patpatrabbit的部落格

因為太耐無寫 Blog 了，積咗太多購物分享未寫……懶得再分，唯有用今篇一次過寫晒佢～ 

 1) Panasonic CAXAUP - 這個其實我心儀咗好耐～因為見廣告賣的時候唔止可以做保濕，而且可以按埋淋巴位，可是一直沒特價，不捨得入手～等咗幾個月終於有優惠出，而且還多送一枝精華，簡直超值～ 佢同 YA-MAN 嗰個唔同係呢個無導出的，但呢個就輕身好多，我自己就鐘意呢部多啲～

2) My Melody 飯盒一個～ 偶然發現呢個特大飯盒，佢容量有五百多毫升，比我現在用的多一百毫升呢～ 

3) 這個小抽屜純粹係覺得佢得意才買～至於實際用嚟放什麼就真的還3沒有想到。

4) 今年 My Melody 40 週年真的時月月有新品出，這個就是二月 / 三月時出的新服裝了～

5) 2015年春季新款 New Balance - 雖然我而家著嗰對未爛，但見到呢對的粉紅色時真的很想要，但考慮到易污糟的問題時最後都係揀咗藍色，好彩收到實物都覺靚～

6) 第一次英國淘鞋返嚟，真係好彩啱著～而且最估唔到係呢對 Melissa 完全唔刮腳，行起路來也舒服～讚～!! 果然一分錢一分貨!!

7) Polaroid 這牌子的太陽眼鏡是戴安娜介紹我買的，說這牌子的眼鏡加了防眩光功能，而且價錢相當可親，平均三百多四個多就有一副，一點兒也不貴，所以我也訂了一副飛機師款來型一下～

8) 在韓國買過這個小食來吃，很好味的，但在 gmarket 上找不到，香港的超市也沒見到……估唔到某日同 Lu 表姐行去韓國街時竟然見到，雖然賣很貴 - HKD 3X 才一盒，但因為真係太想食，所以都豪了一下～

9) LG G Pad 7.0 真的是新玩意，因為我本身完全沒打算買 Pad 來用的，因為屋企電話續約，電訊公司送了一部來～煲劇有新東東用了～

10) 貪得意訂了一樣漆皮的蝴蝶鞋，據聞今年韓國大熱的～

11) 最近得很多代購都在賣這種韓國防滑襪，我也在 Gmarket 訂了幾對來試。我每款都開了一對來試，大家第一次著也沒有掉，但淺紫色的一對第二次著已穿了，橙色的一對第二次著便開始鬆，第三次著已會掉下來。所以說完全不會掉也是騙人的……

12） Panasonic Style 座墊～我上年發現咗腰骨有啲「孭」咗，啱啱發現 Panasonic 出咗呢個新座墊，可以用嚟糾正坐姿。而家坐咗幾日逐漸習慣了～

13）My Melody 閃閃唉瘋套～對哦～我又重投唉瘋的懷抱囉～不過我嫌唉六加太大部，所以只出咗六。有唉瘋一定要有 My Melody 套， 其實我出旺角睇過，但無我想要的粉紅色或紅色的套，結果都係迫我上樂天訂⋯

14）係 Instagram 睇咗 Pandora 代購好耐，最後決定試下幫襯一家在澳洲的，上星期六終於收貨了，這是其中一條鍊，雖然每樣不是便宜很多，但少少少少的加起來便很多了。

哈哈哈哈……太耐無寫 Blog，都真係唔係好記得自己買咗乜……

早嗰輪睇 Healer，見朴敏英戴咗隻好閃的介指，於是我即刻上網搵，雖然搵唔到同款的，但都搵到啲類似款，今次一口氣揀咗三隻～三隻都超靚的～

另外買多咗個袋同雪花秀，雖然個袋造工好，但返嚟先知佢係 made in China 的，唔開心……

又嚟 Melody 時間～今年係 My Melody 40 週年，所以會不停咁出新嘢，今年應該會買窮我… 之前有搵 Mika 幫我修眉就唔駛自己搞，而家要自己開始學整了…

哈，這個勁～呢個打開可以變成一個超大的袋，第時去攞豬市場貨同去旅行就靠佢囉～

因為上一回買的鏡實在太細塊，我決心要買一塊大的，要嚟放係屋企化妝用～

第二隻錢罌都到啦～佢個樣真係超可愛～p.s. 上個月買嗰隻已有半滿了～

仲有好可愛的櫻花版的 Melody，只係攝影技術差，影唔出佢有幾可愛…

今次再訂咗個銀包，上次買嗰個 Rebecca Taylor 唔知幾時比我滴咗啲水落去，搞到有兩三個水滴印。今次訂呢個唔同質地的，希望好啲～

上星期肚痛完，盡量食清咗一星期，今日我又出動啦～

先同 Joey 去搵戴安娜妹收貨先，因為堆咗太多嘢係佢度了～

今次訂咗馬油～ 呢個堅好用～之前天氣凍，乾到手痛，搽咗三次到就無晒事了~~~今次見表姐訂開，我都訂返枝~~~

呢兩枝係表姐的，我自己無用過~~~

呢個都係表姐訂的...........我都唔知有咩用途............

呢個韓律紫雲膏好好用呀，上次訂嘢時有六個試用裝，呢個止痕一流，又夠潤~~~最緊要係濕疹都用得~~~~試咗好鐘意，所以今次訂返個樽裝的~~~

這個也是韓律的，啲 Instagram 的賣家話佢係五合一精華，爽膚 + 乳液 + 精華 + 面霜 + BASE，話係用發酵大豆同蛋白質萃取物而成，可以瞬間補水，改善氣色同均勻膚色。。。。。。。。。 見佢講到咁神奇，好奇心駒使下又買咗枝嚟試...........

又係係 INSTAGRAM 睇到啲賣家話呢個洗頭水用完之後頭髮會滑啲，所以又試下新嘢~~~

哈哈...........呢個衛生巾去韓國時已想買，但全都唔係我想要的長度，嗰日見到 GMARKET 做特價，買咗三包嚟試~~~~

The Face Shop 的人蔘 Mask 第三次買了，真係堅得~~~我介紹咗比幾個朋友用都係讚好架~~~

呢堆唔駛講~~~~長期用開的~~~~!!

攞完貨跟住就出尖沙咀同晶 & Joey High Tea~~~~上次訂咗呢間 Sabatini，諗住同 Mika 去的，但都係因為胃痛去唔到..........今次終於來到了~~~

呢度好有情調架~~~~好有古典氣息，仲要有現場歌手攞住支結他唱英文歌，超有 MOOD 的~~~~!! 大愛~~~~!!

呢個 set 有三層的，每樣都好好食~~~~! 正~~~!!

第一層呢，我最愛嗰個 "雪糕筒" 因為有魚子醬同 PARMA HAM，鹹鹹地好好味~~~~

呢層~~~~隻炸蝦最正~~~~!! 超爽口的呀~~~~!! 件雜果批都好好味~~~~

其實食完頭兩層已飽，但點都要食埋呢個甜品的，我咁大個女未食過咁大咁好味的 ROSE 味馬卡龍呢~~~~

好耐都無試過三個人一齊出嚟食飯啦~~~~~~一於下次再約 High Tea~~~~!!

淘精又出動囉～其實呢度有啲貨係雙十一時買架啦～但因為同鹿成日都夾唔到時間，所以咪拖到今日先交收囉～

本嚟今日約咗 Mika Hightea 架，但訓訓吓突然勁肚痛，好似腸抽筋咁，好彩後尾訓醒無再痛，所以最尾推咗 Mika。見晏晝情況都可以，先出去同佢地交收，下午茶都無同佢地食了…

今次係 Starmimi 度訂咗兩件冷外套，本來想要紅色架，但唔夠手快，賣晒…雙十一果然厲害～

跟住係我最愛的頭飾，雖然自從有咗 Gmarket 之後都已經少咗淘寶，但我發覺頭色都係淘寶平啲～大愛呀😍～

這聖誕假最開心入入手了很多 My Melody 精品～ 係日本訂咗啲，又比我係 Sanrio Gift Gate 買到啲 ～

之前見 Tomica 有出 Hello Kitty, Rilakuma 車，但就係無 Melody 車, 唔開心！ 聖誕節咁啱同表姐行 log on 時終於見到了～唔駛諗，即刻買返部～

跟住去咗 Sanrio Gift Gate 買嘢，因為今個月係生日月有八五折呢～最後入手了一部計數機。

到咗今日同阿媽出去 apm 食完泰國嘢，返屋企的路中收到 Diana 的 msg 話去緊貼背，我先記起今日係貼第二次天炙… 於是返到屋企又拿拿臨出去貼嘢，見時間尚早，又去咗 Sanrio Gift Gate 打個轉，最後都係忍唔住手買咗隻豬仔錢罌，雖然係日本都訂咗一隻，但佢真係好可愛，忍唔住多入一隻！

本來都想買對拖鞋，但最後驚太大所以無買，反而比我搵到隻 made in Japan 的碗。

仲有 Melody 生日月的草莓新聞～

店員仲送咗個 Melody 貼紙比我～很開心呢～

日元不停跌，真係令人好有買嘢的意欲～咁啱我想搵返對 Melody 毛毛鞋，所以上咗樂天的 Sanrio Online Store 度八吓.....

本來我真係揀啱咗對毛毛拖鞋架............但到我比錢的時候就無晒貨........... (>___<)

最後只揀到塊鏡同冷帽~~~~!! 頂冷帽雖然望落係低能咗啲，但夜晚戴住嚟訓可以減低我個頭被凍親同比鼻涕塞醒的機會.......

無理由買兩樣嘢就寄嚟咁蝕..........所以無啦啦去咗 Magaseek 揀多咗條 JugelETTA 的棉棉珠鍊~~~~

因為集運公司呢期太多件收，多到做唔切，而家申請集運佢都會減一千円，而且仲無收手續費，呢度三樣嘢四百幾円就運到嚟香港，超抵呢~~~!!

原來每年感恩節都有特價呢～今年我終於都能趕上了～嘻嘻～

其實我都唔係買咗好多嘢，只係買咗幾對 Ralph Lauren 的襪同 Nars 的有色面霜，淨係呢枝面霜已慳咗幾十蚊，好開心呢～

又一箱大貨到～其實呢一箱係早過對 Boot 訂架，但因為呢對要等集貨，所以先會遲過對 Boot 到。

上次雖然已經訂咗對 Magic Power，但我都係心思思想埋 Dr. Miz，見上次退運費退咗二萬幾韓圜，所以今次可以訂豪啲～

著咗兩日，覺得 Dr. Miz 比 Magic Power 好著呢～ Magic Power 雖然係箍得緊啲，但因為我腳短，佢成日有啲 "接接" 係膝頭哥，搞到成日要去廁所拉，同埋膝頭哥特別崩緊…

Dr. Miz 呢對雖然薄少少，但布料好舒服，易穿同唔會起 "接"。Let's Diet 同 Let's Up 我都試咗，但 Let's Up 的提臀效果唔至於好明顯，如果只係想試先，我建議買 Let's Diet 就可以。

今次都訂咗每月都買的雪花秀～因為而家冬天，所以都要訂返啲潤啲的面霜～

而家冬天呢，我真係用唔到綠色嗰隻油性的呂，見呢隻白色的寫住防脫髮，所以訂咗兩枝嚟試。

而家洗咗兩日，唔見有咩特別效果，但真係好香人蔘味～

最後就係呢堆襪～ 我本來係諗住係淘寶訂 Peter Rabbit 襪嚟做聖誕禮物的，但見都要十幾蚊人民幣一對，而且仲未計來港運費，又未必係人人鐘意…

所以的起心肝去 Gmarket 搵，終於比我搵到呢間有啲好有聖誕 feel 的襪～

由 10 月尾開始訂第一張日本單............等收貨...........等集貨..........足足用咗個月先寄到嚟，睇嚟真係好多人趁日元平入貨........

臨出發去韓國前，我係訂咗呢個 Lanvin en Bleu 小手袋...........貪佢夠細，出街食 Lunch 方便~~~~!!

因為費事訂一件咁少...........睇睇啲童裝，準備訂定件聖誕禮物比葉小姐個仔，呵呵...........比我搵到件 earth music & ecology 的特價毛毛褸，超可愛的呢~~~~頂帽仲有對熊仔耳架~~~~!!

去完旅行返嚟之後見日元不停跌，又想訂件生日禮物比自己，諗起 Diana 有條 4℃ (ヨンドシー) 的手鍊帶得幾靚，而且佢話帶咗好多年帶埋嚟沖涼都無變色，所以我都訂咗一條嚟試試~~~~~估唔到佢連原裝紙袋都比埋我，好認真~~~!!

去完旅行返嚟，覺得好似有個背包方便啲，所以又後加咗呢個 earth music & ecology x OUTDOOR 的背包，其實我都未打開嚟用，不過淨係佢隻色同個小兔細袋己很吸引~~~!!

又係費事淨訂一樣嘢咁少.........比我好好彩咁搵到件 INGNI 的特價線衫，扣埋積分唔駛補太多錢~~~~抵著~~~~!!

係揀背包的時候，無意中見到呢個預訂款的 earth music & ecology x Harris Tweed 的手提袋，有條毛毛邊的，感覺好冬天，而且又係可以扣積分，所以都係唔駛補好多錢就買到~~~~!!

由於日元真係跌得太低，價位低到可以令我下定心買呢部 OMRON HV-F021 低周波治療器返嚟~~~~!!

之前去日本其實有諗過買 Panasonic 嗰部返嚟，但因為考慮到電壓問題同嗰時日元貴，所以最後都無買到..... 返嚟香港我有 KEEP 住留意呢方面資訊架，因為我之前去做物理治療都有電療呢 part，做完都舒服的，咁啱比我係面書見到有人賣呢部入電心的，但賣鋻 HKD 5xx，咁我睇樂天最平四千幾円就有交易，但我都驚買到假貨，最後都係幫襯咗 Bicamera 買，我仲買多咗對後備貼~~~

最後係呢對 Jelly Beans 毛毛鞋，呢對鞋明明係好早就訂咗，但到最後訂的低周波治療器都收到了，但都見唔到呢對鞋的簽收通知，幾經辛苦先搵得返佢出嚟，原來係出貨嗰間公司寫漏咗嘢................下次訂嘢真係要對多幾次個地址~~!!

第一次係網上訂長 BOOT，揀咗好多間先搵到呢對，同款香港鞋舖賣緊千幾二千， Gmarket 呢度賣幾百咋仲要已計運費了，肥腳如我都塞得入，開心 ING~~!!

上個月無意中係 Weibo 發現原來有好多英國的購物網站都可直送大陸同香港，而且仲時不時有折扣...........

一直係 Elemis Fans 的我其實真係好想訂佢個精華油同 Night Cream，但係討論區又見到好多人都試過訂完嘢後收唔到貨.........搞到我心大心細...........

最後我決定先試訂少少平嘢，試咗服務先，就算真係唔好彩唔見咗啲貨都唔會咁肉赤嘛.........

走訪咗幾個網站，終於比個搵到個多 "絲打" 讚的，咁就同佢訂啦~~~~果然大概一個星期就收到貨了~~~~很開心呢~~~~

我今次訂咗一把 Tangle Angel 的梳同一枝 Thisworks 的睡眠噴霧~~~!!

呢把天使梳其實我都考慮咗好多日，因為 Weibo 多人買係 Tangle Teezer，佢聲稱可以令你甩少啲頭髮，又可以令頭髮貼服啲，唔打結..............見佢咁好，其實真係想買..........

但問過我美國的朋友，佢話呢個牌子雖然係歐美係出名，但佢覺得唔太值............. 係考慮的期間就比我發現咗呢把 Tangle Angel，其實價錢同功能佢同 Tangle Teezer 係差唔多，唯一唔同的地方係天使梳多咗個手把，而且仲可以企直放係枱面........

呢把梳仲有個髮型師 - Richard Ward 推介架~~~

跟住純粹貪得意，訂咗呢枝 Thisworks 的睡眠噴雺，話只要臨訓前噴係枕頭度，就可以好似嬰兒般熟睡~~~

哈哈，然後我又係 Lily Charmed 度咗個生日禮物比自己，今日都一齊收到囉~~~

呢間好在可以加自己想寫的字，送比人真係有心思好多~~

今年我揀咗一條 Wishbone 送比自己~~自從睇完 <<繼承者們>> 見崔振赫送咗一條 Wishbone 比佢喜歡的女仔之後，我都好想要一條哦~~~

我而家揀呢條最特別的地方係佢有一粒 0.01 卡的紅寶石呢~~~所以比純銀款會貴少少~~~

呵呵呵呵～今個月第二批訂的豬市場終於到貨囉～今次主要都係訂衫為主～

這款鞋未去韓國前已想跟 neko neko 訂，但又唔知自己應該著咩碼，諗住又去韓國，諗住自己去到買…最後無買到亦無試到…但越睇對鞋覺得越好襯，所以唯有自己豬！ 可是呢款鞋大部分都係大陸做或進口的，睇咗好耐先搵到呢對價錢平又係韓國做的～

跟住多訂了兩係冷衫，可是真的有點短…

今次都訂咗三條連身裙，今個冬天唔怕無裙著了！我愛這定是因為佢有分碼，因為大部分韓店都是 one size，我呢啲肥妹好難買到的…

今次都有訂 Skinic 的純黑棉面膜，因為用過好用，而且派手信又派咗唔少，所以買返幾張，但 gmarket 的售價比起我係 ㅡOlive Young 買貴，所以我準備等佢特價先大手入貨！

最後要讚的係這兩件 t-shirt！雖然比上邊的連身裙貴少許，但確是料靚，款色好，實特同相一樣，一返嚟已拿去洗了！

哈哈，無錯！！新的一輪貨又到，不過呢次唔係我自己訂的，係搭戴安娜細妹訂的，因為唔係訂大件嘢，搭佢地一齊訂可以分擔運費呢～

呢輪好興瘦腿襪，本來我都諗住訂 Dr Miz 的，但見呢款 Magic Power 都多人訂，而且比 Dr Miz 平，所以訂對嚟試下先，下轉先訂 Dr Miz 的提臀襪！

冬天嘛～自然想買 Boot，舊年又掉咗對短 Boot 所以要買返對，今次一口氣入咗兩對，一對冬天款，一對全年都著到，而且呢兩對款好，尺碼都啱，肥腿的我都塞得入，唔會拉唔到拉鏈～

訂呢兩款 CHA:LAB mask 係因為係我係韓國問咗好多間 Olive Young 都買唔到，但見香港好多賣韓國化妝品的舖頭都熱推，最終都比我係 Gmarket。綠色係補濕，紅色係毛孔清潔，年紀大，補濕對我嚟講緊要啲，所以一口氣入了五片～

呢枝係 Mise en Scene 的髮尾油，連千頌依都有用，哈哈，我係樂天超市見到都要賣 13, xxx 韓元兩枝，Gmarket 只賣 9,xxx 兩枝，平很多呢～所以我在韓的時候戴安娜就話訂一套，一人一枝嚟 share。

最後 PP 痕，想買衫，揀來揀去都係買返件線衫…

呵呵呵，去完韓國返嚟第一件事就係訂 Gmarket，其實係嗰邊嗰陣 Diana 都有話我知有團開，但我都要返嚟先有時間睇… 不過我今次想訂袋，所以呢啲大件嘢都係我自己訂，有過上一次經驗，今次我好放心呢～

（詳見舊 Blog：Gmarket Round 11）

我係韓國路邊睇的，完全睇唔上眼呢，偶然之下比我搵到間啲款同 Neko Neko 賣的極之相似的舖（個人嚟講真情覺得係同一牌子囉…）。

返正訂一個又係要比運費，兩個又係咁比，所以我好豪咁訂咗兩個！

呢個蝴蝶袋簡直係同 Neko Neko 佢之前賣的有九成似，只係顏色唔一樣…

兩個袋的質量都好好～比之前訂嗰間仲好，以後都會轉幫襯呢間！

返嚟香港，發現 Gmarket the Face Shop 仍然做緊半價，我之前買的藍莓 Mask 又當手信咁派晒，所以又入手了，今次仲多訂了青瓜，佢月尾再特價嗰轉我一定會再訂，因為人蔘味堅好用呢~~~~!!

跟住又係嗰日去旅行前執嘢先知，原來啲雪花秀人蔘面霜用晒都唔知，咁梗係要入返貨啦~~~!!!

而家覺得自己皮膚成日都唔夠水份，好易老同有紋，所以買埋另一條 Line 的精華同面霜返嚟試吓~~~~

係韓國，行過明洞見有錢淨，諗住買枝韓律的爽膚水試吓的，但又諗住去到機場先買啦，費事咁重攞住行.........

點知............原來機場係無韓律賣架...................咁又真係想試，所以唯有係 Gmarket 訂一枝，仲送咗勁多贈品~~~!!

繼續派手信日，今日約咗豬市場的團友再加 Candy 兩公婆一齊出嚟食 Tea。 今次揀咗係茶木食，嘢食普遍嚟講都唔錯，令我好想快啲飛一轉台灣呢～

最開心係今次人夠多，我終於可以試到呢度的招牌吐司～果然好大份呢～

之前托阿鹿買咗條洗面用的蝴蝶頭箍，因為夾極都唔啱時間，所以佢比咗 Diana，咁我今日就可以收到，有得用！

RMB 9.9 仲要包郵再有贈品送，真係抵到爛～ 今日仲可以收埋上月豬的嘢，好開心呢～ 因為上月總共訂咗兩轉嘢，所以啲貨有點多……

先來一件衫同一條連身裙，兩件都係 ifzen 呢間買的，其實呢間舖啲嘢真係睇咗好多次，但次次都唔捨得買，今次一於豪一次，睇下實物係咪同相一樣……

打開嗰陣真係有啲失望，無網上睇時咁靚……質地都唔算係特別好……如果早知下月自己都去韓國，真係未必會買住。

另外，我訂咗一對 Slipper，因為見夏季好興，呢個款好多 FB 網店都有賣，我幫襯開嗰間 neko neko 都有，但因為自己訂平啲，所以都係靠自己好！

p.s. 收貨後即著咗一次返工，完會無刮腳，鞋底同鞋身又唔會太硬，好著呀！！

嘻…手痕……又訂咗新嘢嚟試，一直用開 primera 的精華水都覺得好好用，見呢隻 watery cream 都係好多人讚的，所以訂一樽返嚟試下，估唔到我訂一樽產品，佢比咗十一樣試用裝我，真係好抵呢～我嚟緊去旅行就唔怕無嘢用了！

雖然重，但都要訂的呂洗頭水～！因為香港真係賣好貴！

跟住當然係要買每月都入貨的雪花秀啦～今次買咗 cleansing foam, frist care serum 同 防曬日霜，呢隻仲要有降溫功能呢～

交收完，上咗金鐘 Juici 八下，買咗對 Jelly Beans，原來佢地嚟緊有兩間舖會 close，希望金鐘呢間唔會啦，我一直幫襯開的呢～

然後路過 Burberry，終於比我買到隻好靚的墨綠色。

今日都收到 Kaling 的韓國手信，我搭佢買嗰盒 Luna 濕粉都返埋嚟，唔該晒你哦～

又到咗每月一次的收貨時間囉～ 今個月的貨真的是特別期待呀～

因為自從上個月可以睇到 Get It Beauty 呢個節目後真的愛上這節目，今我我就訂咗其中兩種節目介紹過的商品～

節目中的化妝師教上唇搽有色的唇膏，下唇搽 Lip Balm，然後 "BoBo" 幾下，咁唇色就又自然又補濕。 我地搵咗好耐，總於搵返一模一樣的產品。

p.s. 我今日即刻開咗嚟用，雖然未至於超補濕，但佢隻色好持久，晏晝食完飯，飲埋嘢，抹好咀，啲色都無乜甩，真係好勁，我只係要補下 lip balm 就可以。我而家好想買埋另外嗰三隻色……

其實節目入面仲有介紹 LUNA 超水潤的粉底，但 Gmarket 入面賣的都唔可以寄去外國，我地唯有搭 +0 去韓國時幫手買。 買唇膏仲要送 BB Cream，真抵……

我見 IOPE 七月尾都有特價，貪得意買咗個咕胭脂嚟試吓，我知佢個咕粉底幾出名，但粉底真係唔駛成日買，胭脂就唔同可以買多幾隻色嚟襯吓～

又係買一個胭脂有嘢送，今次送咗四包 VERITE 沖涼液。

7月尾訂的貨足足等咗兩個多星期才到港，真的等了很久呢～

因為 Melody 啱啱有新款，所以先諗住訂，但我最想要的公仔都已沒有貨了～ 今次訂咗隻匙羹、飯盒袋同一個首飾盒，個首飾盒是今次新產品嚟呢～

諗住反正都係樂天訂開嘢，就去埋 e-zakkamania 度八嘢，呵呵，真係比我買到兩個蝴蝶頭飾呢～

螢光粉紅嗰個係頭夾，真係超螢光! 另一個係棗紅色的絲絨蝴蝶頭箍，蝴蝶結豎起就變成兔耳啦，個蝴蝶又可以除出嚟，變普通粗身頭箍用，一物三用!! Zootie 的頭飾雖然係比淘寶嗰啲貴，但真係質素好同 made in Korea，真係大愛!!

臨結帳時，又醒起之前係電郵睇過一對幾靚的 Rose-Rosa 夾款珍珠耳環，順手訂埋，嚟貨先發現原來佢係用 Swarovski 的珍珠，雖然唔係真係珍珠，但造功真的很似，我今次買咗粉紅色，而家諗緊下個月買唔買多對白色或米黃色……

等緊收貨的時候見 Stylife 出大減價，見到 Casselini 呢款 レザーカバーショルダー 半價，諗咗幾日的係買埋! 雖然佢唔係 made in Japan or Korea 但勝在質量高同款特別啲，自從上次係 fleur fleur 買過一個 Caselini 的袋後即愛上這牌子!!

上個月落單的 Gmarket 終於到齊貨啦~~~~  

趁今日要出去做天炙，約埋 Diana、Joey、+0，一齊出嚟食飯加交收~~~!!  

+0 佢之前咗日本旅行，仲買咗手信比我呢~~~~睇嚟個個都知我鐘意 my melody，所以大家去日本都會買 my melody 產品給我呢~~~~我很幸福哦~~~~!!!

我地好早就貼完天炙，早咗去到邌應，一邊等 Joey 一邊分住貨先~~~  

今次本來淨係諗住淨係訂雪花秀架咋，但睇睇吓又多啲嘢想訂.........結果又訂咗一大堆嘢返嚟.........  

先嚟係 Primera 的 Miracle Seed Essence 套裝，這個精華我真的覺得佢超補濕，因為有時我夜晚懶，唔搽嘢訓覺，好快塊面就會甩皮仔，之後嗰晚用返咗個神仙水，第二朝就會滑返晒，而且佢仲可以用嚟做導入用，所以我勁鐘意佢，一定會 Keep 住用~~~!!  

我又訂咗 Banila Co. 的 The Secret Marbling Blusher，我揀咗帶橙的四號色，如果好用，我下次就會訂埋比較粉紅的一號色~~!!

呢個 Secret Key 的 eye mask 我係純粹貪得意訂，真係唔知好唔好用..........  

跟住就真係完完全全係雪花秀的世界了.........  

這個 Luminature Essential Finisher 真係回購又回購，因為用咗佢，啲護膚品真係快吸收好多~~~

初初都有啲擔心用美白產品會易敏感，但呢個 Snowise EX Whitening Serum / Cream 就完全無呢個問題，而且都唔會太潤，所以夏天會繼續買~~~!!

這個 Hydro-aid Moisturizing Lifting Cream 係我訂開嗰間 Gmarket 店係長期缺貨架，突然間今次有，即刻訂返一包嚟用，這系列 是雪花秀中最水又唔 "粒" 的，係夏天補水推介來哦~~~  

First Care Activating Serum 就唔駛多講啦，完全係皇牌，我洗完面一定用佢先~~~!!

呢隻 Concentrated Ginseng Renewing Cream 因為好香人參味，所以我好鐘意用佢，因為感覺好 "足料" ..........哈哈...............

呢堆就係今次送的贈品~~~!! 真的次次都送很多呢~~~~!!  

分好晒貨 Joey 便來到了，我地今晚去咗佐敦的泰城開飯，雖然舖頭細細，但味道同價錢都唔錯喎~~~~!!

之後仲去埋佳佳甜品食糖水，大滿足哦~~~~!!  

雖然 Chanel 的指甲油年年都係出緊差唔多色，但今年佢出咗隻好靚的粉紫色哦～～結果忍唔住買咗!

因為之前收到信話有嘢換就順手帶埋出嚟換，點知櫃姐話會員憑信可以優先選購下月才在香港推出的眼影組合，會員可是與法國同步的哦～～結果又忍唔住，買埋……