗰間網店其中一件產品，先可以訂試用裝，我就揀咗呢款骨膠原面膜。 然後就配咗下列的試用裝…… 呢隻Ginseng Renewing Cream，我之用過試用裝，真係好香人蔘味，但夏天用就真係太潤，而家冬天應該啱啱好。 呢隻係同系列的眼霜，希望都好用! 這個 Firming Cream 之前晶晶勁讚的，但如果同人蔘面霜相比，人蔘嗰隻感覺係好用啲，但呢隻勝在平，同阿媽一齊用都唔肉赤! 這個 Herblinic Restorative Ampoules 能迅速修復受損的肌膚，是高濃度的韓方草藥精華……如果係專門店就一定叮唔會買，因為太貴，而家就可以趁平買嚟試! First Care Serum 就一直有用開，真係好補濕，妝前打底一流! 最後呢款係 Timetreasure Perfecting Water，個名雖然好似好勁，但其實我都會當係普通爽膚水咁用! 這個 Primera 神仙水係豬市場購物團其他團員推介的，說是勁補濕，所以我都諗住買枝嚟當爽膚水用，估唔到今次買仲送埋化妝棉，抵!

哈哈，我今次出糧好豪～～～一次過係兩間公司買咗嘢！嘻嘻～～ 先係 g.u. 訂多兩條連身裙先，今次兩條都係紅色系列，本來係諗住訂條淺粉紅色的，但一出就已經賣晒，咁唯有揀返紅色。另外見件灰色珠珠冷衫有特價，買埋佢要嚟半截裙一流～～～！！ 跟住無意中係 fashionwalker 度揀咗幾件特價首飾，超靚的～～ 先來有 INGNI 韓國製的花花長頸鍊～～～最特別係佢錬身都是心心圖型的。 第二條係 passage mignon/flaneur 韓國製的心心頸鍊，呢啲款我一向鐘意，而且呢個心心比我之前 Labyrith 的更大、更閃、更顯眼，大愛～～～！ 最後一條係 Opaque 意大利製的手錬，雖然係布質，但質地很閃，也是很漂亮的～～～

今年因為無去旅行，所以淨返好多日假，公司規矩最多只可帶五日，所以而家開始就要清假！今日下晝開始放到星期一，爽～～～～！！ 難得咁早收工當然最適合 shopping 啦～～～！！又咁啱早幾日出咗糧喎，梗係要獎勵吓自己啦，近來返工令人太生氣了………… 之前已經係 fkeur fleur 的面書睇中咗其中一款 Mosaique 的耳環，一上到去諗住即買，跟住走。但原來佢而家做緊promotion，只要參加佢地的投票就有一次性九折優惠，見價錢 ok 所以揀多咗一對白色的，當提早送聖誕禮物比自己啦！ 今年 fleur fleur 的包裝已很有聖誕特色了！ 買完禮物比自己就出旺角買生日禮物比葉小姐，準備聽日都到我飯局送～～！！嘻嘻～～很快都到我生日囉～～～

因為我啲同事睇中咗我前幾回係豬市場訂的頭飾，所以今次其實係幫佢地訂先搞得成今次團購。咁同佢地訂開，無理由自己唔訂埋嘛，所以今次我都訂咗三件冷衫…………我發覺我真的是一個冷衫控！！ 灰色扭花外套～～～！！ 紅色～～～～永遠是我的至愛！！ 這件紫色比我想像中要薄，但因顏色同花紋都好啱心水，大愛呀！！ 辛苦晒 Diana 幫我攞返嚟，仲有沖繩手信比我，謝謝你哦～～～！！

半年一度的崇光感謝週又嚟到～～～不過好似啲嘢越嚟越無以前咁抵買，但點都好呢個係每年一度的盛事，點都要去支持吓！ 因為怕人多，所以今年去尖沙咀店嚟行。而家連尖沙咀店都好多人行，好恐怖，當中起碼有七成都係我國同胞，又再一次證實我國同胞的購買力相當驚人……………… 求其行咗一轉化妝品部，想買的 Estee Lauder 套裝只有銅鑼灣店限定，尖沙咀店限定的一套又一早賣光了！唯有轉戰服裝部！ 鹿成功揀到三對襪，我都係 Lowry Farm 迫到件 off season 的冷衫，原價五百幾而家只需 HKD 169，Joey 幫手簽帳仲有額外 95 折，真係買得過！ 買完衫，再行咗轉超市，不過都係無收獲。臨走係電梯口見到我用開的 Lavin 香水有套裝，不過原來已經加咗好多價，貴到我都唔係好捨得買。但佢隻新味 Couture 嗰 set 又平啲喎，見佢係新嘢，所以買咗一盒！ 一枝香水，一枝沖涼液及一枝 Lotion 先六百多，平時單枝香水已六百多了，所以而家買感覺實惠啲！ 銷售員姐姐還送多了一枝迷你版給我，可愛極了！ 買好晒嘢就去食飯，今晚去了 Babycafe，不過 Joey 同鹿都話呢間嘢的汁唔好味喎……