patpatrabbit的部落格

我地好快咁就由太宰府嚟到衹園，本來嚟祇園我地係想去埋運河城的，但最後覺得會唔夠時間行，所以放棄咗，淨係去咗櫛田神社。 真係好彩有嚟，原來嚟呢都好靚架~~~ 祇園地鐵站個代表公仔都係抬山笠的人，超可愛~~ 由地鐵站行去櫛田神社大概都要十分鐘~~~ 我地都有係呢度求籤，好彩都係吉~~~!! 呢度其實好好的，佢仲有中文版、英文版同韓文版的籤抽，不過我地為求原汁原味，所以都係抽返日文版~~~ 臨走都買多咗御守比自己，皆因佢呢塊細細的布仔都係博多織嚟架~~ 買完嘢再去睇埋個山笠，真係好大座的~~~~ 跟住我地就走啦~~~坐地鐵返博多行街~~~~ 今日決定要返去 Jelly Beans 買鞋，因為今個 Trip 真係無乜嘢買，仲有錢淨，日元返嚟唱返港元就唔值錢架啦，噚日諗住係 ヨドバシ 買隻錶，都揀唔到，其實我只係好簡單想買隻 Citizen（シチズン時計） 或 Seiko 啫，但隻隻都話有電波功能的，全部都十幾萬円起價.....太離譜了......所以買唔成，咁就一於去買對鞋比自己啦，之前睇過都無心水款，而且好多都變咗 Made in China，早兩日揀唔落手，今日趁有時間再去淘過~~~!! 呵呵呵，真係比我搵到一對 Made in Japan 而又鐘意的，唔好諗，即買~~~ 細佬見我買咗鞋，佢最尾返去咗 ヨドバシ 間 ABC Mart 度買咗兩對 Vans。買完嘢，財散人安落~~~去食飯~~~~係東京大阪週街都係係松屋，竟然係博多係好難搵的，好似要行好遠咁，所以最尾放棄咗....... 咁唯有求其係係博多車站附近度搵食，仲要係食得飽的，因為今晚起碼要十點幾返到屋企先有飯食....... 啱啱見到呢間 博多とんかつ あんず食堂 博多店 細細間都有 Local 人去食，所以我地都決定食呢間~~ 佢係得呢條長 Bar 枱架咋，真係肥啲都坐唔落架............ 我點了個炸蝦，初初以為佢會係一隻隻上，但點知原來佢會變咗蝦餅，但都食到一隻隻蝦仔架，所以都算足料~~~細佬嗰個就係普通炸豬扒，味道都唔錯~~~ 食飽飽返酒店攞埋行李就出發去機場，本來我地呢度去機場係好近的，但因為怕 HK Express 會突然取消咗班機或者提早咗開機，因為呢啲全都係確實發生過，所以真係好驚，都係早啲去機場好啲~~ 本來諗住嚟到機場先再瘋狂購物的，但原來呢個機場的國際線係好細的，真係無乜好買同睇.......最後買咗每次嚟日本都必買的 Royce 同白之戀人~~ 見仲有時間，我又去咗 Cle de Peau 個櫃位度八，本來係想買枝 299 號色的唇膏，試好晒色先話無貨....結果都係買多枝 206 色的，今次真係有排搽~~~~ 最後最後又唔死心，又去睇錶~~~~哇~~~~呢度啲錶的價錢先至合理架喎，大概三萬幾四萬就買到一隻，只係無咗個電波功能咋，差一個零位呀，超變態........ 我最後買咗呢隻 Citizen B612，埋單只係三萬八千円多少少，抵玩幾多呀~~~即刻財散人安落，乖乖等上機返香港~~~ 再見啦~~~福岡我地十個月後再見~~~~ ​

咁就嚟到行程最後一日，我地張九州 Pass 用到噚日已經完成咗佢的歷史任務啦~~~所以今日要自己禁機買地鐵飛。 本來如果自己有車去太宰府係好近的，但由於我地自己無車，足足要用四十五分鐘有多先去到~~今日我地都係無食早餐就出門口，因為我地計劃去拜訪下一家好特別的 Starbucks，佢係由 建築家 隈研吾氏 設計架，真係幾有特式，同一般 Starbucks 真係唔一樣~~~!! 一出車站行無幾遠就就已經係太宰府天満宮表参道，不太難找的~~~ 經過呢間舖，再行前多幾步就會到 Starbucks 太宰府天満宮表参道店。 到了~~~~係咪好有型呢~~~~ 其實佢賣的嘢食同其他店無乜唔同，真係勝在裝修夠特別~~~好彩我地早嚟咋，原來好多人都嚟呢度參觀同食嘢~~~~ 係日本，真係連 Starbucks 三文治都好味過人的，超滿足的~~~ 行多幾步就係天満宮啦~~ 雖然我唔知呢隻牛做乜咁出名，但見人人都摸佢，你睇佢個角同毎鼻比人摸到金晒~~所以我都唔執輸，摸咗一陣~~~ 呢度都真係人山人海，好多人都嚟參觀~~~ 傳聞話呢棵飛梅好有靈性，佢係好遠咁飛嚟搵返主人（即天滿宮主人）的~~~所以呢佢應該係好多歲~~~~ 我同細佬一人都抽咗一枝籤，細佬係吉，我係小吉~~ 除咗求籤，我都買咗個姻緣御守，希望快啲搵到主好人家~~~ 參拜完，表參道的舖先開始開門，最後係 創作ちりめん布遊舎 買咗呢個寫住太宰府限定的袋袋，實在太靚啦~~~ 買完嘢就要離開太宰府去祇園~~~ ​

嚟到小倉啲雨真係越落越大，真係落到連影相的心情都無晒....... 小倉城雖然唔及熊本城及大阪城咁大，但其實佢都靚架~~~ 入到去就會有隻迎之虎歡迎你，呢隻虎真係畫得很有氣勢~~~ 因為呢度唔係一座大城，唔算多嘢睇，好快就可以上到天守閣~~~ 走嗰陣又會見到另一隻虎 - 送之虎，都是很有型的~~ 出口嗰度一家很細的店賣手信，最得意係呢隻 とらっちゃ 超可愛的~~~ 行完呢度我地都有去埋隔離的八坂神社 ，唔知係咪因為落雨，真係差唔多無人........其實我都好鐘意呢個神社........但天氣差真係好可惜....... 因為真係太大雨，我地拿拿臨搵個地方食飯，見 Riverwalk（リバーウォーク）係對面，真係唔好諗咁多，咁大個商場梗有一檔嘢係啱食的。 不過原來呢個商場真係睇落大架咋，選擇唔算多，我地最後揀咗食 ご飯ととろろ とろ麦。 我地初初睇佢個樣真係唔太知佢食乜，以為係粥，但再 Google 下就知原來係山藥嚟~~平時食粥都會落准山去煲，但咁樣食山藥真係第一次...... 我食呢個係黑醋炸雞餐，個山藥仲有三種味比你揀，我揀咗嗰個係紫菜!? 細佬就揀咗明太子...... 呢個炸雞好好味，再配埋佢嗰個煮過的蜜糖，真係一流~~~!! 飯就係五穀飯~~~雖然叫咗細碗，但份量都唔細.........隔離的就係細的山藥~~ 確實係滑潺潺.........我唔知正確食法係點，我自己就用嚟撈飯......第一口覺得好似有少少怪，但食落又覺得唔錯...... 我而家都好記得個咋雞味同山藥嗰個滑潺潺的質感~~~好想再食哦~~~~ 講真，嚟咗咁多日我地無見過 ABC Mart 同 GU / Uniqlo，平時呢幾間舖真係總有一家係左右，但嚟咗四日一家都見唔到，本嚟諗住返去博多先搵，但唔到係呢個 Riverwalk 終於見到一間 ABC Mart。雖然都睇中咗對 Minnetonka 的平底鞋，不過心大心細，最尾無買。返而細佬係 Columbia 買到件背心。點解要係日本買 Columbia!? 因為日版的款係同香港賣的唔一樣架，呢邊賣的型啲架~~ 真係好衰.......我地一係商場出返嚟就出太陽了.........不過我地都諗住返博多了........ Bye Bye 小倉~~~~因為覺得呢度無乜好行，所以我地下次都未必會嚟 lu........ 因為細佬話可以 Skip 咗去福岡 Tower 呢個景點，所以多咗好少少 Spare Time, 我地決定返博多搵 GU。原來佢係我地酒店的反方向係有一間的，就在 ヨドバシ 的 Building 3/F，連 ABC Mart 都有一間~~~!! 不過今期 GU 今期真係無乜好嘢，我一件都揀唔啱..........細佬就揀到件線衫....... 跟住路過博多車站，咁啱見到我最愛的品牌之一 - 靴下屋，返正有錢淨，入去消費吓先~~ 跟住返酒店放返低啲嘢，我地就出發去天神行下順便晚餐~~~ 本來諗住早少少出天神去睇睇 MERCURYDUO 啲衫，但真係揀唔啱.......返而行行下係 ROSE BUD 買到件冷衫~~~ 跟住等到差唔多夠鐘，我地就開始搵屋台的大長征~~~~初初跟住旅遊書的地圖真係完全搵唔到，我地搵到灰心意冷時，竟然比我地係天神三越的對面馬路搵到~~~!! 一場嚟到梗係要試下呢度的屋台文化啦~~~ 其實似係細細的大排檔，感覺又有啲似深夜食堂咁啦~~~ 我地揀呢間叫喜柳，揀佢係因為書都有介紹，咁應該安全~~~ 蛋卷~~~~超正的~~~~!!! 呢個炒野菜都好有鑊氣~~~ 我同細佬最愛係呢個明太子炒飯~~~~好惹味，而且係新鮮熱辣炒出嚟，勁好味~~~ 返而呢個人氣推介的餃子，我又覺得麻麻地，下次我會叫返原裝的餃子~~~ 食飽都成八點，天神好好多舖都開始 Close 了，唯有返去再戰博多車站~~~ 紅色嗰個士多啤梨手信好好味，個個都讚~~~~ 呢個其實係北海道特產，BB 之前請過我食，我知好味，所以買咗一盒比自己~~~ 買嗰陣以為呢個係薯片，點知原來係蕃薯片，好在阿媽都 Like 蕃薯的~~~佢勁有蕃薯味，好香，又夠脆，連我唔愛蕃薯的都鐘意佢~~~ 呢個純粹因為阿媽而買，得佢鐘意食呢啲軟淋淋的嘢............. 我自己就係 Family Mart 掃咗呢啲~~~~都唔錯~~~~!!  

以為前日係由布院已經夠凍，點知原來今日仲顛......... 之前聽阿蘭同囡囡佢地講，話日本便利店的飯團好好味，所以我地今日的計劃係買飯團係車度食...... 點知我地架車係自由席.......而且完全唔見車上有人食嘢，我地唯有攞住個飯團同熱飲由博多至門司港，我地枝嘢飲都由熱變凍了.......早知嚟到先買早餐....... 一出門司港真係大風到暈，完全係可以吹跌我的風速........但都要搵個地方食咗嘢先行......啱啱門司港站裝修，無地方可以坐，我地唯有去咗路邊巴士站度坐，完全食晒風，真係頭又亂，手又震......務求求其食完快啲走.......個飯團好唔好食呢!? 其實真係一般囉，唔係特別出色都唔係特別差...... 今次嚟門司港最主要係我細佬嚟 九州鉄道紀念館。佢雖然係門司港站隔離，但行嗰去都凍同食風，而且列車都係泊晒係室外的，真係好凍..............仲要落雨........... 一入去就係泊車的地方，架架都有佢自己的特色，都保養得幾好的...... 因為真係太凍，我地都係每部車影一影就入去室內展館睇~~~呢度有暖氣，可以慢慢行，同埋呢度都多嘢睇，佢真係收藏咗好多舊的鉄道相關用品，同埋有好多車的相，連最新的 EVA 列車都有相~~ 最得意係呢度有得試駕電車，今日係一百円可以駕駛兩個站，都真係唔容易玩的......... 呢度所有賣的手信都係同列車有關，都幾有特式的。 因為又大風又落雨我地無係門司港度久留呢，睇完呢個我地即刻坐車去小倉~~ 小倉城唔係係正車站附近的，要大概行十幾二十分鐘，沿途仲要唔算多嘢睇，最驚喜係比我地見到間藥房，其實都好想慢慢行，慢慢研究下，但都係嗰句，為免我弟弟太無聊，我都唔敢睇太耐，呢埋就係我求其買的嘢，我完全唔知佢好唔好用的.....見呢隻 Mote Mascara 寫住日本一，咁應該唔差吧...... 呢個會發熱的暖貼真係好用，我用嚟幫我放鬆返條腰的肌肉，效果唔錯......貼住嗰陣真係舒服啲~~~ 買完嘢再行多五至十分鐘就到小倉城，不過雨就越落越大...........

回程時就係買手信的開始~~~~細佬話呢間專賣豆的舖頭（豆吉本舗）好得意，所以入咗去望，原來入面真係好細，但真係全家賣豆~~~ 最特別係綠色嗰隻豆，細佬試試嗰陣話個味好特別，好似有啲果汁係入面咁。因為我早餐食得太飽，我就無試啦，但見佢寫住由布院限定，唔好理啦，照買咗先。返嚟開咗嚟食，原來係有少少青檸味咁，又真係好似少少果汁咁，總之個味好特別，值得一試的。另外佢個明太子味豆豆都好好味~~~!! 本來呢間 Yurari 係諗住噚晚買返酒店食的，但因為太大雨無去搵，唯有而家買上車食~~書話他家的布甸係用返呢度出產的牛奶同雞蛋做，而且無家人造色素，而同係車站前一條街而已，咁返正都路過，一試無妨啦~~~ 細佬揀咗呢個咖啡味的，入口確實好滑，而且好濃咖啡味~~~~絕對值得推介呀~~~細樽嗰個係焦糖嚟，愛甜的可以再加，但其實唔加都已經好好味~~~ 我地由由布院出嚟的時候又開始落雨，今日都係一宜無停過，我地先返酒店放低啲手信，然後又出去行街，總唔能夠完全唔出去的嘛~~~ 出到天神仲要越落越大，不過都無阻我地搵 AKB48 Cafe & Shop 的決心，因為作為 AKB 粉絲的細佬一早指定話要去呢度，初初仲話要去埋 HKT48 的劇場，不過因為行程夾唔到，今次要 skip 呢個景點...... 不過呢間店地點確實有點不好找，不過呢個世界有偉大的 Google Map 真係邊度都搵到啦~~~ 呢間舖都唔係好大，賣的嘢都唔係好多.........不過足夠吸引各宅男啦~~~~~ 本來諗住係度食個輕便的下午茶的，但呢度啲嘢食選擇唔多，連最簡單的三文治都無........所以最終乜都無食......... 本來細佬話乜都唔買，我費事佢走咗又後悔，點都叫佢買一兩樣走，而家十二月出咗聖誕精品，點都揀啲啦~~~ 買完細佬啲嘢就去買我的嘢~~~ Cle de Peau 係我今次的目標，佢的唇膏真係超好用~~~仲有個洗面膏都好好用，洗完感覺真係好清爽而且又唔會乾到忟住忟住~~~ 本來我想再睇下啲聖誕新出品，不過細佬好似好無聊咁，所以都係算，買咗必需嘢就算~~~~ 跟住其實都無乜嘢做，於是我地就上咗岩田屋同三越上面行下，比細佬買到一個博多織的散紙包~~~都幾靚的~~~但唔好問我乜嘢係博多織，因為我都唔識......... 佢搵到鐘意的嘢，我都搵到~~~~呢度竟然有我最愛的 Sanrio，不過呢個櫃位唔算大，而且好少 My Melody 款，不過都比我買到想要的東東~~~ 日本版的 Sanrio 連個袋都係靚啲的，最開心係 Sales 姐姐特登配返個 My Melody 小禮物比我，真係好細心!!! 行完都仲係時間尚早，於是細佬再去埋金子眼鏡，呢間真係唔係特登搵，純粹路過，原來它家賣的係手工眼鏡，加上係日本製，更加得我細佬歡心啦~~ 不過呢度配鏡片的話要三至九日，視乎你揀邊個牌子的鏡，而且個鏡仲貴過個框，加上我地留係度唔耐，所以都係淨買框，返嚟香港再配鏡~~~ 買完鏡都只不過係五點幾，不過今日無食午餐，所以早啲食飯都唔緊要啦~~~~嚟到博多，點可以唔食一風堂，雖然係香港都已經食過唔少次，不過一場嚟到都要試下有無唔同的......... 又落雨又凍，我地無再行去大名店啦，求其見到 西通り店 就入咗去。 其實味道同香港店的味道分別唔大，不過佢好似無一蘭咁重味精，搵日去香港店再食過先~~~ 我地之後都落咗去天神地下街行架，不過呢條街真係太長，舖頭太多，但又無乜嘢想買，所以行咗一陣就決定返去博多行 AMU Plaza 同 阪急。 最後又買咗少少手信返嚟~~~~ 因為今日早食飯，所以決定買宵夜返去食，其實我都好鐘意食布甸，但無理由又食架嘛，所以今晚決定食牛角包~~~ 呢間 il Forno del Mignon 我地真係無論咩時間行過都見到佢有人龍的，見人人都每個味買六個或以上的，初初都好驚我地買得少佢唔賣，每個味六個我地真係食唔晒........好彩原來就算買一個都係照秤計，所以我地每個味買咗一個返去試~~ 雖然買到返酒店已凍咗，不過仍然係好鬆脆，而且兩三啖就食咗一個，完全唔 Heavy，難怪啲人買住幾袋包走~~~

吹住超級凍的冷風食完個 B-Speak 就要繼續出發啦~~~行行吓見到一家 どんぐりの森 呢~~ 呢度門口仲放咗隻好大的琪琪貓同一隻超大的龍貓，勁可愛的~~~~不過呢度賣的東東其實同其他龍貓店賣的都差唔多，所以我地只係入去轉咗一圈就走~~~!! 再行多無幾遠就見到 鞠智，我真係完全唔記得咗點解要寫佢入行程，不過既然嚟到，見佢又幾靚，都入去睇下啦~~~ 真係好彩有入去，我地係度買咗好多手信~~~ 我自已覺得最特別係佢的果醬，佢竟然有開心果果醬呢，我真係第一次見，我地仲買咗白桃果醬，細佬都買咗 Cafe Latte 味、蘋果紅茶味同檸檬薑味的果醬返嚟做手信。 跟住而家返嚟睇返旅遊書先知，原來書係介紹佢的豐後牛炸肉餅~~~!! 呼........今次無食到，唯有下次再嚟食~~~~ 其實呢真係好靚好舒服架~~~絕對值得再嚟~~~~ 今次我地都只係大概行咗一圈，都唔夠時間行 湯布院フローラルヴィレッジ ........嗰度有好多歐陸式小屋，好靚的呀~~~唔怕~~~十個月後再嚟~~~!!

繼噚晚嗰份超飽的晚餐之後，今朝再嚟一份超大的早餐...... 呢度只係頭盤嚟..........佢仲配咗白飯同麵鼓湯......... 呢個我真係食唔出係乜，但清清淡淡，味道都唔錯的~~~ 呢個三文魚雖然係整熟咗，但一啲都唔腥，我都可以成件食晒~~~ 但白飯我就真係食唔落啦，從來我都無食咁大份早餐的，今朝真係食到頂住....... 因為 金鱗湖係田乃倉隔離，所以我地食飽就直接出去行，唔駛五分鐘就到了，不過今日陰天，見唔到佢閃閃發光的景象啦...... 行出去嗰下真係有少少擔心，因為似無路行........ 但好好彩今日無落雨，仲見到少少紅葉~~~~ 天氣真的一般般，而且今日凍咗好多...........體感大概只有五、六度........不過呢度真係好平靜，好舒服~~~ 仲有一家細細的美術館~~~不過無乜嘢睇，我地無入去啦~~~~ 然後我地沿住金鱗湖邊一路行~~~ 因為真係太凍，所以入咗呢間 由布院の浪漫　硝子館 取暖~~ 比我地係度見到啲 Made in Japan 的頭飾，價錢都唔算過份，所以買咗少少返嚟做手信，可惜比錢嗰陣，佢收返晒嗰啲 Made in Japan 的吊牌........唉..........早知係咁就唔買佢啦........ 買完嘢就行返酒店攞行李加 Check out，今日唔落雨，終於可以影吓田乃倉的庭院~~~ 走時，酒店仲車返我地出車站，呢間旅館真係好好，我估下一次我地都會考慮住返呢度~~~!! 好~~~正式開始我地 湯の坪街道 之旅，首先要搵 B-Speak 先，這家是這裏的超人氣店，上網搜集之料時，都見好多人話晏去就無晒，要預訂第二日去食。所以我地第一站就係去搵呢家先，真係好彩早一步入到去，我們入店時只有三四人排隊，我們買完時，就已有廿幾三十人在排隊中.........超誇張的......... 因為食咗個超大的早餐，我地買咗件三分一的原味嚟 Share~~~淨係個包裝都已經好靚~~~ 每個佢都會有包小乾冰，可以保存兩個鐘，不過我地選擇即場食啦.....果然真係超滑~~~而且好香~~~同一般香港食的卷蛋唔一樣呢~~~真係值得一試~~~!!

為咗要一嘗鉄路便當的味道，我地特登無係熊本食午餐，而係撰擇係熊本買便當然後係 ゆふいんの森 度食~~~!! 因為由熊本入去由布院大概都要兩個鐘，所以絕對有時間食飯盒~~~ 由熊本去由布院要坐 ゆふいんの森 就要先去久留米轉車~~~ 好彩轉車時間唔算太緊，可以慢慢搵慢慢等~~~ ゆふいんの森 真係好有型，個樣成個渣古咁~~~ 其實 ゆふいんの森 3 號同 4 號係靚啲啲的，不過我排行程的時候無為意，而家我地坐呢班係 5 號，無咗觀景位同賣便當的 Counter，不過內裏都企理同乾淨的~~ 我同細佬今餐就係食呢兩個便當啦~~~ 揀呢個熊本熊樣的飯盒係為貪佢個樣，本來諗住食完洗返乾淨佢帶佢返香港，不過最後諗諗下都係費事攞多樣嘢，而且返到香港又都未必用，所以最後都係掉咗........... 但其實佢個味道係唔錯的，而且飯的量都好夠，只可惜係凍咗...... 今日由我地離開熊本時就已開始下雨......嚟到由布院仲大雨......... 嚟之前我同酒店約好咗叫佢出嚟車站接我倆的，點知去到車站都唔見酒店的車喎........企咗一陣都唔見人，最後忍唔住要打電話...........我估佢係唔記得咗........好彩佢都好快嚟到接我地......... 真係好彩有叫佢嚟接我地，可能係天氣黑，我地覺得佢入去條路好難認，雖然只係短短十幾分鐘的路程，但我同細佬都無信心自己可以嚟到......... 今次訂呢間係 旅亭 田乃倉。貪佢係正金鱗湖隔離，諗住第二朝去的時候唔駛行咁遠~~~!! 我地一嚟到，已經見女將（即溫泉旅館話事人）係門口迎接我地，跟住佢帶咗我地入呢度坐，同上咗熱毛巾同熱茶.........真係多得佢條熱毛巾我個身先快暖咗，因為成個下晝都落雨氣溫凍咗好多........ 呢杯其實似湯多啲茶飲落鹹鹹哋又有少少腥腥地，怪怪的~~~ 我地坐咗一陣之後，女將就安排咗一個女仔帶我地上房，上房前先要記住呢個地圖，如果唔係會行錯..........我地住的係田乃倉，但其實係佢另外兩家旅館 山灯館 同 なな川 是連住的，三家旅館共用四個溫泉~~~ 我地今日住二樓的喜峰の間，女仔浸的金鱗の湯就係樓下，超方便~~~!! 但男仔就要行遠啲啲~~~~早上旳話調返轉，金鱗の湯就會變成男仔用的池了~~~ 我們的房間~~~~ 8帖＋6帖 2間 内風呂付 都幾企理架~~~~!!! 服務員姐姐會講解一次所以有嘢，然後再問我地幾點食飯食早餐咁，佢真係好細心，仲有問埋我地有無嘢係唔食得，我就同佢講我唔食魚生的.........佢記錄底之後就放底咗呢個熱茶同羊羹就出咗去了。 沖涼的地方都好四正，有齊晒所有用品~~~ 本來想去山灯館個手信舖望望的，因為佢送咗張優惠卷，但最終都係因為持續的大雨而放棄咗..........乖乖係房等食飯........... 呢度真係好認真，仲有餐單的~~~ 呢道有帶子同菇菇，仲有少少菜做成，好好味~~!! 呢度菜其實有好多嘢，有啲連我自己都唔知係乜，但都係好好味~~~ 本來我同佢講咗我唔食魚生，我估佢唔會上比我，佢比呢碟魚生我時我有少少吃驚........但原來隨後佢再上咗細鍋比我，原來係叫我自己整熟佢嚟食，咁貼心的服務真係第一次，好感動呢~~~~ 初初以為呢個係清湯，但原來係係個蛋下面收埋咗舊魚........唔係魚的我初初有啲擔心佢腥，但原來一啲腥味都無，再加埋啲熱湯，我真係成碗食晒~~~ 呢個呢......我就唔鐘意了.........佢似係年糕咁的質地，呢啲好難消化，我都唔敢食太多...... 食到呢度其實已飽，但無理由唔食呢個豐後牛~~~~呢個真係好好味，自己係石碟上燒，鐘意幾成熟都可以，佢真係好滑無筋~~~大愛呀~~~!! 食完牛仲有豆乳布甸涼返下~~~~ 當你以為食完時，點知佢又嚟咗個野菜卷魚，都係唔腥的~~ 飽到上心口時仲要嚟個飯同麵鼓湯，超飽~~~!!! 但不得不讚佢的腌菜真係做得好的~~~~!! 飯後當然仲有甜品啦~~~~ 呢餐飯差唔多食咗個幾鐘，完全可以媲美法國大餐。等消化咗啲，大家都各自落去浸溫泉囉~~~~​

今日因為要去由布院，所以要早啲行晒上午的行程~~~今朝的行程係去熊本，因為所有的車飛噚日已係 JR みどりの窓口 換好晒，所以可以安安落落食個早餐先~~~ 今朝早餐係博多車站的 Seattle's Best Coffee 度食，其實都唔錯，不過如果佢會幫我整熱返啲包會更好~~~!! 食飽就坐到夠鐘上月台就可以，我地攞住 JR Pass 的，唔駛入飛，直接比個 Pass 同車票比職員睇就可以去月台了。 我地 新幹線さくら４５１号 由博多去熊本，大半個鐘就到，好快的~~~!! 新幹線的列車真係好有型~~~!! 嚟到熊本站，我地要再轉市電 A 系統先去市役所前站然後再行入熊本城，好彩呢啲電車都快，大概 6 - 10 分鐘就有一班車。 落咗車之後就有指示，所以都易行， 去到城門附近仲會見到加藤清正公像。 熊本城 ，外表是很漂亮的，但內裏的展品感覺比大阪城還要小........ 不過一場嚟到都要上天守閣望望的.......... 係天守閣落返嚟之後，我地都去咗本丸御殿度行，我反而覺得呢個做得出色，不過如果佢可以加返啲地氊而唔駛客人行膠墊咁會好啲啲，而家似行緊石春路咁，吉到隻腳好痛......... 成個本丸御殿最靚係呢個以前城主要嚟見家臣的地方........超大的.......... 越近城主坐的位置越見金碧輝煌~~~ 呢個係茶室~~~ 睇完呢個本丸御殿，我地就離開熊本城去 桜の馬場 城彩苑。佢有接駁車去熊本城架，不過兩者其實相距不遠，行過去都好近，而且我地比預定的時間更早行完熊本城，所以可以慢慢行過去~~~ 其實呢度係做到幾懷舊的，街景都係模仿以前的日式建築~~~ 行過 天草海食まるけん 比佢個 うにコロッケ（炸海膽餅）吸引咗，其實唔係想像中咁好味，因為佢唔夠想象中咁多海膽同甜，不過不失咁啦~~~ 另外我地都買咗呢個，不過未開，唔知有無海膽味......... 係呢個城之彩苑行完一個圈都未夠鐘搭車去由布院，所以再去香梅庵食咗呢個芝麻饅頭同牡丹餅。原來牡丹餅入邊係包飯的......... 今日天氣好唔穩定，陰陰天落落雨的，係呢度飲杯熱茶食件餅仲可以嘆住暖氣，真係唔錯的選擇呢~~~ ​

今次的旅程早係大半年前已計劃定，見 HK Express 做八折時買定的平機票，但買完就驚了........因為見佢有好多負評，除咗話有 Delay 之外，仲有回程機可以突然間早咗兩個幾鐘頭開，而無通知客人的（此乃我們客人的親身經歷）........總之越臨出發時間，聽得越多呢啲..........搞到我差唔多日日都要入去佢網站查佢航班時間有無改........佢搭唔搭得過真係見人見知............ 去九州除咗機票，車票都係預早準備定好，因為一落地就可以換車票，可以慳返少少時間。今次我張三日北九州 Pass 就係幫襯東瀛遊買的，好似有九折，但佢地唔收信用咭，一定要比現金或 EPS，訂咗之後大概一星期就可以攞~~~!! 因為 Pass 只可以連續三日用，所以一定要諗清楚行程，計清楚車費先買哦~~~!! 我地今次塔 12:50 的機出發，去到福岡已要五點了。因為買嗰陣只有呢班機，所以無辦法，點知我買完機票後一星期左右，佢開多一班飛朝早 07:30 的，我打電話想去改早一班機時，HK Express 的客服態度真係好差，而且改機票仲要加錢，費用係唔平的，所以最後無改到。但對呢間 Airline 的印象真係麻麻地。 今日我地都特登早少少去機場，驚佢臨時有嘢改，另外仲要搵我同 Joey 上次搵唔到的 Longue。 今次終於搵到，原來 American Express 呢個 Longue 係 40 號聞附近再上一層電梯就見到。雖然 American Express 係自助餐，但因為呢度坐位好少，而且我地都趕住去閘口，所以淨係攞咗兩枝水就走咗............ 因為飛機上係無餐食的，我地食咗個早餐就出咗門口，係機上個肚就咕咕聲係咁叫，不過都要忍~~~~!! 好彩由機場去酒店好近~~~!! 福岡國際航廈要先坐接駁巴士去國內線航廈先可以坐到地鐵出博多站，所以記要預多少少時間。 我地今次住呢間 Hakata Green Hotel No 1，佢位置勁好，真係 JR 博多站筑紫口二至三分鐘路程，附近仲有兩家 Family Mart 超方便~~!! 房間雖然有啲暗，但勝在好 "四正" 又企理，下一次嚟，我同細佬都會訂返呢間~~~~!! 因為真係好肚餓，Check-in 完都已經六點幾，拿拿臨洗個面就去一蘭食個拉麵，朝朝聖先~~~!! 一出博多車站，勁靚，超有聖誕氣氛~~~!! 除咗啲樹圍晒 LED 燈之外，仲有好多啤酒同外國嘢食攤位係博多站，超熱鬧的~~~!!! 今次近近地去サンプラザ地下街内的一蘭分店，因為佢係正博多車站對面，很易搵到~~~!! 一蘭的麵真係一如既住的好，大愛~~~!! 呢間一蘭隔離就係 マツモトキヨシ，要買藥品真係一流~~~!! 今次因為要幫同事買埋嘢，順利買過一萬円，可以退稅，不過而家的退稅包裝真係令我好難 Pack 嘢返屋企....... 食飽就有氣有力行街啦，趁阪急同 AMU / AMU East（JR Hakata City）。一入去就掃絲襪先，本來想多買一樣 Vivienne Westwood 的 Leggings 可惜見唔到......最尾我買咗一對 Vivienne Westwood 同 Lanvin en Bleu 的絲襪。 臨比錢時，姐姐問我有無優惠卷，我話無，佢即刻幫我去咗攞一張九五折優惠卷返嚟，又平咗，而且仲可以用到七號，超好服務呀~~~!! 跟住一上電梯就見到 Burberry Blue Label，未嚟之前已見代購賣的頸巾好靚，一早已計劃要買一條自用，估唔到咁快見到，仲要買到我最愛的桃紅色~~~!! 其實今次都諗住去 Lanvin en Bleu 買返個銀包，但 AMU Plaza 呢間店太細，真係無乜款好揀，所以買唔到。之後落咗超市買宵夜，最後揀咗 Morozoff 的布甸做甜品，真係好味呢~~~!! ​

見 3T 咁愛食牛，我地來台這麼多次也沒有試過牛肉麵，所以今朝計劃是去食牛肉麵的，但細問之下原來 3T 是不太愛牛肉麵的肉，所以我地就打消咗呢個念頭，改為再去雜誌瘋入貨，因為我地噚晚睇雜誌嗰陣發現到其他筍嘢，所以今日要再去尋寶~~~~

呢本 GLOW 6 月號送的 Wedgwood 手提袋質地超靚~~~~

其實我都睇中咗 MUSE 的六月號，不過佢賣淨一本，所以我讓咗比 Joey 要先~~~ 買好嘢我地就由西門町行去台北車站~~~去到台北車站，梗係買手信先啦~~~~ 今次我終於狠下決心要買阿默蛋糕~~~!! 我今次買咗千層蜂蜜蛋糕，果然好軟滑同好香蜂蜜味~~~~超正的~~~!!

跟住見佢出咗新嘢，個樣好似馬卡龍，本來諗住買返公司做手信的，但結果一盒大，兩盒細都落晒我地個肚囉.......

呢個新出品就係達克瓦茲騎士~~~~

其實佢只係個樣似馬卡龍，但到食入口呢，佢個面同底似泡芙多啲~~~~

因為阿媽鐘意食蝴蝶酥，所以都買咗呢個餅比佢，但佢都話唔及東京的 Ginza West 的樹葉餅好味!!!

買完嘢就上去台北車站二樓食飯，因為真係無預備係度食飯，所以求其入咗小南門度食~~我地點了三個餐，所以可以揀三個小菜，最好味係嗰個拍青瓜，炆菇都唔錯，最淡口就係嗰個豆麵...............

3T 點的牛肉飯都唔錯..............我的排骨飯都唔錯，只係食咗一半先醍起唔記得影相..............

呢個係跟餐送的湯.............淡到好似水一樣............我要加鼓油先飲到..............

這個 Joey 點的餃子超大隻!!!!!!! 還要是一碟十隻呢~~~

食飽飽見仲有時間，我地去埋京站行咗陣就走了~~~~!! 返到酒店仲有時間去個廁所，司機都好準時，我地三點就離開酒店向機場出發啦~~~~ 不過司機去到一半話肚痛，，我幾驚佢不停痾............嗰時我真係唔知點算，因為我兩都唔識駕駛的呀~~~~ 好彩最尾都順利都機場............本來今次難徥坐長榮，真係好想坐一次 Hello Kitty 機，但訂時先知原來 Kitty 機唔係日日有，咁都算啦，諗住都無緣坐到，點知買完飛幾日後，Joey 收到長榮的電郵話因為班機調度的問題，我地回程嗰日係無 Kitty 機提供，但機內仍會提供 Kitty 用品............ 我地就諗訂嗰陣都知唔係 Kitty 機，所以都覺得無所謂................. 但點都估唔到，我地的機票都係有 Kitty 架!!! 連寄行李嗰條帶也是 Kitty 的~~~

 

Check In 櫃位也是 Kitty~~~~

Self Check-in Kitty Counter~~~

 

 

入閘後也有一家 Sanrio 專門店~~~~

 

因為價錢同港賣的差唔多，所以無特別消費啦~~~~之後去到登機口!!! SURPRISE~~~~~~~~~~~~Kitty 機出現了~~~~!!

以前聽人講，坐 Kitty 機記得要問空姐攞 Poker，因為不用錢也是 Kitty 樣的，但現在是空姐在入口處派啦~~~不用問了!!!!

耳筒也是 Kitty 袋入住的~~~~

Kitty 安全須知和嘔吐袋~~~

Kitty 頭墊~~~

Kitty 行李帶~~~~

飛機餐的餐具餐紙也是 Kitty 的哦~~~超開心~~~~~~~!!

今次旅程雖然短同埋唔係去咗好多地方，但因為係同好朋友一齊玩，所以好開心~~~~!! 有時給自己空間，出走一下真的是需要的~~~~!!果然~~~"休息，是為了走更遠的路~~!!"

跟 3T 在酒店滙合又抖夠以後， 我們便出發去食 High Tea 囉~~~~ 去到中山站 3 號出口一出走沒多遠就見到源吉兆庵~~~~佢地出咗香蕉蛋糕呢~!!!!仲話有得試食喎，就是這樣我們很不客氣地上去試食了~~~~

本來以為應該都是試食少少的，但估不到會是每人一件蛋糕上的，還有熱茶奉上呢~~~~!! 超意想不到!!!!!!!!

這裏果然熱推這個芭奈奈，因為連張椅都變了香蕉了.........其實這個芭奈奈吃起來是根本東京那個香蕉蛋糕一樣的，雖然很想買一盒回港，但因為它的保質期太短了，所以最後都沒有買。它其實還出了一款芒果的，說是用台灣的芒果來做的，味道比香蕉還要甜，那就更不用考慮了，因為家人而家少食甜點~~~~

在南京東路西路來來回回的，終於找到了目的地 - Smith & Hsu。

這家連個門口也很有型呢~~~~~~是大的木趟門呀!!!!!!!!!

內裏雖然是黑黑的，但感覺很有書卷氣息，因為全店都是書櫃呢~~~~而且沒太多人的，環境很舒服~~~!!!

選好位置以後，職員便送上一盤茶，要係接近五十款茶中，選出一款自己喜愛的真係絶不容易，尤其有選擇困難病的我，真的覺得這個也好，那個也不錯~~~~

選來選去，還是覺得揀英茶最穩陣~~~~

 

我們選了一個日不落經典套餐，再加了一份 Scone 和一份香烤雞腿水果沙拉~~~~!! 看著這個茶餐感覺好像很細份似的，所以才點了這麼多，但原來吃下去是很飽的........我估令我們最飽的應該係 Scone，但呢個亦是最好味的，配合他家的醬，而且 Scone 是熱辣辣的上，超好味的!!!!

這個雞腿沙律也是很好味的，雞肉很嫰滑，菜也很鮮，都值得推介，但真的很飽呢~~~~

食完呢餐真係一路頂住...............去到花博公園的 Maji Maji 市集都仲頂住，可想而知剛吃的一餐是多麼的「漏」，我估最厲害應該是那個 Scone........... 見到這隻紫色的東東就到了~~~~一入去有很多賣即製食物的攤檔，可惜我太飽了，完全不覺得吸引........

經過食物檔，再走入一點點，就是賣衫和飾物的舖，其實這裏地方不大，很快便行完，賣的都說不上是很特別的東東.........

走了一圈，最能對上眼的就是這家賣皮製飾品的，我個 Joey 每人各買了一隻回來~~~~

我本身鐘情那綠色的，但耐何錄色拼上我黑色的頭髮上真的不顯眼，所以最終還是要了橙紅色~~~~

其實我很想在薑心比心買一枝沖涼液回家，因為這家賣的全是薑製品，而且好似好天然似的........但考慮到行李應該已好重，最後放棄咗，下次一定要帶一枝回家試試~~~~ 花博公園的招牌還在呢~~~~~

今天真的熱到暈............明明天氣予報說這幾天會下雨的............怎料連續兩天都好熱，今天直情出太陽...............熱到呢............

剛巧見到捷運站前有家便利店，再想找找那台灣版的 M&M，所以我們去了車站的另一邊~~~~ 真的好彩有走過來~~~~原來這家花花邦妮在這邊呢~~~~

它絕對是一家不起眼的舖，如果你沒有吃過它家的爆谷真的會不知道它是賣什麼的~~~它家的爆谷很脆很好味的呀~~~~我買了一罐焦糖的給自己~~~~

 

要讚的是它罐頂的封頂膠紙，吃完以後可以再封返，很存氣的~~~~讚~~~~!!! 因為都算早行完，我同 Joey 費事返酒店齋坐等食飯，所以決定到酒店對面的遠東百貨逛逛~~~ 竟然給我在這裏的 Starbucks 看見櫻花杯和梅花杯呢~~~~美美的~~~當時嫌太重沒有買.......現在有點後悔了.........

逛完星巴克，我們再落去遠東百貨的超市八下~~~ WOW~~~~這裏有很多外國裨子的嘢食賣呢~~~~ 我都買了幾款在香港比較難找或難買的來試試~~~~

買好嘢，返酒店放底，然後去遠東百貨的 FOOD COURT 食飯~~~雖然選擇都唔少，但我地一早揀定去朱記啦~~~

之前坐捷運回酒店時 3T 已跟我們說，她的台灣朋友告訢她，朱記餡餅粥店在台是頗有名的，連本地的台灣人都讚她家的餡餅好味~~~ 連台灣人都讚好味，咁我地當然要去試試啦~~~~確實這家真的算旺，我們也不是一到便有位，就算坐下了，也不停見到有人來或買外賣，所以我們更信這家會是好味的~~~~

但因為今日晏晝嗰餐食得太好，而家真係唔多肚餓........所以只派咗 3T去試呢個餡餅~~~~~她點的是牛肉餡餅，見她邊吃，肉汁一路流出來，感覺超正的~~~~下次再來台，我都要試哦~~~

這家的炒清菜，湯麵，同蝦肉雲吞湯都好好味，湯底做得好好~~~好清好有鮮味，而且唔似加了味精，因為飲完沒有口乾，所以這家我絕對推介呀~~~~~

食飽飽後，我和 Joey 繼續去屈臣氏掃 SOFINA 因為剛在酒店房收到追加的訂單~~買好就再去雜誌瘋~~~這裏是我覺得最多日本雜誌賣的地方，而且夠新，又平，最緊要是我弟有會員咭，還能再打折~~~!! 呵呵呵呵~~~~因為還我在這找到 My Melody 40 週年的紀念特刊 - 一直可愛的秘密，雖然送的那個袋質量一般，但淨係睇 My Melody 都夠可愛啦~~~

剛巧見到 オトナミューズ Muse 5 月號送的 Adam et Rope 袋仔雖然細但質量超好的，所以都買了一個~~~

雖然好衰，但本雜誌真的太重，不方便拿回來，所以只帶了手袋走~~~~

本來計劃今次係 HEA 遊台北的，但淨係噚日的行程已令我們累死了..............加上噚噚訓得唔好，今朝更攰.......... 因為大家都訓得唔好，所以大家都早起，3T 忍唔住落咗街買早餐食，我地就等到 Mister Donut 開門才出門口。 出門口時才發現原來我們樓層有隻這麼有型的熊仔~~~~ Cute!!!!

酒店對面街有家康是美，估唔到咁早佢就開咗門，所以我地入咗去八~~~ 一入去就見到曼秀雷敦的 SKIN AQUA 產品買兩件第二件有六折..........Burt's Bees 的潤唇膏直情買兩件六折，這麼抵怎能不買呀~~~~我們倆剛好一人一件~~~~!!

以前在西門町捷運六號出口附近有一家很大的 Mister Donut，現在沒有了，只有捷運站這家..........

今天我選了吃這個朱古力波提~~~~~真的是一樣這麼好味哦~~~~希望香港都可以快啲有 Mister Donut~~~~~!!

因為打算買點地道點的手信，所以想去廿四小時營業的家樂福走走，這裏夠大，應該有我們想要東東~~~~ 唉.........由西門町行咗大概十分鐘終於到咗桂林街的家樂福分店，不過最後係好失望，乜都買唔到就走咗。這家不是不夠大，而是賣的產品選擇不太多，本來我們想像的是像首爾的樂天超市似的，但而家的感覺似百佳 Superstore 似的......... 因為什麼都沒有買又太早行完............真的沒什麼好做，於是我倆又走回西門町繼續尋找一條根之旅，另外仲要買手信..........因為係家樂福買不到.............. 今日天氣真係好熱..............因為落不出雨，又熱又焗，我地行晒西門町的三家屈臣氏和大部份便利店...........熱到 Joey 都忍唔住要買返杯白苦瓜汁飲..........

不過辛苦係有價值的~~~~因為我地終於買到我地想要的東西啦~~~ 走訪了三間屈臣氏，我才買到五片用開的一條根............還要是走到最後一間武昌街新開的才買到..........在這裏遇到個很好的藥劑師，他告訴我們，我們之前用開的在台不是大藥廠出的，也不是太有名，所以只有在一些較大的屈臣士才能找到，就算找到的話數量也不會多。他推介了我們才台較出名也受國內同胞歡迎的另一種一條根給我們，他說太醫苑在台比較有名，藥廠也較大，較容易在屈臣士買到。剛巧遇到他又在做買兩件第二件六折的優惠，所以買了幾包回來試試。

（p.s. 回港後，第三晚開來試了，這牌子的比我們之前用的那款沒那麼大藥味，但藥力出得一樣快，很快便感覺到貼的位置涼涼的。第二朝起床真的舒緩了很多~~~~所以這個絶對會回購~~~~!!!）

剛巧也見到 Freshel 這個保濕噴霧做特價，有八折優惠 TWD 288 一枝（約 HKD 73），見佢貼住是XX老師推薦的，又不太貴買了一枝來試試，回來香港後在 Log-on 見過這個，賣緊 HKD 92 呢~~~~!!

平時薯條就見得多，地瓜條真的比較少見，所以在便利店一口氣入了兩個~~~~!!

以為買不到想找的 m&m's，唯有狂買掃這個 Pinky 猴子糖。別以為這個很易找，因為都不是間間便利店有哦~~~~!!

好好彩，我們在幾家便利店找到想要 m&m's 朱古力啦~~~~~!! 為什麼我們那麼想要找 m&m's ?? 因為這是台灣限定的黃金鳳梨口味呀~~~~!! 找了很多家便利店才找到十多包，Joey 要了幾包，其餘的我都全要了，可以分了手信後我自己都沒能留一個，朋友們記得要試真點哦~~~~!!

跟住開始買大型手信，跟過港記酥皇，買了一盒蜂蜜太陽餅。其實我最想買是淡水那家京采餅舖的太陽餅，因為真的超好味，吃過很多家的，都沒一家及得上京采的，但出發無論我上網找或親自打電話去都找不到店家，因為我們今次行程短又不會去淡水，所以頓時真的不知買那家的太陽餅給我媽..........剛巧見港記還沒有試過就買一盒來試試吧.............雖然都好味，但都是京采的最令人回味。

港記隔壁就是我最喜愛的肉乾品牌 - 黑橋牌~~~!! 因為香港賣得貴，所以我每次來都會買多一點點............

最後去維格餅家，那些鳳梨酥、鳳黃酥、鴛鴦綠豆糕是基本必買的，但我們發現新出了一款米穀鳳梨酥。這款我自己覺得比普通鳳梨酥較鬆化，而且它中間還有合桃，感覺幾得意，所以買了一盒。另外原來維格也出了爆米花，一試愛上這個芝士味的，雖然難攞，但因為真的是很好味，所以點都要買一包回來。

這時手上已拿著太多手信，一定要回酒店放下東西抖一抖，好彩維格就在酒店附近，走兩三分鐘就可以回酒店。很累呢...........

呢個行程的重點其中一個地方就係呢個 Line Friends 專門店，可惜我淨係記得地址，唔記得抄底大廈名，所以搵咗好耐都搵唔到..........最後先發現原來佢係微風松高三樓...... 一上到去就見到放齊晒 Line 大公仔的牆，超可愛的，剛好我們來的時間又沒什麼人，影得超爽的~~~~

我最愛的 Cony 哦~~~~

正門口還有一個大的 Brown~~~

可是這邊賣的產品不算太多..........

揀咗好耐........我先拾得買兩枝筆比自己..........

想走的時候，發現一個專櫃是專賣龍貓產品的，兩位龍貓粉絲即時被吸弔2了.........不過這裏賣的龍貓價錢比在日本買貴很多呢......

本住影咗相當買咗的精神，我地快快的又出返西門町覓食了~~~~ 但一出捷運站就見到屈臣氏吸引咗，今次來台的另一目的是要找一條根~~~~ 上一次來買了這款，很好用呢~~~雖然味道有點大，但功效快，比撒隆巴斯嗰啲還要舒緩，我同我爸都覺得好用，今次他特別吩咐我要買回去的。

但可惜對住西門町六號出口的這家屈臣氏只有五包，比 Joey 掃晒~~~咁我唯有去掃 Sofina，因為我今次收咗好多 Sofina 的訂單~~~ 超好彩，最熱賣的 Primavista Long Keep Base 剛好特價，每枝只需 TWD 298（約 HKD 76），雖然 Ange 呢條副線比起日本出的 Primavista 控油功效差了兩小時，但就價錢而言，香港的要 HKD 2XX 一枝，現在在台買副線只需 HKD76，慳了一大半，叫人怎能不買呢~~~

買完嘢就食飯囉~~~因為 3T 想食燒肉，所以一早定好要去燒匠或熊一其中一家，3T 最尾揀咗燒匠。

因為最主要係 3T 想狂食牛，所以我只選了最普通的 TWD596 任食~~~~ 一選好，待應就會問﹕「幫你們先上八款最熱賣的好嗎??」，其實我地都唔知呢八款是什麼東東來的，不過既然她說得熱賣就信她吧~~~ 原來那八款就是豬呀，牛呀，雞呀，蜆仔的那些~~~~不過呢...........我覺得全部肉中，最好食係雞，其餘的，我都覺得有啲「UN」...........這裏的職員都很好，見我們不太會燒，路過時都會幫我們望望~~燒燒的~~~!!

好彩除了燒肉外，任食的價錢還包了這個火鍋~~~~!! 說真的，這個鍋跟我最對口味~~~!! 全是蔬菜，還可加花枝漿，很好味呀這個~~~~!!

看到這個才知原來中國生菜在台叫「大陸妹」~~~~很可愛呢~~~~!!!

食飽飽本來打算先在西門町逛逛先，但行行下，Joey 開始肚痛..........問她能否忍到酒店，但說可以，我們都不敢再四圍行，立刻往酒店方向出發，但才剛過兩三分鐘，Joey 已忍唔到，衝咗上麥當勞個廁所........... 突然間 "嘭" 一聲，我抬頭見麥當勞的幾盞射燈有少少火花出，然後麥當當及隔離的誠品都黑晒，好彩誠品好快就有返電，但麥當當都係未有，企企下，我同 3T 真情聞到燶味.................等咗兩三個字，Joey 先搞掂出返嚟，好彩佢話當當固廁所其實是在誠品的，佢搞掂我地都不敢怠慢，急急腳返酒店了~~~~~!! 好在由西門町最旺的地方行回酒店才只需五分鐘到，很方便呢~~~!!

我們今次訂了三人房，有一張大床同一張單人床，雖然沒有窗，但整個環境也很乾淨企理，這家新驛旅店絶對值得推介呀!!!

食飽就要開始今日的購物之旅~~~~~

先到鼎泰豐隔離的食品專門店找糖村，Diana 推介的~~~也說這家的牛軋糖很好味，還有一個芝士味的鳳梨酥，聽著覺得很吸引，所以加了入今次的購物清單~~~~

因為第一次買怕唔好食，所以只每樣買了一包嚟試...........

（p.s. 返嚟後.........牛軋糖派了一大半，淨下來的爸媽大讚話好味又唔甜，但只淨返幾粒，兩老唔夠喉，於是要臨時叫在台的 Diana 幫我再買兩包回來...... 反而芝士鳳梨酥呢..........因為只有少少芝士味，唔太突出，所以沒追加購買了）

買完呢個之後，我地就咗 ATT4FUN shopping~~~~~!! 初初睇地圖唔見有天橋，以為要行好遠，好彩最後問到人原來台北 101 是有天橋跟它連接的呀~~~~

去呢度的主要目的就梗係 GU 啦~~~~現在沒去日本買不到，香港又沒有這家，當然要來台北朝聖啦~~~~ 不停係 GU 舖內來來回回，最後揀到一條裙，一條今年大熱的濶身褲，一件 T-SHIRT，大滿足~~~~~

買完嘢就再去下一站出發~~~~本來係想去 LINE FRIENDS 專門店先的，但路經誠品信義店，點都入去八下，順手睇下有無我想要的 My Meloday 40 週年紀念冊~~~~

哈哈......我地真係行咗一個圈就出返嚟，因為大家都無意欲買書........... 見統一阪急百貨就係誠品後面，一於先去買化妝掃先~~~~之前想試林三益的掃好耐啦~~但次次都夾唔到時間去睇，今次終於得啦~~~~~最後我買咗一枝心形的胭脂掃，送了一個迷你掃，再幫 Diana 買了一個黑頭 Bye Bye 掃，據說這個在網絡很火~~~~售貨員介紹的時候說除了可在洗臉時用，如果平時上粉發現有不貼服的地方，也可以用這個沾點水，然後在該位置印印印就可以令粉貼服了，聽著覺得的確很神奇........但怕自己只是貪新鮮，所以最後快沒有買，即管看看 Diana 用後的評語再決定吧.........

上月即興買的台北特價機票終於可以出發囉~~~~

之前見長榮做特價 HKD 990 包來回連稅以為很便宜了，考慮了一陣子，在臨優惠完前一兩天決定買了，豈料幾天後又再減價，好傷心......好彩我要的航班時間已沒有了......

上次來機場時已佑機場開了 Harrods，但上次來時太夜了，人家早已準備關門，所以今次再來看~~~~真的很想買一個熊仔袋回家，但又想想可能在台北買會更便宜，所以放低了............

就是這樣........我們的黑仔之旅正式開始........先來 Delay...........話因為飛機還未來到...........

然後上機漿又等了很久.........越坐越熱.........跟住就聽到機長廣播..........話冷氣系統壞咗，要換個新的........好彩只是換零件........幾驚要換過架飛機.........

今日的飛機有雞肉炒飯食~~~~~呢個飯聞落係好香的，可是食就沒味的.........而且雞肉只有三舊.........不過以短途機來說算是不錯啦~~~~~起碼佢唔係淨派個包同一盒嘢飲...........

雖然 Delay 咗，到台北機場後又遇到 Congestion，但都只係遲咗十五分鐘到落機........... 我地見臨過移民局之前有架櫃員機於是就去禁錢先.............我地見排我地前面的都能成功拿錢，相信我們也應沒問題的，..........點知我同 Joey 都唔成功...........但酒店司機又打嚟催喎...........好彩 Joey 有港幣在身，佢拿拿臨去換咗台幣先，然後跟司機滙盒了我才再去櫃員機試..............今次成功了~~~~!!

原來是要揀 "銀聯" 而不是 "PLUS"~~~~!! 本來由桃園機場去我們酒店大概要四十至四十五分鐘...........但我地見司機逢車過車~~~開得很快~~大概只花了半小時便到酒店了..........真的不是開玩笑，在車上時有幾下真的想吐...........

落車後，他才跟我們說，因為過十分鐘後會有軍演，如果他不開快一點，可能我們便要困在路上等半小時，為避兔這情況，所以他才開那麼快~~~ 果然我們完成了 Check-in 手續以後軍演的笛聲就响起了~~反正我們也要等 3T 來，房間也沒準備好，我們只好在大堂歇息歇息~~

這家 新驛旅店 - 西門捷運店（CityInn Hotel）真的很近捷運站，而且只是大堂也很企理乾淨~~今晚睇埋房間就知是否值得推介了.......

原來演習期間除咗車要停在路外，人也要停在安全地方，所以對面的遠東百貨在演習期間會落閘，連 3T 想出西門町捷運都唔得..........

等 3T 登記埋資料，我們就可以正式出發啦~~~~我地第一站先去 101 大樓的鼎泰豐食個 Late Lunch。 呢間店好在係捷運站一出便找到，勁方便~~~

可能因為晏..........所以只係等咗一陣就有位~~~~!! 今日食咗炒青菜，小籠包、蝦肉雲吞同一個雞湯麵~~~~!!! 全部都好好味哦~~~~!! 鼎泰豐真係我每次來台都必吃的........

突然追加的外遊……本來真係無諗住返大陸的……但上兩星期表姐嚟食飯後突然約阿媽返大陸，所以我焗住陪上…… 今朝坐勁早車返去，我地到咗步嚟接車的都未出門口～

差唔多有成兩年無見過包包，真係大個仔晒囉～ 飲完茶返屋企坐到晏晝～又去沙灣食糖水～

呢間沙灣奶牛皇后應該係呢度出名的，因為有好多明星合照，而且是滿客的～ 我而家盡量唔飲奶，所以只咗紅豆沙～其實佢都做得幾甜，間唔時食一碗還是可以的～

食飽出嚟就見到好多懷舊小食～不過我自己就麻麻地呢啲嘢，所以無買嘢～

行咗一陣又夠鐘揸車返去，準備去酒樓飲～原來今日係表姐夫六十大壽～

跟住第二朝又飲茶～飲完茶攞行李又要坐車返香港囉～其實兩日一夜的行程真係好攰……

終於嚟到最後一日.........噚晚都幾難捱............雖然食咗藥.........但都係好驚自己嘔...........好彩平平安安捱咗一晚..........

原本今朝係諗住遊江南區的，但姨媽話想去南大門，OK~~~~咁我地改地方啦~~~~~!! 係地鐡見到呢隻好可愛的熊~~~~

嚟到會賢站 5 號出口就係南大門啦............雖然係我想去林蔭路多啲，不過南大門我都有嘢想睇架.........就係飾品批發中心，因為我好鐘意買首飾架~~~!!

但坦白講.............呢度真係似花園街..........賣嗰啲嘢連兩老都唔啱 Feel...........

到咗批發中心，明顯兩老又係無興趣，直行直過就走咗..........我連睇的時間都無...........

好快咁行完呢個南大門，兩老話悶嗌走.........時間唔三唔四，而家去行林蔭路又太趕，最簡單方便就係去明洞 Hea 埋啲時間佢........

就係咁........我地嚟咗五日，行咗三次明洞囉..........

因為我知係會賢行去明洞其實唔遠，開住 WiFi 就一定搵到~~~所以我地決定行過去~~~~!!

途中就會經過這崇禮門~~~~我係度諗緊佢係咪就係當年比火燒咗嗰度..........

係就到明洞的時候，突然間見到有間 ISSAC，我同佢地講，好多人都讚呢間好味架~~~~~

阿珠媽啲手腳快~~~!! 睇佢整呢，係唔複雓的，而且材料都子簡單，可能係因為新鮮熱辣整同食，所以啲人先會覺得特別好味...........

 

噚日胃痛完，我就唔敢食啦~~~~但有食嗰三位都大讚好味~~~~!!

又係明洞閒逛............反正有時間，去 Olive Young 搵吓有無之前搵唔到的 Mask 仲好............

估唔到真係比我係呢間 Olive Young 體驗館搵到呢，一口氣入咗十多塊，返嚟做手信都好啦~~~!!

呢隻 SCINIC 純黑棉面膜，有成 36 ml 精華係度呢~~~!!

返嚟之後我試咗，真係好足料，好補濕，而且敷完都無敏感.........一定會再買.......因為派完手信比大家，我已淨返唔多啦~~

買完嘢，佢地又話肚餓啦喎........見到有路邊攤賣餃子同蕃薯，佢地又買咗嚟食............  

佢地食嘢嗰陣，我有入過去 Aritaum 去睇韓律的化妝水架.........但諗住機場都應該有，所以就無係度買...........

雖然我地係搭七點八機，但因為真係覺得無乜嘢行，所以都係決定提早返酒店攞行李出機場........

唉.........我地四個人.......四個篋，其中一個仲要係 29 寸大篋..........連續兩架的士都唔肯載我地出首爾站........

後尾我地要分開兩個的士走先得...........佢地啲的士的車尾箱真係好細............

又遇到車，我地足足用咗一個鐘先去到首爾站.........今日的車錢仲貴過噚日.........結果我地係四點先去到機場.........

跟住又要搵返 Wifi 個櫃位還 Wifi 機啦.........又要搞退稅..........又要排隊 Check in........足足差唔多六點幾先過到海關.........

攞埋退稅的錢同之前係樂天訂的貨，終於可以去行陣免稅店........點知原來機場入邊係無韓律賣架.............咁唯有買返雪花秀啦..........

終於可以返香港啦.............  

今日飛機餐食炸雞，我覺得好味架，但阿媽話唔好味又鞋喎..............  

四個人去，十袋嘢返.....連我自己都覺得好誇張.......不過總之平安返嚟就 OK 啦.......  

因為我阿媽成日都恨食人蔘糖，所以今次的行程一早就計劃咗要去正官庄~~~!!

食飽飽之後齊齊向正官庄專門店出發，但佢個地點其實不太好找，我地都要問啲人先搵到~~~~!!

試咗一輪，明明佢個口全部都係人蔘味，但佢都話人地唔夠濃，我上次嚟係超市買的就話唔夠蔘味啫，如果連正官庄出的都嫌唔，我都真係無晒辦法.......

（詳見舊 Blog﹕2012 韓國自由行 – Day 4 （11月13日 ~ 東大門, 樂天 duty free, 樂天超市, 明洞））

最後我買咗佢新出的即沖蔘粉嚟試，一日飲兩杯，當補補身都唔錯~~~!! 好在之前有印定優惠卷，有折呢~~~~!!

銷售姐姐仲送咗兩枝即開即飲的人蔘飲品比我地~~!! （優惠卷﹕按此~~~!!）

按行程聽日唔會再嚟明洞，見有錢淨，我決定要去搵返我第一日嚟睇中嗰件衫，雖然之前係弘大都有見到，但呢件衫堅貴，要六萬四千韓元呢，所以諗到今日先決定買，同埋去 Uniqlo 買件褸~~~~!! 我而家後悔緊點解唔去 Honolulu Cookie 買多盒曲奇走，因為真係好味呢~~~~!!

真係財散人安樂.........趕趕趕，趕去搭地鐵去首爾站~~~~!! 我上次嚟呢度都個 Outlet 都未開~~~~諗住今次可以行吓，但原來大家都對呢個唔大興趣，咁我地睇咗幾間舖就入咗超市了..........

之前入去超市好似係唔駛將嘢放入 Locker 的，但而家就要啦~~~~而且仲要係用電子 Locker，我見有班同包係度研究緊點用，我見嗰個職員，佢又唔識教我地但又係咁要我地將啲嘢放入去，最後兩位老人家決定自己輪更看住啲嘢.........

呢個超市真係一如以往咁多嘢睇，但啲嘢就好似唔及係 Gmarket 咁平啦~~~所以我地今次係主打買嘢食..........

揀咗一陣間，已一大車嘢食.............

好~~~~逐一介紹吓先~~~~ 呢隻係魷魚餅嚟，脆的哦~~~~都好味~~~~!!

這個泡菜味紫菜上次買過嚟食，覺得超正~~~~!! 所以今次大手掃貨，但唔知點解呢次買嗰啲覺得偏鹹，我而家夜晚餐餐攞佢嚟夾飯食，超正的呢~~~!!!

這個係兩片紫菜中間夾住啲杏仁片，好脆口，味道都唔錯，下次去都應該會買，呢度一 Pack 有五包了，眨吓眼我地已消化晒佢了........

之前睇 "爸爸去哪兒"，尹厚成日都食的小熊炸醬麵，但我只搵到呢個小熊拉麵.............買一包返嚟試下先.....

呢個係泡菜紫菜味個朋友 - 原味...........但果然係無咁好食，我始終都係泡菜味紫菜的粉絲.............

食開的魚仔，原來出咗朱古力味...........所以今次只買了這個味~~~~!!

這是趙寅成賣廣告的餅，貪得意買咗一盒............但仲未開..............

這款雖然都係泡菜味紫菜，但同我愛嗰個片子味道真係差好遠............下次唔會再入手這個了..........

我阿媽試食過話好味的花生.............其實咪又係似青島大花生...........

Market O 的朱古力.............

我近排愛上這個，比起 Brownies 更愛呢~~~~

手信版的朱古力..........

這些百力滋我地見啲人買很多的呢...............我地又跟住買咗三盒嚟試，估唔到又好味喎.............下次要係 Gmarket 訂先得..............

我阿媽最後都係忍唔住要買返包人蔘糖返嚟，但開咗之後又係彈人地無蔘味，得個甜字........梗係啦............連正官庄的你都覺得唔啱食，呢啲超市貨你點會覺得好味先............

我完全唔知 Hershey's 係有出朱古力奶囉.......所以買一盒返嚟試下，但仲未開..............

這個柚子茶堅好味~~~~今次又帶多一盒返嚟.............

小肥版蕉奶...........我阿媽點都話要買返一盒比我細佬試下喎........

這個又係上次買過好味，今次一盒大的，入面有四小盒，每味兩小盒，送禮自用的佳品呀~~~~!!

因為真係攞住太多嘢，要返酒店放底啲嘢先...........我地首爾站直接坐的士返酒店，唔知點解四點幾都咁塞車，我地足足坐咗成個鐘咁滯........賣單一萬一千幾韓元呢.........

放低嘢，抖一陣又出東大門食飯啦............

睇旅遊書真係覺得東大門無乜嘢食.........揀咗好耐，搵咗好耐先揀到 CJ Foodworld。但這地點完全不好找，佢同我地識的東大間 Doota 嗰邊有十多分鐘的距離呢~~~ 其實呢度係 CJ 集團的辦公大樓，CJ Foodworld 就係 B1 嗰層，呢度其實有好多間食肆~~~~

我地全體都睇中咗呢間 bibigo，因為佢呢張 Poster 好吸引~~~~而且價錢絕對唔過份呢~~~

我地原原本本咁點咗 Poster 上的三款秋季限定美食~~~~!!

其實我地坐底後都見不停有 CJ 的職員嚟食飯，而且呢度的服務好好，唔會因為我地係外人而招呼不週~~~~~!!

這個菇菇飯勁好味~~~~~個豬肉雖然係有少少辣，但都係好好味~~~!!

雖然而家睇唔白濛濛睇唔清楚，但呢個係蓮藕湯嚟~~~~!!

我第一次飲咁好味的蓮藕湯，佢煲到好似西湯咁，係濃湯嚟，但又有好啲啲蓮藕粒粒，真係好好味~~~~

呢個係烏冬................但堅辣，我食咗半碗仔咋............個胃即刻出事...........不停有胃氣頂住，但唔痛，終之就好唔舒服.............

呢度仲有個迷你超市同其他好多的食肆，但我啲胃氣不停頂出嚟，好辛苦，完全無心機再睇............

出返嚟就會見到好大間 Two Some Place，其實我今次嚟真係好想試下呢度啲 Coffee Shop，好多間都係我心水.......但最後只試咗 Holly Café..........唯有下次再嚟..........

我地沿住地鐵站先行返出去 Doota 嗰邊，但我真係個胃唔係好妥，佢地其實係想同我返去酒店先，但我覺得一場嚟到，你地點可以唔行吓東大門呢........... 我係東大門等佢地嗰陣就見到新開呢個地標............不過我真係無心機再行啦............連我好想去的批發區都去唔成............

我地最後一站就係行 Doota，但呢度的裝修又轉咗，啲嘢好似又貴咗........

嚴格嚟講今篇都似係購物分享，多過似遊記，因為今日去的地方全都是購物嘅地方…...同上次一次樣，我都係安排臨走一日先去超市掃貨，咁就方便今晚執嘢第日走~~~!!

（詳見舊 Blog﹕2012 韓國自由行 – Day 4 （11月13日 ~ 東大門, 樂天 duty free, 樂天超市, 明洞））

雖然噚晚痾過一次之後無再痾過，因為都仲係擔心，所以再食多咗一次藥先出門口…....

我地先去咗乙支路的樂天 Duty Free 先~~~!! 係轉車站見到幾張好可愛的椅子，我地影咗其中兩張~~~~!!

唔係講笑，呢個朝早十點幾 Duty Free 雪花秀櫃位的照景況..............好恐佈..............

其實因為而家買慣咗試用裝嚟用，用貨裝會覺得好貴，所以我都無乜嘢要買，唯獨係枝眼部精華要同佢買，因為試用裝係無嗰個金屬頭去碌眼袋.........

另外就係出發前 00 帶咗佢個 Clarifying Mask 返嚟比我地試，呢個好得意係撕的，搽咗上面，等佢乾咗，然後就可以好似搣死皮咁成塊撕落嚟明，見佢唔貴，所以買嚟試，另外嗰枝 Overnight Mask 就係幫 Joey 買的...........

買完呢個以為夠錢去換一張一萬韓圓的代幣咭，於是又走咗上去換，去到先知要買滿 USD 300 先得，阿媽佢地見我地有好多嘢買，所以乾脆坐係度等.......

跟住我咪去 Longchamp 買袋先囉~~~~今次買咗兩個長帶，一個寶藍色，一個深紫色，都係一個幫 Joey 買的.........

因為出發之前無去睇過價錢，諗住而家維返大概係 HKD 992 應該點都平過香港所以先買...........哈.............返香港先知原來同專門店比只係差 HKD 8。

買埋袋肯定夠錢換現金代用咭啦~~~~~

跟住好開心咁去買 cle de peau 唇膏啦，點知比錢先知呢張現金咭係乙支路呢間店係不適用的..............不過反正呢個唇膏都係自己用開，所以無所謂啦~~~~

cle de peau 呢個唇膏係我用過最潤的唇膏~~~~~用咗真係少好多乾紋，但唔好處就係易甩，不過潤就會係咁，無辦法...... 今次我買咗 204 同 206 兩色~~~!!

之後醒起 Mika 就嚟生日，所以去咗后買枝唇膏比佢做生日禮物~~~!! 希望佢鐘意啦~~~~!!

我表姐繼續係 the Face Shop 買咗好多 Mask，勁重~~~阿媽話早知我地咁多嘢買就應該拉篋嚟......

哈哈......到時真係完全係自由行 Feel.........

買好晒嘢，表姐要去 Lotte Young 度幫人買 EXO 的產品，但可惜佢想要嗰兩個明星的頸鍊都賣晒，咁啱比我見到 Line Store，我同 Cony 影咗張相~~~!!

行咗一朝，大家都肚餓，但因為我腸胃唔好，大家都就我去返第一日嗰間榮養粥度 Lunch~~~~!! 好感動呢~~~~!!

不過呢............今日啲嘢好似無咁好食，連啲招呼都差咗............

佢地今日試咗呢個蒸餃子...........

仲有唔記得咗名的粥............

仲有我好愛的南瓜粥...........不過今日呢煲真係無第一日食的咁清甜.............

今日仲食多咗個海鮮餅，佢地個個都話今日呢餐，最好味呢個~~~!! 不過我又係有得睇無得食啦.............