patpatrabbit的部落格

嚟到韓國，點可以唔食人蔘雞~~~!!! 不過我就真係好怕人參雞陣味，而且我兩年前已食過，我真係唔會再入去架啦~~~~!! 所以今次我只係好似導遊咁帶佢地去到目的地，然後我自己就去對面 Coffee Shop 坐~~~!!

（詳見舊 Blog﹕2012 韓國自由行 – Day 3 Part 1（11月12日 ~ 土俗村, 景福宮 ））  

上次嚟的時候唔覺對面街有 Coffee Shop，今次嚟起碼見到有幾間，我最後揀咗呢間 Hollys Coffee，因為成日係韓劇成日見到嘛~~~~!!

我點了一杯 Earl Grey 同一件朱古力 Muffin，店員佢仲幫我整熱埋先，等我食落去的時候啲朱古力溶溶地，超正呀~~~~~!!

不過今朝唔知做乜，成朝個肚都痛痛地.............    

本來預咗一個鐘比佢地食，我都特登早少少行返搵佢地，點知我行到去時佢地已係門口等緊，食得勁快呢~~~~!!

佢地三個人叫咗兩隻雞同一塊煎餅，都係食唔晒，食淨咗啲雞胸肉喎，真係晒咗............... 既然食飽咗，咁就開始今日行程囉~~~~~!!

照舊我都係由土俗村行去景福宮，因為真係好近，而且我地今日遇著佢地的博物館日，入場費全免呢~~~

所以今日全場都超多人，多遊客，又多學生嚟參觀~~~~!!

相信佢地係幼稚園學生，個個著晒韓服嚟，勁可愛呢~~~~!!

都話我啲屋企人對呢啲歷史建築興趣唔大，今日都係求其行咗個圈就走~~~!!

之後我地就去弘大，係弘大的地鐵站見到賣頭飾嗰間 RedEye，上年我地又係呢間舖放低咗唔少銀兩..........

哈哈，今次我忍得住，淨係買咗兩件頭飾同一隻夾耳環啫~~~~

不過買完嘢個肚又痛得厲害咗............忍唔住係地鐵站去咗一次..............

其實嚟弘大的最主要目的係去鬼鬼同玉澤演拍 "我們結婚了" 時去過嗰間 Café - Cafe Schneeballen，因為我表姐好鐘意鬼鬼.......

睇住 Google Map 終於嚟到......................

不過成間嘢黑忟忟， 人地派啲傳單又攝晒係門口，似幾日無開門...........

初初都諗住啲人應該係去放咗食飯未返（嗰時快兩點了.......）諗住係附近一陣再返嚟睇睇...........

閒逛嗰陣經過咗 Hello Kitty Café，本來諗住入去坐底飲杯嘢，因為真係好攰，但個個都諗住一陣去食 Cafe Schneeballen 又要飲，所以最後只係係呢度借左個廁所，影咗幾張相就算~~~  

一路行我個肚就越嚟越痛，幾經辛苦終於行到就三點，我地再返去 Cafe Schneeballen 度睇，點知都仲係黑忟忟..........仲諗住可以係度借廁所.............我真係頂唔順..........最後我地去咗 Hollys Coffee 坐 + 借廁所............唉..........又肚疴............即刻拿拿臨食藥..........本來我係想自己返酒店先，由佢地繼續行程，但佢地又好似唔係好知自己想點咁，又無理由要佢地咁早陪我返酒店架...........咁我唯有陪佢地行去新村再睇吓咩情況先，食咗藥，基本上係會好啲...........但都好驚隨時再痛............

由弘大行去新村真係話遠唔遠，話近唔近，我地行咗大半個鐘先到...........見未夠鐘食晚飯，係新村附近又兜咗陣，見到 Face Shop，即刻入去買返啲面膜，500 韓元一塊真係好抵，所以我買多了十片做手信~~~~!! 我另追加咗十片藍莓比自己試吓~~~~

行到五點幾六點，終於食飯~~~~!! 今次都係嚟食飯八色烤肉（又稱 "八色五花肉" 팔색삼겹살 본점）~~~~

我估大家嚟都係食呢個八色五花腩，基本上一坐底，佢地就已經上菜，基本上都唔駛問你食乜..........

八種味分別係 大蒜、葡萄酒、松叶、香草、咖喱、大酱、辣椒酱、高丽人参...........

睇住佢地三個係度燒燒燒...........我一舊都唔夠膽食...............

食飽大家拿拿臨陪我返酒店，真係好彩酒店隔離有間 Paris Baguette，如果唔係我今晚真係唔知食乜.........

由於太早返酒店的關係，佢地齊齊係我地房開桔............不過佢地話係酸的...........

睇地圖好似好近，但行落都應該行咗四五個字先搵到路..........

上次嚟完全見唔到影的三清洞粉皮（又稱 "三清洞疙瘩湯" 삼청동수제비），今次終於比我搵到啦~~~~!!

（詳見舊 Blog﹕2012 韓國自由行 – Day 3 Part 2（11月12日 ~ 三清洞, 仁寺洞 ））

最好彩係我地比本旅遊書當地人睇，佢地都知呢間係邊，即刻講到條啱的路比我地聽，超順利呀~~~!!

我地嚟到已一點多，但都仲有好多人排緊隊，而且唔係全部都係遊客，相信應該好味~~~!!

這是對面馬路的街景~~~~!!

還有一家 Innisfree 的 Café 在這，如果下次可以嚟 Hea 遊，我一定會到這裏試試~~~

好彩等咗三四個字就有位，入面實唔係太大，而且沒什麼裝修可言...........

因為主要係食粉皮（即 "麵疙瘩"），所以都沒麼餐牌的......... 我們點一個海鮮煎餅，這個超好味~~~~~!! 好足料~~~~!! 我一個人都吃了三件.............

這是三個人份的粉皮湯，可能是海鮮先上，吃這個時感覺味道便有點淡，如果有黑椒就正啦~~~~!!

食飽飽係三清洞閒逛時見到檔特價頭飾，阿媽佢揀咗三對襪，我買咗兩個蝴蝶頭飾，超可愛的呢~~~!!

其實係三清洞的商店都時很漂亮的，環境超舒服，慢慢行慢慢睇真係可以行一個下午~~~!!

又見到一家被 Tasty Road （"滋味行"）介紹過的餐廳呀~~~~好想試呢............

又是一家很靚的餐廳~~~~!!

這條路有幾家店是 Running Man 取景地點來哦~~~~又好想試...........可惜食飽咗，我下次一定要再嚟~~~!!

又一家被 Tasty Road 介紹的店~~~~!!

今次我都有來 eunnamu（銀樹 (은나무) ），上一次我們來的時候出了很多血呢~~~~!! 不過呢我發現今次的款同我兩年前嚟睇的時候都差唔多，分別完全唔大，所以今次好叻，乜都無買~~~!!

閒逛完三清洞我地又要急急腳趕去梨大啦~~~!! 兩年前嚟睇過呢度的紅葉景，超靚~~~!! 簡直係一看難忘~~~!! 所以一定要帶阿媽嚟睇吓~~~!!

（詳見舊 Blog: 2012 韓國自由行 – Day 2 Part 2（11月11日 ~ 梨大, 新村, 明洞））

之前上網睇見過有張橫額，說不准人進入梨大的校園內，初初好擔心入唔到去，上月見 Athinai 都入到去，佢話我知原來係之前有人直情闖咗入教室，影响咗人地上堂，所以張橫額係提醒人唔可以入教學樓，校園係照常開放的。大家以為一定要守秩序，唔可以騷擾到人地架~~~~!!

梨花大學的標誌 - 花花牆~~~~!!

這個景真的是百看不厭呀~~~!!!

趕完這個黃昏的景，終於可以慢慢行吓梨大~~~~!!

終於比我阿媽買到件衫，路邊攤 10,000 韓元有找，佢成日聽收音機，話區文詩成日都話韓國啲衫好平，佢成日都飛嚟買，所以我阿媽此行最大的目的就係嚟買衫~~~!! 而家終於比佢買到啦~~~!!

我見 Olive Young（올리브영）有旅客 Promotion，本來只想買包 "休足時間" 的我，見隻手乾乾地，就去試埋啲代購熱推的馬油 Cream - Guerisoon 9 Complex Cream，其實試的時候我都唔知佢有咩用，叫阿媽嚟試埋上手，佢都話好潤，所以買咗一樽。返到酒店上網睇返先知原來佢有 72 小時強效保濕，而且仲有助淡班去斑~~~~!!

行完條大街，基本上我仲係勁飽，啲胃氣仲係 er 緊晏晝餐飯，但佢地已見餓，所以近近地，去咗食加味小吃（가미분식）度解決晚餐~~~!!

嚟親韓國，所有店都係泡菜先上~~~~

辣豬肉飯~~~~!! 佢地話個豬肉有點硬，但我覺得又幾好味~~~!!

跟飯的湯~~~都好似係有少少辣，但真係唔記得太清楚~~~~

表姐極之想試的炒年糕..........我對呢樣嘢一向都麻麻地，因為佢難消化，中間又唔入味..........

不過見佢呢碟加咗咁多芝士，睇在啲芝士份上，我都食咗一條咁多啦...........坦白講，味道都係無乜驚喜...........

跟住表姐話好想試埋個飯團，我阿媽又話未飽，所以追加了一份，但阿媽話都係麻麻咋..........  

臨返酒店前，見 the Face Shop 啲 mask 做半價，買咗一片人蔘面膜返來即敷，試效果~~~!! 雖然這塊 Mask 只係 500 韓元，但啲精華堅多，我敷咗十幾分鐘都仲有勁多係面，聽日要大手入貨~~~!!

噚晚大家都勁早訓著，相信大家真係好攰...........

今朝的早餐都係食 Paris Bagutte，今朝當然係試唔同的包啦~~~~!! 我地搵店員姐姐幫我地分開咗啲包，每人都係以試啲~~~~~我同表姐揀咗個芝士火腿包，佢地仲幫我地即場加熱，這家的包真係好味~~~~!!

食飽就出發啦~~~!! 今日先遊昌德宮，上次嚟又係行多咗好多冤往路，今次我醒啦~~~~直接係安國站出，行少好多路呢~~~~~!!

（詳見舊 Blog﹕2012 韓國自由行 - Day 2 Part 1（11月11日 ~ 昌德宮））

而且今日仲要係大晴天，諗起上次落雨落到顛，真是很大差別呢~~~~!!!

今次我地都無入秘苑啦，因為覺得兩老唔會有太大興趣，而且入秘苑的時間很難就，所以都係留返下次再嚟啦~~~~!!

一入門口就見到好靚的黃葉~~~~~!!! 不過我覺得今年唔及我兩年前來的靚呢~~~~!!

在入面大概走了一圈，到了場內唯一一家手信店買了幾款眼鏡布作手信，全都是質量好又有韓國特式的產品來呢~~~!!

匆匆參觀完這個景點，我地就向下一個景點 - 北村八景出發~~~!! 不過呢個地方我都係第一次嚟，而且我覺得呢頭啲路一向比較亂，都係去北村文化中心先攞地圖~~~!! 北村文化中心位置係安國站 3 號出口直走一小段到路口轉左直走就到~~~!!

跟住地圖行，好容易就嚟到呢度北村，呢度其實有啲小型的博物館同一啲以舊式的韓屋，呢啲屋到而家都有人住架，所以一定唔可以嘈~~~!!

呢度真係好有特式，堅靚~~~!! 唔怪之得啲人都鐘意嚟呢度影結婚相~~~~!!

這是建築中的韓屋.............

我地睇地圖，見沿住第八景行，經過瞭望台就應該可以出返大路行去三清洞，所以我地決定自己行過去..........

路過藥房，要去幫 Diana 妹買埋韓版的龍角散先~~~!! 這裏賣的比日本應該便宜點，3000 韓元一盒，即大概 HKD 23 就可以了，如果是要日本版的，就要六七十港元了........

出到明洞，即刻要搵食，其實我唔係餓，但隻腳今朝行咗太多路，又唔夠訓，真係要搵個地方坐吓。

我地最後決定按行程去試試呢間明洞榮養粥。餃子~~~~!! 這個是南瓜粥，我真係第一次食呢~~~~覺得佢超甜，超好味~~~~!! 另外，我阿媽佢地話這炸過的紫菜也很脆，很好味呢~~~~!!

我都試咗個榮養餃子湯，裏面有餃子同年糕，個湯幾清，幾好味，餃子都唔錯，可以試~~~~!!!

三個食物最差就係呢個刀削麵.........味道唔特別，而且啲麵好快就索晒啲湯............下次嚟可以不點這個。

跟住我地係明洞周圍行咗陣，因為酒店要 3 點先可以 Check in..........

先去咗 Primera 八吓，因為用開佢個 Miracle Seed Essence 覺得好好用，夠補濕但唔 "粒"，因為佢係水狀的。所以諗住嚟睇吓有無特價 Set 賣......... 這間是專門店來，在明洞街尾，很易找的~~~~!! 可惜今次沒有特價 Set，而且售價也比 Gmarket 的貴，所以什麼也沒有買............

之後經過一間叫 Honolulu Cookie 的，貪得意入咗去試食，這家店是今年七月才開，所以曲奇都係是用夏威夷的材料制做，而且全部都係菠蘿的形狀，很可愛的哦~~~~!!!

其實店員姐姐比好多款曲奇我地試，當中我最記得係芒果味，因為真的超香，但因為個人來說都是偏愛朱古力，所以最後都係買了一盒 Chocolate Chips 回家，真的很鬆脆，很有牛油味哦~~~!!

買好嘢，差唔多三點了，終於可以返酒店 Check In~~~~!! 我地要咗兩間雙床房，雖然唔可以安排到係隔離，但都安排到同一層樓，眼見這酒店都多國內遊客同商務客入住，相信係因為新開較便宜，而且房間都叫企理乾淨。

不過這家酒店是沒有提供牙刷同牙膏的，一定要自備，不然的話就要付費跟酒店買了。而且沖涼夜，洗頭水等都應該係很差的貨色，表姐洗咗一次就話完全唔掂，可以的話最好也自備........

等佢地抖完，執下嘢，就已經五點半，我地又坐地鐵出明洞，向 N Tower（南山塔）出發囉~~~~!!

明明上次蠢咗，都唔知點解今次可以重覆上次的錯誤..........明明係會賢站出就係近啲，都唔知點解我仲會係明洞出........

今日不知是否什麼特別日子，很多人上塔呢，連在地下的電梯都要排隊........... 明明夾啱時間是可以上去看到黃昏景，但就係因為係纜車站太多人排隊，我地足足排咗半個鐘有多先上到纜車..........

上到去南山塔，天都已黑齊了........

表姐話想去 N Tower 入邊的 Teddy Bear Museum，所以我地諗住入去睇，佢兩老就係出面等.........點知..........原來呢間 Teddy Bear Museum 已經無咗.......

（詳見舊 Blog﹕2012 韓國自由行 – Day 3 Part 3（11月12日 ~ Seoul Tower, Teddy Bear Museum ））

表姐真係有啲失望架，但都真係無辦法，唯有等第時再去濟洲島睇.........就係咁，我地最終無上到去，淨係啲情人鎖度影咗幾張相便走了...........

估唔到會係呢度重遇都教授呢~~~~

是夜景色真好~~~~!!!

好彩下山的時候唔算多人，好快就可以出到返明洞，今晚終於可以食到我最愛的伴飯啦~~~~!!

（詳見舊 Blog﹕2012 韓國自由行 – Day 1（11月10日 ~ 明洞））

今次都係去返全州中央會館食，有過一次經驗，今次我識路啦~~~~!!

先上小菜~~~~!!

本來無大醬湯飲係好失望的，好彩都送咗呢個大豆芽湯，雖然有少少辣，但都 OK，可接受的.........

這個就係我最愛的全州伴飯，味道完全無變，好好味~~~~!!

這個綠豆餅第一次點，我怕太涼，唔敢食啦~~~~!! 但佢地三個都讚好食~~~~!!

因為覺得唔夠飽，加點了這個豬肉伴飯，但他們都說不及全州伴飯好味呢~~~~!!

食飽飽就急急腳返酒店啦，因為大家都好攰........

好在酒店附近有便利店，表姐去買佢好愛的香蕉奶，我就去幫我老細買香口膠...........

初初我都諗點解我老細要我去幫佢買香口膠 - Lotte Xylitol，但返嚟香港後試過，個味又真係唔錯，有點點青蘋果的香味，下次係 Gmarket 訂先得~~~!!

由於太早到步的關係，好多舖頭都未開，我阿媽佢地又唔鐘意去汗蒸幕，咁唯有去行吓公園嗰啲先啦.......

見上個月 Athinai 之前去過幾靚，所以我又跟住去~~~!!!

不過由新設洞出發的我地就要先係東大門站轉車先可以去到惠化了。

在惠化站 2 號出口，然後直走過了公園轉左, 見到下面的貓貓畫像靠左方行（即有兩個型男 poster 嗰邊）。

一開始我地行錯咗去呢邊，行行吓覺得唔係好對路..........因為全係住宅區.......好彩嗰時唔算行咗好遠........

沿住正確的方向一路行，就會見到啲咖啡廳~~~~好多都好有特色哦~~~~~

其中一家仲要係節目 Tasty Road（即 "滋味行"）介紹過的哦~~~我下一次來一定要試~~~~!!

就是這家了~~~~~!!!!!

然後沿住山路行，見到 “駱山公園” 指標往右轉入往上斜坡就會閞始見到劇集閣樓王世子的拍攝場景了。

不過這是超級大斜坡，感覺似有六、七十斜度，走完這個真的超級攰呢~~~~~~!!!

今日真的很好天呢~~~~~~!!!! 太陽勁猛~~~~!!

我自己很愛這幅畫呢，像真度高，感覺這幾條魚活得很自在哦~~~~!!

這張我也很愛，哈哈，因為好似真的是天使一樣呢~~~~~!!!!

這條樓梯就係韓智敏坐過的呀，所以在這勁多人影呢~~~~!! 完全沒可能等到沒人走路的一刻............

行到最後見到一條橋及復仇者聯盟畫像，就代表已經遊完這條壁畫村囉~~~~~!!

沿住斜路慢慢走，就可以出返大路，再慢慢行返去惠化站。

走走吓，見到這 "黃金"，so cute~~~~~!! 之後我地就出發去明洞午餐囉~~~~~!!!

本來我們是坐一點那班機的，但出發前兩日收到通知，航班改了，早了半小時出發........  

錯有錯著，我們今次坐到 A380 的機呢~~~~今天還要坐上層~~~~~!!

機大一點，果然坐得舒服點，而且是每人座位前都有電視呢，我很久沒坐過這些機了..........

不過呢.......這航空公司的飛機餐真的很一航，今日的有粥同雞飯。   阿媽同 E媽話個雞飯都仲 OK。

我同表姐就食這粥，雖然這是西蘭花蝦粥，但真係沒怎麼味道，我因為腸胃不太好，沒怎麼胃口，所以吃了兩啖就沒有再吃了.........

雖然話係大機嚟，但唔知點解今日架機好 "浪"，勁多氣流，尤其係食飯嗰陣， 真係超辛苦，又訓唔到喎， 好彩最後都平安落機。  

落機後先去禁錢先，第一次係外國用櫃員機，好緊張，仲要試第一部唔成功，攞唔到錢，試埋第二部先得，我之後睇返戶口，原來係韓國用櫃員機禁錢係最好滙率的，扣埋手續費 HKD15，滙率係 134.xx，我係香港銀行唱都只係 132.xx，係明洞平均都係 133 - 134，所以下次我一定會用櫃員機攞錢。  

攞咗錢就要幫阿媽佢地買返張 t-money，其實唔買都可以，但我費事次次晒時間搭地鐵都要買飛，而且用 t-money 的價錢是便宜點哦~~~!!   跟住仲要去租 Wifi，出發之前仲心大心細，唔知租唔租好，因為上次嚟韓國都唔駛租，但同表姐傾完後都係決定租一部，方便大家隨時更新自己的 Facebook and 朋友圈。  

今次同咗 KT Olleh 租，只因見佢好多人排隊，相反 LG 就無乜人。好彩之前下載咗優惠卷，每日租機費可以平少少。大家可以 按此 下載哦~~~!!   用咗五日，埋單都只係韓圓 37,500，而且五日都用得好流暢，無斷過線，好正呢~~~下次一定會再幫襯~~~~!!  

搞掂好晒所有嘢，我地就就向酒店出發~~~~~!! Ramada Encore Seoul Dongdaemun，地點係正新設洞 4 號出口隔離，都算方便的。但問題係佢唔係大站或主要的轉車站，去邊度都要轉車，而且附近係無街行的，亦只有三間 Coffee Shop，食早餐都幾頭痕架...........  

放好行李，我地就先去食早餐，今朝去咗 Paris Baguette，因為呢間係地鐵 5 號出口，我地只要直行就到，方便又好味呢~~~~!!   我們買了兩個咖啡包，一個紅豆包，一個蜂蜜蛋糕，全部都好味呢~~~~!!

食飽我地就向梨花洞壁畫村出發~~~~~~!!!

通常我自由行都會預早幾個月準備...........今次因為有太多唔確定的因素，拖拖吓搞到九月頭先決定成行...........唉..........實在好急，好彩之前係 Travelzoo 見過有 promotion，問過其中一間 agent，即刻拿拿臨搵佢再問問有無優惠 package，好彩仲有優惠，五日四夜套票連稅都只係需要 HKD 4288 一位，如果自己散訂機票加民宿都可能要差唔多價錢，因為唔想再晒時間搵，而且間酒店都係新開又近地鐵站，所以都照訂啦~~~  

初初都擔心，唔知呢間 Agent 信唔信得過，因為佢唔係出名的大行，但一路同佢地接觸嗰陣又覺得佢地幾有心，做嘢都跟得幾足，有交帶，直到收到佢地嗰份旅行備忘，哇.........真係眼前一亮，我從未見過有旅行 agent 有咁好的準備，而且臨出發同回程都仲有短訊備忘 send 嚟，真係好好，跟得好貼，我真係熱推這家 Noble Vacation。  

我真的沒想過他們會用速遞送這份備忘來我公司，而且包裝是這樣精美呢~~~~  

還送上了他們自家製的的行李牌及入境表呢..........    

終於到到出發日，因為係坐凌晨機，所以我地廿六號晚就要出發啦~~~~不過我都係蠢咗，訂完先醒起坐凌晨即係等於夜晚無得訓，唔知同行的兩老頂唔頂得順...........不過為時已晚，所有嘢已經 firm 好晒，唯有希望大家係機度訓到.......  

以往出機場，我們都會坐機場巴士的，但因為佔中的關係，坐開的一架機場巴士一定會改道，而且上次比架巴士轉到我頭都暈埋，真係好辛苦，所以我今次決定要搭機場快綫。  

講真，坐機場快綫其實貴過機場巴士很多，巴士只需 HKD33，機鐵便要 HKD90 了，好彩我們今次有四人，可以享受到套票優惠，而家平均只需 HKD55 一人。  

真的第一次這樣 "豪"，雖然貴，但換來的便是舒適便快，不需半小時便可由九龍至機場呢~~~~~

**機鐵套票優惠可按這裏 **  

好囉~~~順利來到機場又過了關，我們準備出發囉~~~~我們今次坐韓亞航空呢~~~~  

今日真係坐超早機..........我四點就已經醒咗..........

各人梳洗好，大概五點半就出咗門口~~~~!!

真係好彩早咗出門口，原來太早的話 Namba City 的門係唔開的，我地要兜返去南海電鉄的正門先入到車站，我地坐 6:02 分出發的車，去到月台仲有大把時間~~~

6:48 我地就已經到咗關西機場，但要去 KIX - Terminal 2 就要再轉一程接駁巴士。

而家呢邊基本上係 Peach 一家用晒，所以呢邊其實好細同好少舖頭..........

我地好快就 Check in 好晒，咁多咗的時間，當然係要用嚟 Shopping 啦~~~~

雖然入邊無乜舖頭，但基本的手信 Duty Free Shop 咁佢都有齊架~~~

白い恋人每次嚟日本都必買，因為阿媽鐘意食，點都會買一盒比佢。

Royce 的 Nutty Bar Chocolate 同 Baton Cookies 就係我自己的必買品，因為平過香港好多~~~~

入閘之後見間 Duty Free 有 Sofina 賣，我又有錢淨，所以買咗呢兩枝返嚟試吓~~~

最後買埋呢個宇治抺茶的 Pocky Crush，其實我自己未食過，係噚晚係 Instagram 見到 Mika 大讚好好食，所以今朝見到即掃十盒~~~~!!

雖然未至於千金散盡，但都叫滿載而歸了，係時候回家啦~~~~

哈哈~~~我地真係好好彩，今次竟然坐到前 AKB48 成員篠田麻里子的飛機返嚟~~~~

Bye Bye 啦日本~~~我地下次再嚟過啦~~~~

睇完鹿鹿，買好手信，我地行去近奈良站~~~~因為本身呢條路話遠唔遠，話近唔近咁，坐巴士就大概五分鐘，行就大概十五分鐘啦......

最後我地決定行出去~~~~沿途會經過興福寺，不過呢.......我之前兩次嚟佢都裝修緊，而家第三次嚟啦，佢都仲未搞掂..........所以我地都無入去啦~~~~

其實邊行邊傾都真係幾快到的.......大家都肚餓，所以去食飯先~~~~!!

今次都係去返 とんかつ がんこ，呢間的炸豬扒真係百吃不厭~~~~ 我自己嚟咗三次都係坐返咁上下的位添喎，勁有緣~~~~

呢個係的炸豬柳~~~~~三件豬柳都好鬆軟，而且又炸得夠脆喎~~~~!! 真係好好食~~~~!!

呢個係 Diana 的季節限定特別推介，有特式的梅子醬，連唔多食煎炸嘢的佢都大讚好食，入口無油唧返出嚟，正~~~!!

呢個係細佬的特大豬扒~~~~!!

仲有 Joey 的雜錦拼盤~~~

佢地三個今餐都特別開胃，人人都食咗兩碗飯~~~~!!

食飽飽就梗係要買埋手信先走啦，我就去咗豬扒店對面的奈良小鹿店，佢呢間有隻雜錦蝦餅好好味架~~~今次買多咗包芥辣味返嚟試~~~~不過我都係鐘意雜錦味嗰隻多啲~~~~!!

買好嘢我地就坐車去伏見~~~~去伏見其實主要去伏見稻荷大社睇千本鳥居，呢度我都係第一次嚟~~~~ 呢度真係好方便，一出 JR 伏見站過條馬路就到.......

呢間神社係用狐狸嚟做吉祥物的~~~主要係祈求產物豐收，所以係呢度見到的狐狸銅像多數都係含住鎌刀或稻米的。

由呢度行上去就會見到呢度好出名的千本鳥居，之所以呢度有咁多鳥居，係因為啲善信比錢起的，我地睇過最細嗰款都要萬幾蚊港紙........

這些鳥居是依山而建的，要行晒呢個山大概要兩至三個鐘...........

我地嚟到呢度時已四點幾五點，如果真係行埋真係天黑都唔知落唔落到山，所以我地就無行啦，行咗一小段直路咁囉.......

我地參觀完呢個伏見稻荷大社出返賣手信的舖頭時，他們都已陸陸續續準備收舖了.........

哈哈，但我地都係其中一間舖搵到一啲好有特式的的日本製手巾仔，仲要 1000 円有三條，我就揀中咗呢條~~~~

跟住我地就坐返 JR 去京都站，今日行程最後一個景點就係 JR 京都站附近新開的 Aeon Mall。

呢個商場係新開架，諗住呢度有超市，可以係度買埋手信。 話就話由京都站八条口行去大概只需五分鐘，但我覺得自己行咗十幾分鐘囉......

呢度除咗有超市外，仲有 Gap，ABC-Mart 和 Uniqlo，對於今次去唔到 Gap Outlet 的我嚟講真係天大喜訊，因為呢間 Gap generation 入邊好多都係特價緊~~~~!!

我地自己買到件裇衫同西褲~~~~!! 真係係好開心哦~~~!!

不過呢個 Aeon Mall 的超市就令我地好失望囉，我初初以為佢會好似首爾個樂天超市咁大架，點知仲細過黃埔嗰間吉之島，結果我細佬買咗幾枝無酒精的啤酒就走咗~~~~!!

因為聽日早機，咁啱超市門口有麵包舖，所以買定袋方包做聽日早餐。

行完呢度其實都夜，我地決定係京都食埋飯先返去，其實呢個商場近鉄京都站多啲，所以我地就由呢度開始搵食。

近鉄京都站呢度好多食肆，乜嘢款式的嘢食都有，我地最終揀咗呢間 いち藤 食和食的~~~!!

呢到最好係連住 JR 京都站的，所以係室內行去就得，沿路仲有舖頭，可以慢慢行同睇。

就係呢度比我遇到我係京都最愛的小食 - 鼓月的千寿せんべい~~~~初初諗住唔係嵐山就應該買唔到，估唔到係呢度可以重遇佢，唔買返盒大的真係對唔住自己........

係呢間舖兜兜吓，比我見到佢地早幾日係知恩院買的毛巾，呢度平幾円，所以我都買咗條，因為佢標榜自己吸水力強還要是日本製的~~~!!

就到 JR 京都站嗰陣又見到另一個零食的 Counter，呢個茶の菓簡直就係抺茶版的白之戀人，上次去京都已經買過，難得今次又見到，所以都買咗一盒自己食~~~~

本來諗住去心齋橋啲藥房再買一轉，因為有錢淨~~~~!! 但真係太攰，啱啱係地鐵站內見到有藥房，求其入去咗兩枝 Sofina Primavista 的 Long Keep Base 同粉底液就算~~~~

今朝真係完全諗唔到食乜.......結果行行行行行到心齋橋附近，最後決定去 Excelsior Caffe 。

呢間我同細佬之前係東京食過，我記得好好味架~~~~今次我都係食返同上次一樣的餐。

（舊 blog﹕2010年東京自由行 - 11月20日 Day 4 Part 1 ~ 川越）

今次再食都仍然係咁好食，而且仍然係即叫即整，個麵包係熱辣辣入口架~~~~!!

準備出發囉~~~~~~

去到 JR 奈良站就要搵巴士，但呢度好似裝修緊，唔同咗以前個樣.........

好彩我地順利地去到春日大社~~~~ 一去到門口就見到有個嬸嬸賣緊煨蕃薯..........

Joey 話想食，嬸嬸見我地四個人就幫我地揀咗個大的，仲好好心咁幫我地切開四份，但其實我不停同佢講我地想要個細架咋........

結果呢個蕃薯真係貴，足足1200円.........不過不得不讚佢真係超甜~~~~!! 又夠香，勁有蕃薯味，我都好多年無食過咁好味的蕃薯。

一路行入去春日大社就會開始見到鹿，下面呢個係我地第一隻見到的鹿，而且佢好有禮貌，見我地手上有蕃薯，佢不停咁躬身，我地見佢咁乖就係咁比蕃薯佢食.......

呢邊啲鹿真係好乖，見到你會不停點頭，你唔比嘢佢食佢地又唔會死撞埋嚟~~~

  行行吓偶遇柴犬一隻，超可愛的~~~~!!

  因為春日大社大家都唔係第一次嚟了，所以我地就係咁易行咗個圈就算~~~

之後我地就慢慢行去東大寺嗰邊的奈良公園~~~~~ 哇.....呢度啲真鹿真係「狼」好多，一見到你就好熱情咁哄埋嚟嚟，會撞你啲衫，好恐怖..........

如果你買咗鹿餅，仲要記得唔好比佢地見到，因為佢地會一窩峰咁埋嚟圍住你，真係群情凶湧..........

  係東大去門口見到兩隻練緊打交的鹿~~~~

都係因為大家已經唔係第一次嚟東大寺，所以就無花錢入去參觀啦，淨係門口影相就算~~~~但呢度真係每一次嚟睇都覺得好宏偉~~~~

影完相，我地就沿路出返手信街，其間經過一間舖頭，見到有好可愛的鹿袋賣，Joey 買了個斜孭的鹿頭袋比佢姪孫，然後我地係舖頭入面見到呢個好靚的鹿頭化妝袋，有個嬸嬸見我地三個都好鐘意紅色呢款，佢仲特登入倉攞咗啲新的出嚟比我地揀，超有心，所以我地一人買咗一個回來。呢個真係連我媽媽都讚可愛的呀~~~~

食飽飽之後我地之後，我地再坐巴士去知恩院。

曾經有套日韓合拍的電影，係由宮崎葵同李準基做主角的，唔知大家仲記唔記得，但我就好記得呢度係其中一個好主要的場景。

  係呢個門口見到條樓梯我都已經驚驚地.........再行近啲原來有一條仲長的.............我宣佈放棄..........我決定留係山腳下看行李，等佢地行上去時輕鬆啲~~~ 呢啲相都係我細佬影的~~~~

佢地其實都算行得快，只係用咗一個鐘就落返嚟，佢地仲一人買咗幾條毛巾落嚟~~~~~ 跟住我地就再坐巴士去平安神宮。

初初我以為平安神神宮係好似平時去開嗰啲咁，得一座廟等大家入去參拜咁，但原來係仲有個神苑比人入去參觀架。

如果係夏天先嚟就會辛苦啲了，因為佢真係四周都係樹同草，而家都已經好多蚊滋，夏天應該都會有好多蚊.........

一落車就會見到個好大的紅色鳥居，佢隔離仲有個跳蚤市場架~~~

不過要入去參觀就要比錢啦~~~~!!

呢度仲放咗架全日本最老的電車~~~

呢度啲櫻花生得高大啲~~~~~

呢條橋個名真係改得幾好，幾有意境~~~~

  呢個境就係旅遊書介紹的景，終於比我影到啦~~~      

睇完呢個平安神宮跟住就係我地的 shopping time ~~~!! 要 shopping 就梗係要出返去三条河原町同四条河原町啦~~~!!

呢間 Sou Sou 係我細佬指定要嚟的，因為佢好想買呢間的日式服裝.........

坦白講，佢雖然話已經加咗好多現代原素入去，但要係香港着出嚟都仲係奇異咗啲.........

我地行到六點幾七點諗住去搵食，晏晝見到八坂神社對面有間食飯焦的好多人排隊，我地本來諗住去食呢間的，但點知我地去到的時候佢話予約已經滿咗，我地嗰刻終於了解到原來晏晝啲人排隊係訂定今晚的.......

唉..........咁唯有再搵食，但呢度啲舖偏偏好早就晒，連我地午餐的 ぎおん家 都晒埋............

係搵食的途中，見到有間賣手信的舖啲嘢食都好似唔錯，所以我地又買少少綠茶產品返嚟做手信。

最後比我地搵到呢間 やぐ羅 未刪之余仲客係度食緊飯的，價錢又啱。就求其食呢間啦，因為大家都真係行到好攰..........

我都係食返腐皮烏冬...........不過呢間真係差好多，啲烏冬勁粉的...........我食咗一半就食唔落了.............

呢個親子蛋飯，佢地話都OK.............

呢個都唔鐘，但真係唔至於好好味~~~~!!

基本上每次嚟關西都一定會去京都，對上次嚟都去唔到二条城，所以我今次一定要去到。

Plan 行程的時候係諗住係京都住一晚的，但問咗五六間都話滿咗，連住的平野太太嗰度都話滿咗，今個春天真係好今人瘋狂~~~!!

因為如果住係平野太太度去二条城就好方便，因為佢屋企係正二条城附近架咋。

既然而家住唔到咁唯有自己早少少由難波出發去梅田再轉 JR 去京都。我地今朝食麥當當，唔知係咪真係隔離飯香，我真係覺得呢邊的飽都好味啲~~~!!

去到京都一定要買返張一日乘車券先，因為我地基本上都會靠巴士嚟移動，有乘車券就會慳好多，一張 500 円一日，坐兩程已歸本了。呢張票，我次次嚟，次次都唔同樣架~~~~~~!!

二条城唔同大阪城、和歌山城或姬路城咁會有座好大的天守閣，但呢度就好有歷史價值。因為呢度係同「大政奉還」有關的地方，有睇過篤姬就會明白呢段歷史架啦~~~~~~!!

  售票處有寫櫻花開的情況，園內有兩款已花落了，變咗「櫻吹雪」........

一入去就見到呢個咁靚的門口，啲公仔做得好仔細呢...........

我地就係由呢度入去睇重要的遺產，不過可惜入邊唔比影相.......但我覺得好值得睇~~~~!!

之後我地就出去佢的庭院睇櫻花~~~~

參觀完二条城後我地就坐巴士去岡崎神社~~~呢間其實係求安產的神社，呢度都係出名的兔仔神社，因為兔仔出名多產，所以呢度就用咗兔仔嚟做吉祥物，我地就梗係唔係嚟求安產啦，係佢地陪我嚟睇兔仔的~~~!! 嘻嘻~~~~

呢度啲兔仔真係好可愛，我都忍唔住買咗個「幸福うさぎ守」返嚟~~~~

參拜完岡崎神社之後，又差唔多夠鐘食飯，我地坐返巴士出四条河原町搵食~~~

咁啱就比我地搵到呢間 ぎおん家，呢度似係自己一家人自己經營的手打烏冬 / 喬麥麵的舖頭，雖然舖仔細細，但就好懷舊，而且都多日本人幫襯架~~!!

為怕入到去睇唔明餐牌，細佬好醒咁影咗啲嘢食 Demo 返嚟~~~~!!  

最後佢地三個都食鰻魚飯，Joey 話佢嚟咁多次日本都未食過鰻魚飯喎.........諗諗吓..........又真係好似一次都無食過喎........

我呢~~~~就叫咗我最愛的腐皮烏冬~~~~!! 哇~~~呢個真係好好味，個腐皮索晒個湯，入晒味，啲麵又夠彈牙，最緊要係個湯，又清又甜，好夠味，真係好正，值得推介呀~~~~!!

今日的午餐決定係天王寺新開的阿倍野 Harukas （ あべのハルカス）內食，唔知係咪因為新開的關係，呢度間間食肆都好多人，最後揀咗新宿中村屋オリーブハウス~~~!! 其實只係大家都肚餓，唔想揀間要等位的啫......... 佢地每人咗一個餐，呢個係跟餐的沙律，好少見到有人用蓮藕嚟做沙律.......

呢個我記得好似係忌廉雞肉~~~

細佬的明天太子意粉 again~~~

呢個係好有鑊氣的意粉，好味~~~!!

呢個係蟹肉茄汁意粉，最濃味係呢個~~~!!

最後還有甜品呢~~~~!!

噚日肚痛完，我今日真係唔敢食咁多嘢，所以我都係決定係每人的嘢食度偷啲食就算。嘻嘻~~~

呢座阿倍野 Haruka 好似係而家日本最高的摩天大樓，再加上佢係新開的，所以我細佬話一定要嚟睇睇。

不過呢.......呢度的設計認真麻麻，買飛就要先去二樓的售票處買票，然後又要兜返出商場先可以再轉電梯上 16 樓，但沿途無人指示，所以好易行過龍...... 上到 16 樓，又要再轉電梯......而且似乎呢度無乜特別設施 for 傷殘人士，因為排隊買票時，排我地前面係有個坐電動輪椅的伯伯，佢真係同我地一齊排住隊轉晒圈咁去買票，其實排隊個位咁窄加電動輪椅真係好難轉彎，都唔明點解唔可以比佢地優先呢......

排咗幾次隊，終於上到嚟 60 層樓高的展望台......講真畏高的我真係唔敢行去邊邊度......再加埋噚日係港灣塔暈過，更加唔敢........

但呢度望出去又真係幾開揚的.........成個大阪盡收睇眼底~~~~!!

係60樓行完一圈我地就落咗去 58 樓的天空庭院~~~落返嚟好好多~~~感覺即刻無咁高......呢個仲有間餐廳仔，有咖啡果汁同小食，得閒嘆吓幾好架.........

哈哈..........呢度仲有個開張一個月紀念的牌係度~~~!!

遊完呢度其實我地去咗梅田行咗一陣，本嚟諗住行到黃昏，然後去梅田的空中展望台睇夜景的，但因為大家對 shopping 都無乜興趣，我都唔知帶大家去邊度行好，最後只係兜咗一陣我地就返難波行街算~~~!!

我地先去咗 なんば City 搵我最愛的 Jelly Beans 先，呵呵呵~~~真係比我買到件心頭好，正~~~~!!

之後我地又去咗 なんばパークス 度行，其實係細佬想去睇返佢上次無買到嗰個 Local Brand，細佬都買咗背囊，佢個 Brand Name 我真係唔記得咗啦，但最緊要佢都係 Made in Japan 架。係呢度又兜咗陣，終於捱到六點幾，終於差唔多夠鐘食飯。

就係我地諗住行去食飯的時候，比我見到 Samantha Thavasa，最後都比我買到個袋，Lucky~~~!!

因為係突然改行程，我都唔知食乜好，最後大家決定去食四天王拉麵。 今日好彩唔算多人，但嚟的已經少咗好多本地客，都係多遊客........

我地叫咗兩個鹽味的，兩個醬油味的拉麵，個人嚟講已經覺得鹽味好夠味了~~~!! 餃子呢............就真係一般啦，無特別囉............

之後我地再行咗陣心齋橋，買咗少少手信，打算返 Hostel 時，細佬突話好想試下 551 蓬莱的饅頭，最後買咗兩個豚饅返去做宵夜。 我就已經好飽食唔落了，但佢地有食的就話好好味，加埋芥辣入去又係另一番滋味，佢地真係勁讚。大家有興趣都可以試下哦~~~!!

另外，唔知點解 hostel 附近的汽水機突然間特價，每樽飲品都只係 100 円。我就買咗呢樽熱的十六茶。

細佬就係便利店入咗呢啲貨，仲有我最愛的 Mintia 糖~~~!! 呢隻糖係日本買平好多架~~~~!!

今日的行程簡直係我地呢次旅程的亮點~~~~!! 說真的我來了這麼多次大阪也沒有到過造幣局賞櫻，因為這裏一年只對外開放幾天，而我們訂機票的時候完全不清楚今年開放的日子那幾天，所以之前完全沒想過我地可以完全夾到它的開放期，而且今天是第一天開放呢~~~~!! 今朝去我最鐘意的 Choco Cro （サンマルクカフェ）度食，我真係好鐘意呢間的朱古力牛角包架，今次佢就出咗吉士味的牛角包，都係超好味架~~~~!!

食飽飽就向造幣局出發~~~其實由出地鐵站開始就已經有指示，好清楚。

出咗地鐵站之外又沿路有警察指揮，所以絶對唔會「盪失路」。

沿路都已經睇到好多櫻花，好靚哦~~~~ 真係好彩我地早咗出門口，我地九點半嚟到已經排滿人啦.........

準時十點鐘開門~~~~一入門口已經見到好靚的櫻花~~~~!!

另外我地見有啲人一入去就係咁跑.......... 入咗場睇咗一半先知原來啲人係跑去買限量版的櫻花幣。

不過我地見條龍太長，所以無返轉頭去排啦~~~

其實呢段櫻之通（桜の通り抜け）唔算長，只有 560 米，但啲櫻花真係太靚啦，我地足足行咗個幾兩個鐘。

同埋好欣賞嚟賞花的人，佢地唔會去破壞啲花，忟佢扯佢，大家都好規矩咁企係櫻花隔離影相，真係好有公德心。

行完大家見有啲餓，所以就係呢度的攤檔買咗盒燒章魚丸嚟食~~~~

填咗肚我地就向天王寺出發~~~~~

本來我地係諗住坐 City Loop Bus 直接坐到出舊居留地的，但點知坐錯方向，我地唯有係返 JR 三宮站落車，自己行去。 神戶的街景..........

  行咗兩三個字，終於見到大丸了，即係就到舊居留地 38 番館。      

這係呢度啦~~~~!! 呢度1929 年就起，前身係花旅銀行神戶支店，而家就變咗大丸分館。 我地傾咗一輪，最尾決定豪吓，上呢度四樓的餐廳 パティスリー トゥース トゥース サロン ド テラス（Patisserie Tooth Tooth Salon de The Kobe）度食。

真係好彩我地行快一步，仲叫到午餐 set，好似做埋的我地訂單之後佢地就轉晒做甜品 Menu 了。

  呢個餐湯細佬話好濃味，好正~~~~!!

我杯紅茶~~~嘻~~~~都好濃味，呢度啲砂糖都包裝得特別精緻，每粒都係有紙獨立包裝架~~~!!

呢個麵包係脆的，而且仲要係熱辣辣上，雖然而家都有 Olive Oil 伴碟，但如果有埋黑醋一定更正~~~!!!

我同 Joey & Diana 都揀咗食沙律，呢個沙律都真係好新鮮~~~~!!

Yeah ~~~~ 主菜上場~~~~~!! 細佬揀咗呢個明太子意粉，佢話好好味~~~~!!

Diana 同 Joey 都話呢個意粉好味~~~~!!

但大家試完我呢個芝士通心粉之後都讚超好味~~~!!! 佢真係夠多料又多汁，好正~~~~!! 呢間下次嚟神戶一定會再 encore ~~~!!

今餐真係餓住入咗，捧住個肚走~~~~!! 之後我地再坐巴士去神戶港，睇港灣塔（神戸ポートタワー）。

上到塔都無事，點知落第二層觀景塔就開始出事.......... 第二層觀景塔係一間旋轉餐廳，一望咋............即刻暈............嗰刻真係好暈，我估要我企多陣等電梯我都未必頂得順...........

好彩等咗一陣就有電梯落返地下...........嗰下個人先好啲.............又好彩地比我地上到架巴士，一坐定又開車了.........

哈哈.........今次只坐一個站..........因為神戶的最後目的地就係 Umie Mosaic ~~~~!!

不過呢個時候又開始肚痛............. 我地決定唔行街住，去咗 Anpanman Children's Museum and Mall 先，呢度係日本唯一一個係海邊的麵包超人館, 而且只開業了一年，很新的呀~~~!!

  係去麵包超人館的途中，竟然比我地見到龍貓專賣店同 Jump Shop~~~!!

我係龍貓專賣店買到呢個新出品，可以用嚟包住啲水樽同濕遮，感覺幾好用~~~!!

Yeah ~~~ 到麵包超人館啦~~~~ 不過今次我地就唔會入場啦，我地主要係行佢的精品區，不過呢度比較，唔及橫濱嗰個咁多嘢睇..........

  行完就去行街..............點知個肚又痛............唉..........為免再痾，都係要食止肚痛藥頂一頂先，不過真係即刻乜嘢 mood 都無晒.........

意外地，臨走時比我見到靴下屋，即刻入去掃睇下有無嘢啱先~~~!! 嘻嘻，買到兩對好可愛的襪，1000 円有三對啦~~~!!

我地決定出返難波先搵食，我唔想再肚痛，所以決定買個清蛋糕食就先。

出到難波，其實佢地都未定到食乜..........啱啱係0101 借廁所，又比我見到 Vivienne Westwood 的 Leggings，呢個牌子的 Leggings 真係好好著，我屋企仲有對 8 分的未開，今次買對 10 分的試試先。

之後再繼續我地的覓食之旅，佢地見到呢間 りくろーおじさん 的芝士蛋糕，見好多好多人排隊，於是我地又排埋一份，買咗個返 hostel 食。

我地呢個係啱啱新鮮出爐架，Diana 話睇佢個印個公仔上去架。 呢個蛋糕真係好夠綿，而且佢仲用提子干做底，幾得意哦~~~~!!

揀咗一輪，佢地最尾揀咗食松屋，唔知係咪太肚餓，佢地大讚好味，哈哈~~~松屋幾時都係我地的救星~~~!!

美好的一天由早餐開始~~~~~今朝的早餐係 Cafe Di Expresso，全部即叫即整，正~~~!!

今日我地先去神戶三之宮站，因為呢度有 City Loop Bus 去晒主要景點。

不過要搵呢架車真係一啲都唔易............我差唔多圍住三宫站行咗兩個圈先先到........

單程就要 260 円，但全日票只係 660 円咋，我地今日全日都會係神戶活動，咁就梗係買全日通啦。 要買全日票好簡單，上車時同巴士小姐買就可以。

今日第一個景點係北野異人館，我地買咗最平的套票，可以參觀三個館~~~ 比咗錢每人就會派 Passport 一本，每入一個館都會有人幫你蓋章，證明你已入場。

順路的話，先會去香りの家・オランダ館，這裏的前身係荷蘭領事館，而家除了有舊時的傢具佈置展出外，還是一家香水研究所，如果大家鐘意可以整一枝完全屬於你的味道的 9ml 香水，售價係 3100 円~~~!!

點都估唔到............呢度仲係日本組合 - 柚子其中一隻唱片封套的拍攝場地........

跟住就到デンマーク館，呢度主要展示丹麥的歷史同文化的。

  估唔到呢到都有姆明精品賣.........

跟住去隔離睇埋 ウィーン・オーストリアの家~~~呢度充滿歐洲風情，我鐘意呀~~~~!!

這個 ウィーン・オーストリアの家還有奧大利亞皇家的朱古力同朱古力蛋糕賣，但我真係食唔到.........下次去一定要試~~~!!

之後經過天滿神社就會到風見雞之館同萌黃之館，係呢度最出名的展館，但要入去參觀的話就要再買另外的套票，所以我地只係外部參觀算了~~~!!!

睇埋呢度係時候走了....... 走的時候見到好多人都買六甲牧場的軟雪糕，哈哈...........我極力地叫佢地三個試下，我自己就怕個胃唔舒服，無試，但據佢地的試食報告，佢地話呢個好有奶味~~~!!

跟住就到買手信的舖頭，Diana 好想買芝士蛋糕嚟食，但保質期太短，只可以保持兩三日，如果今晚食，我地又仲有排都未返 hostel，因為呢幾日天氣太熱，如果就咁一直係街行，我又怕會好易滋生細菌，所以最終佢地都無買，而家我就買咗呢個布甸味餅乾返嚟做手信。

對我嚟講嚟呢度的目的其實係呢間 Shoe Fantasy~~~!! 呢間啲鞋大部份都係 Made in Japan 架，而且價錢唔會貴過 Jelly Beans~~~!!

哈哈~~~~果然買到筍嘢，呢對高踭鞋 2000 円都唔駛呀~~~~!!

最後去睇埋免費的 ラインの館，這裏剛巧做狗狗攝影展，另外都展示咗當年阪神大地震的資料......

睇晒呢啲館之後，我地就坐返 City Loop Bus 去舊區。 北野異人館呢度除咗係有好多舊領事館之外，其實仲有好多民居係度架，如果有錢又有時間，逐個館入下去睇吓，歎吓下午茶，這裏其實是一個不錯的選擇哦~~~!!!

係酒店食完早餐之後，我地悠悠閒咁出發去三段壁，巴士站就係正酒店門口，真的很方便呢~~~!!! 坐咗幾個站就到~~~很快的呢~~~~!!

入去呢座建築物就可以買票坐電梯去洞入面睇吓~~~~!!

雖然我唔係第一次嚟，但再落嚟都仍然會比啲浪聲嚇親.......

睇完呢個三段壁洞窟，我地再坐巴士向千畳敷出發，其車都只係兩三個站車程，但要行就好似好遠咁囉....... 落咗車之後，行幾分鐘就到~~~~

其實呢度無乜嘢睇，最主要就係睇下面的石頭，好似好多張被舖係度咁囉..........

睇完呢度，我地就返酒店攞行李，不過因為已經過咗免費巴士的服務時間，我地就要自己坐巴士出去了。

今日又係好好彩，我地一去到車站就有快車，直出天王寺。 經過兩個幾鐘的車程，我地就到咗王王寺，我地揀咗係 Mio 的とんかつ・洋食 豚晴度食個午餐先。

呢間主要係食炸豬扒，不過因為我仲滯緊，所以就無點餐，我係佢地每人餐度偷咗少少嚟食就算。

這真係只是炸豬扒....  

這是煎牛扒......

這是芝士煎雞扒配薯餅~~~

整體味道唔算差，但都唔係叫特別好味囉~~~~ 見反正係天王寺站，我地決定去買啲手信先返 hostel，本來我地係去近鉄百貨買銀座ウエスト 的蝴蝶餅，但原來呢度係無的，我地只搵到 Yoku Moku 的蛋卷，都好啦~~~買返盒比自己食。

細佬都買到好愛的 とらや（虎屋）羊羹。  

跟住去好多人排隊買的餅，其實我地都未食過，但見真係好多人買，所以都買咗少少返嚟做手信。

p.s. 返嚟派手信嗰陣，法國同事同我講 Gouter de Roi 的意思係皇帝的小食，同埋我睇返佢盒入面的簡介，原來呢啲產品係每年指定幾個月先有得賣，唔怪之得啲人要排隊買啦。  

我地另外都買咗排朱古力返嚟試，諗住試完好食可以後日再返去買。哈哈.......點知返到 hostel 就完全無咗呢回事，成排帶咗返嚟香港。

買好晒嘢就帶埋行李去今次的 hostel - Osaka Global House 大阪異文化館。 我地一月尾準備訂房的時候睇過 Tokyo Inn，但已經 full 晒，咁其他酒店又貴，唯有不停上網搵 hostel，搵咗幾星期終於搵到呢間又近南海難波站，又可以四個人一間房又有獨立廁所的，而且價錢好合理，每晚都係 12, 000 円。

我地四個人用晒一間屋，間屋有兩張碌架床，仲有埋電飯煲、電水煲、電磁爐、微波爐等，完全係一個小型住家，超好的~~~~!!

除咗個廁所板鬆咗之外其餘都好好，即使開晒四個篋都有好多地方行，真心推介呢間 hostel 哦~~~!! 放底行李之後，我地就係難波行街。先去探法善寺的不動明王先。

呢個不動明王好厲害架，佢上過千奇百趣架，佢有趣的地方就係明明係一座銅像，但竟然長滿青苔。 我地當然唔會執輸，大家都要齊齊向佢潑水，等佢的青苔生長得茂盛啲嘛~~~~!!

之後我地再去心齌橋 g.u. shopping ，哈哈~~~~女人嚟到呢度真係顛。

因為呢間的嘢真係又平又靚，大家都係度揀咗好耐，哈哈~~~最後一人攞住一袋走!!

呢度四件衫，埋單都只係七千幾円，大家記得 show passport，因為會有九五折架。

之後又逛咗藥房，但因為今日只係第二日，唔敢駛太多錢，所以只係買咗一盒 Sofina Primavista 粉餅，同一樽特價的曼秀雷敦 AD20 軟膏比阿爸。

買完嘢就去開飯，今晚食飯的地點係北極星，上次嚟食過佢的蛋包飯，真係一試愛上，所以今次一定要再嚟。

佢地三個揀咗雞肉蛋包飯，我就食蘑菇的，真係好好味哦~~~~!!

走嗰陣路過 ドンキ 激安カラコン，大家都話未去過，所以又入咗去八吓~~~ 結果又掃咗呢啲零食.....

基本上呢啲都係去東京必買的零食，估唔到係大阪都買到，如果可以買埋芥辣魷魚就更 perfect ~~~!!

食飽飽我地就行返去和歌山站坐巴士向和歌山城出發。 路程唔算太遠，幾個站就落車，但要自己行的話都幾攰，所以都係乖乖付錢搭巴士..... 一落巴士就已經係城池的入口，好方便。入城的沿途都開滿櫻花，好靚~~~~

這棵大樹長得很高大，有幾百年歷史呢~~~~

城入面除咗有櫻花，仲有好多賣小食的攤檔，很熱鬧的。

要上呢座城，就要行山路，對於平時小運動的嚟講都會喘氣架。呢度真係好細心，佢有竹放晒係山路開始的路段，等人篤住嚟行，仲要係免費，真係很為觀光者設想。

經過兩個平台，終於都到售票處~~~

城內放咗好多以前戰爭時的用品同埋呢座城裝修時換落嚟的舊物件，而天守閣就可以望晒和歌山市的風景，都幾靚架~~~!! 最愛呢度雖然略為裝修過，但唔係變到大阪城咁現代化，又唔會似姬路城要爬咁多樓梯先上到天守閣，所以都值得一嚟。

睇完呢個咁靚的城，我地就去返 JR 和歌山站攞行李兼坐車入白浜。我地其實去到車站已經大概三點九，先攞咗北口的行李先，然後再排隊買飛，原來由和歌山去白浜坐慢車要 3 個鐘，快車都要個半鐘，最快一班快車係 16:02，同乘務員搞得嚟，都差唔多四點了，好彩佢地比我細佬跑入去攞埋東口的行李先，然後我地就大家跑向月台............. 呼............跑到上車，就已經即刻開，我地真係好驚險，我從來未試過坐車坐到咁趕，上到車幾乎抖唔到氣，幾辛苦....... 坐咗個半鐘頭車，終於嚟到.........

我地一出車站就見到去酒店的免費巴士，又係超好彩，一上車又開車了。要注意係呢架免費巴士雖然會去十幾家溫泉旅店，但只係某啲鐘數先有，其餘時間就要自己坐巴士去酒店啦。

我地住的酒店就係對正呢個咁靚的鉛山灣的 - 三樂莊。

我地一月尾就已經經 Agoda 訂定，包晚餐同早餐，每房每晚都係 HKD 15xx 到，都抵住。Joey 話佢朋友早我地少少嚟，想訂呢間都訂唔到，我先知原來呢間係酒店係咁出名的。

呢度食晚餐分三段時間，為咗方便我地去影日落相，我地揀咗食七點。 酒店餐廳 - 和久わく就係我地住嗰層，好方便，我地入到去的時候，啲嘢食其實就已經準備好晒，賣相一流!!

呢個餐真係好豐富，呢個係魚湯，雖然我唔鐘意食魚，但呢個魚我都鐘意，因為佢啲肉夠結實又唔腥。

仲有呢個芝士雞肉，可惜個火唔夠大，食到尾啲雞肉都未熟晒，所以我就無食到啦........

刺身..........驚腸胃炎.........我都係無食到............

呢幾個小食係紅色碟嗰份芥辣菜最好味，綠色嗰個四方型，味道有啲似抺茶，但又有啲唔似，終之好怪.........最後嗰個試咗的人都話太鹹，所以我都無食......

呢個梅冷面其實我又覺得唔錯，但呢個味真係未必人人鐘意。

嘻~~~茶碗蒸，我最愛的，但如果再濃味啲，仲正~~~!! 其實食到呢度已經好飽，但估唔到原來仲有嘢食未上........

大家都估呢個係甜品嚟，估佢係酒釀丸子啲朋友，但一試，原來呢個個炸蕃薯球......... 我都只係食到半個................真係好飽...............

估佢唔到原來仲有呢個杏汁甜品要上..............呼.............呢餐真係好豐富............

食飽就返房抖吓，沖涼，準備去浸溫泉啦~~~~!! 呢間就係我地的和式房~~~!! 呢間酒店雖然設施係舊咗啲，但地點都服務都唔錯~~~!!  

籌備咗幾個月的日本之旅，今日終於出發啦~~~~!! 我終於可以離開公司出去鬆吓....... 不過出發之前好黑仔，到噚晚都仲病緊，想嘔想嘔咁..........好辛苦.........都有諗過不如唔好去，但比晒錢，無理由唔去咁蝕........所以如常出發，但坐完機場巴士入機場嗰陣，都係轉彎轉到想嘔........ 好彩坐底抖抖好返啲.......我地今次坐 Peach，估唔到咁好彩就撞正 Delay........

本來 00:35 就起飛........結果 01:15 先有得起飛。不得不讚的係雖然遲咗起飛，但我地竟然準時到達~~~

原來 Peach 係泊係關西機場的 Terminal 2，要坐返接駁車去返 Terminal 1 先可以坐 JR 去和歌山。

和歌山我雖然唔係第一次去，但自由行就真係第一次........因為時間尚早，我地先去探 たま駅長先。

去探小玉之前要先要寄底行李去車站的 Locker 先，可惜係和歌山車站北口的大 Locker 只有兩格，我地有三個大篋，唯有將其中一個放去閘入面東口嗰度的 Locker。其實要去探小玉站長只要係和歌山站 9 號月台坐貴志川線去到總站就得。單程要 370 円，但一日要只需 720 円，我地呢啲慳家的梗係買 1 日乘車券啦。

車來了~~~~可惜唔係貓貓列車..........

但原來列車入面都好靚架，印多好多小學生的賀咭畫作架~~~~

呢張就係貴志川線的簡介，全張都印咗好多小玉，超可愛~~~!!

坐半個鐘頭到就到，一落車就見到一棵好大好靚的櫻花，超靚呀~~~~!!

一出車站就到，可以見到小玉，呢度其實好細，有一間小咖啡室同一間賣精品的地方架咋，但就全部都係放晒小玉站長的相，超可愛。

無理由淨係睇完貓貓就走架嘛，所以我一早係香港預約埋係貴志站附近的貴志川観光いちご狩り協会去擇士多啤梨，1500 円任食，由車站行去大概只需 10 分鐘。 今年啲櫻花真係開得好靚哦~~~~~!!

去到的時候，比咗錢，啲職員就安排我地上另一架車，佢會車我地去土多啤梨園........其實都有啲驚，因為唔知佢會車我地去邊，一邊行就一邊諗等陣走咗點行返去車站........

入園前有職員會講解下，然後每人派一隻杯比你入住啲士多啤梨，跟住就可以入去玩架啦。 呢日同我地一齊擇士多啤梨的都係本地人，一家幾口咁嚟的多~~~我估應該好少遊客嚟呢度.........

我咁大個女第一次見士多啤梨花......

其實呢度嗰啲士多啤梨唔算生得好大個，但勝在即擇即食，好新鮮。擇完出返場外就有幾桶水比人洗手洗士多啤梨咁，好方便，食晒又可以再入去再擇。終之就係食到夠先走，我地都食咗三轉架~~~~~!!

  食飽之後就走，職員知我地去車站就教我地點行，其實都係等佢地安排車嚟站我地的，但佢話行會近啲，所以我地就慢步行出去，沿途的風境其實都幾靚架。

哈哈.......我地真係好好彩，今程終於坐到たま電車，真係超得意，連唔愛貓的我都好鐘意佢呀。

出返和歌山市，就要搵飯食先。本來係諗住去食拉麵的，但嗰間拉麵舖的感覺實在太遠，剛巧經過一間食和食的餐館，見價錢都 OK，又有人入去，所以我地就食呢間 - かごの屋。哈哈.......原來真係好多本地人入去食，仲要大部份都係公公婆婆，相信啲嘢食都會好健康。

我同 Joey 都揀咗是日定食，雖然我怕腸胃唔舒服，無食到啲海鮮，但据食咗的 Joey 報告，話係好新鮮。 我自己都試咗少少豆腐，佢係熱上架，仲要加咗啲薑蓉，好香好好味~~~!!!

Diana 同細佬就揀咗呢份大份的套餐，佢地都話好好味~~~!!